БЕЛГИСИЗ АДАМДАР ХУШАБ РАЙОНУНУН «РОДА» АЙЫЛЫНДАГЫ КӨРҮСТӨНДӨ 90 АХМАДИЙДИН МҮРЗӨСҮНҮН ЭСТЕЛИК ТАШТАРЫН ТАЛКАЛАШТЫ

Маалыматтарга ылайык, 2025-жылдын 10-майында айрым Ахмадийлер көрүстөнгө барганда, ал жердеги бардык Ахмадийлердин мүрзөлөрүнүн эстелик таштары талкаланганын көрүшкөн. Белгилей кетүү керек, акыркы убактарда полиция Ахмадийлерге бул эстеликтерди өздөрү жок кылууга кысым көрсөтүп келген. Бирок Ахмадийлер жергиликтүү бийлик органдарына мындай ишти өз алдынча жасабай турганын ачык айтышкан эле. Андан кийин ушул окуя жүзөгө ашкан.

Бул боюнча чара көрүү үчүн милицияга кайрылуу жөнөтүлүүдө.

Эске салсак, ушул эле көрүстөндө 2025-жылдын 1-апрелинен 2-апрелине караган түнү белгисиз адамдар эстелик таштарга жазылган ыйык тексттерди цемент менен сүртүп өчүрүшкөн.

2025-жылдын башынан бүгүнкү күнгө чейин Пакистанда ар түрдүү 11 окуяда 269 Ахмадийдин мүрзөсү урматсыздыкка учураган. Ал эми былтыр, 2024-жылы ар кандай 21 окуяда 319 Ахмадийдин мүрзөлөрү урматсыз кылынган. Ишеним айырмачылыгынан улам болуп жаткан бул жек көрүү жана кастыкка негизделген окуялардын тынымсыз уланышы айыптоого татыктуу. Жогорку бийлик органдары бул окуяларга көңүл буруп, күнөөлүүлөрдү мыйзам чегинде жоопкерчиликке тартуусу керек.