Шүгүрчүлүк кылуу, такыба амалдар жана перзенттердин оңолуу дубасы

Нээматка шүгүрчүлүк кылуу, такыба амалдарды жасоо жана перзенттердин оңолуу дубасы

Рабаяттарда жазылгандай, ушул дубаны эң алгач сураган инсан Азирети Абу Бакр (разияллааху анху) болчу. Анын ушул дубасы минтип кабыл болду: анын ата-энеси, ага-иниси жана бардык балдары Ислам динин кабыл кылышкан. («Тафсир ад-Дурул-Мансур лис-Суютий» 5-том, 41-бет).

Рабби аузиъний ан ашкура неъматакаллатий анъамта алаййа ва алаа ваалидаййа ва ан аъмала саалихан тарзааху ва аслихлий фий зурриййатий, инний тубту илайка ва инний минал-муслимийн. (46:16)

Котормосу: «Эй, Раббим! Мага жана ата-энеме көрсөткөн мээримдүүлүгүң үчүн шүгүр кылуума жана Сага жаккан иштерди кылышым үчүн мага күч-кубат бергин жана мен үчүн тукумумду дагы оңдогун. Албетте, мен Сага гана жалбарам жана шексиз мен баш ийүүчүлөрдөнмүн». («Ал-Ахкааф» сүрөөсү:16)