ПОКИСТОНДА БИР АҲМАДИЙ МУСУЛМОН ДИНИЙ АДОВАТ ТУФАЙЛИ КУППА-КУНДУЗИ БОЛТА БИЛАН ШАҲИД ҚИЛИНДИ
- Қотил болта билан чопиб-чопиб: «Эй, қодиёнийлар! Сизларга бу ердан кетишингизни ва бу ерни ташлаб кетишингизни айтмаган эдимми?» – деган сўзларни ҳам гапираётган эди.
- Аҳмадия Жамоатининг матбуот котиби: Аҳмадия Жамоатига қарши олиб борилаётган нафрат ишлари билан радикалларга очиқ йўл қўйиб бериши ва бирорта муносиб чораларни кўрмаслиги натижаси шуки, бугун мамлакат бўйлаб Аҳмадийлар ҳеч қаерда хавфсизликда эмаслар.
Ченоб Нагар: Пресс-релиз: Бугун соат 13: 00 атрофида Равалпиндининг Дҳамиёл лагери ҳудудида икки Аҳмадий ака-ука – Тоҳир Аҳмад Қамар ва Таййиб Аҳмадга суиқасд қилинди. Улар ўз дўконларида эди, бир номаълум киши қўлида болта билан келди ва келиши билан уларга бақириб: «Эй, қодиёнийлар! Сизларга бу ердан кетишингизни ва бу ерни ташлаб кетишингизни айтган эдим» – деган сўзларни гапирди ва шу билан бирга болта билан чопишни бошлади. Таййиб Аҳмад олган жароҳатлари туфайли воқеа жойида шаҳид бўлди. Қотил тахминан 30 ёшда эди ва у жойни тарк этиш билан таҳдид қилаётиб, қочиб кетди.
Шаҳид Таййиб Аҳмад марҳумнинг укаси Тоҳир Аҳмад Қамар Равалпиндида майдалагич, ун тегирмони ва дон бизнеси билан шуғулланаётган эди. Таййиб Аҳмад акаси билан учрашгани бир неча кун олдин Рожанпурдан Равалпиндига келган эди. У босқинчига бу ерда меҳмон эканлигини айтган, бироқ у болта билан унинг танасининг юқори қисмига бир неча марта урган. Шаҳид марҳум 40 ёшда эдилар. У киши олижаноб инсон эдилар. Аввалроқ унинг оиласи Рожанпурда қаттиқ диний қаршиликка дуч келган эди. Худди шундай, диний қаршилик туфайли Равалпиндида ҳам шаҳид марҳум Таййиб Аҳмаднинг укаси диний нафратга дуч келаётган эди ва доимий равишда ўлим билан таҳдид қилинарди. Бир неча кун аввал унинг дўконидан унча узоқ бўлмаган жойда бир диний йиғин бўлиб ўтган, шундан сўнг иштирокчилар унинг дўконига тош ҳам отдилар.
Аҳмадия Жамоатининг матбуот котиби Омир Маҳмуд бу даҳшатли қотилликдан чуқур ташвиш ва қайғуни изҳор этиб, бир Аҳмадий мусулмоннинг куппа-кундузда бир динпараст томонидан шаҳид бўлгани жуда ачинарли эканини айтди. Аҳмадийларга қарши нафрат уйғотишнинг натижаси шуки, бугунги кунда Аҳмадийлар ўзларини хавфсиз деб ҳисобламайдилар. Аҳмадия Жамоатига қарши экстремизмга алоқадор унсурларнинг кимлар эканлиги яширин эмас. Нега ҳукумат уларга қарши қонуний чора кўрмайди? Нафрат ва зўравонликни қўзғатувчилар қонун асосида қўлга олинсалар, диний асосда қотилликларга чек қўйилиши мумкин. Аҳмадия Жамоатининг матбуот котиби тинч жамиятни барпо этиш учун диннинг муқаддас номидан фойдаланиб, жамиятда қўрқув ва даҳшат тимсолига айланган мутаассибларга нисбатан қонуний чора кўришни талаб қилди.