Ҳазрат Мирзо Масрур Аҳмад (аба) Голуэйда қурилган янги масжидни очиш учун келди

2014 йилнинг 22 сентябрида Аҳмадия Мусулмон Жамоатининг Халқаро Раҳнамоси, Масийҳи Мавъуд ва Имом Маҳдий – Ҳазрат Мирзо Ғулом Аҳмад^аснинг 5-халифаси Ҳазрат Мирзо Масрур Аҳмад (Аллоҳ таоло унга Ёрдамчи бўлсин) Ирландия Республикасига ўзининг иш сафари билан ташриф буюрди.

У киши Ирландияда Аҳмадия Мусулмон Жамоати томонидан қурилган биринчи масжидни очиш учун йўл олди.

“Марям” деб номланган бу янги масжид Голуэй шаҳрида қурилган. У киши 2010 йилдаги Ирландияга бўлган биринчи иш сафарида ушбу масжидга дастлабки ғиштни қўйган эди.

У киши 21 сентябрь куни Лондонга йўлга чиқиб, North Wales шаҳрида тунаб, 22 сентябрь куни туш пайтидан кейин Дублинга етиб келди.

У киши етиб келганда Аҳмадия Мусулмон Жамоатининг маҳаллий аъзолари илиқ кутиб олдилар. Улар ўзларининг руҳоний Раҳнамосини кўришганда қувончларини ичига сиғдиролмай қолдилар.

Масжиднинг очилиш маросимидан ташқари у киши Ирландияда бўлган кунлар оралиғида махсус ташкил қилинган бир тадбирда нутқ сўзлаб, Аҳмадий мусулмон бўлмаган меҳмонлар ва иштирокчиларга Исломнинг ҳақиқий ва тинчлик таълимотларини айтиб беради.

Ирландияда у киши Аҳмадия Мусулмон Жамоатининг юзлаган маҳаллий аъзолари билан шахсий мулоқотлар ҳам ўтказади.