Ҳузур (Аллоҳ таоло у зотни азиз ғалабаси ила қўллаб-қувватласин)нинг махсус пайғомлари
Бугун 2020 йилнинг 15 май муборак жума куни Ҳазрат Масийҳи Мавъуд (алайҳиссалом)нинг 5-Халифаси Амирул мўминин Ҳазрат Мирзо Масрур Аҳмад соҳиб (Аллоҳ таоло у зотни азиз ғалабаси ила қўллаб-қувватласин) жума хутбасини қилмадилар. Бироқ бу фурсатда Халқаро Аҳмадия Жамоатининг номига бир пайғомларини жўнатдилар. Уни у зотнинг шахсий котиби муҳтарам Мунир Амад Жовид соҳиб МТА орқали Жамоат аъзолари ҳузурида ўқиб берди.
Ҳузур (Аллоҳ таоло у зотни азиз ғалабаси ила қўллаб-қувватласин) шундай дедилар:
“Мен бугун жума намозига имомлик қилолмаслигим учун афсусдаман. Зеро, бир неча кун муқаддам уй ҳовлисида босаётганимда, полосга оёғим илиниб сирғалиб, асфальт ерга қоқилиб тушдим. Натижада пешонам ва бурним жароҳатланди. Шунинг учун жума намозига имомлик қилишим қийин. Шифокор ҳам дам олишни маслаҳат берди. Дуо қилингларки, Аллоҳ таоло менга тезроқ шифои комил ато этсин ва кейинги жума куни ҳозир бўла олай, иншооллоҳ!
Шунингдек, ҳозир биз Рамазон ойининг охирги ўн кунлигидан ўтмоқдамиз. Унда Жамоат учун ҳам кўпроқ дуо қилинглар! Аллоҳ таоло Жамоатни ҳар қандай ёмонликдан сақлаб, Ўз муҳофазасига олсин. Покистонда шу кунларда сиёсатчилар ҳам, оммавий ахборот воситалари ҳам, Жамоатга қаттиқ қаршилик билдиришмоқда. Улар Аллоҳ таоло ҳамда Унинг Пайғамбари Расулуллоҳ (сав)нинг номларидан сиёсий ўйинлар ўйнамоқдалар ва Аҳмадийларни кўпроқ нишонга олишга уринмоқдалар. Аллоҳ таоло Аҳмадийларни ҳамда бутун миллатни уларнинг бу ўйинининг ёмон оқибатидан сақлаб турсин. Нима бўлганда ҳам, уларнинг ҳар бир ҳужумига жавобан бизнинг вазифамиз дуо қилиш ҳамда Аллоҳ таоло ҳузурида эгилишдир. Рамазоннинг бу охирги ўн кунлигида олдингига қараганда кўпроқ Аллоҳ таоло олдида эгилиб, тазарруъ ила ёлвориб дуо қилинглар. Аллоҳ таолодан Унинг раҳмати ҳамда иноятини сўранглар. Аллоҳ таоло ҳар бир Аҳмадийга бунинг учун куч-қувват ато этсин. (Омин!)”