Ваъда қилинган Масийҳ ва Маҳдий Ҳазрат Мирзо Ғулом Аҳмад (алайҳиссалом) шундай деб марҳамат қиладилар:
«… ва агар бундан ҳам юқори даражага ўтишни хоҳласангиз, у ҳолда эҳсон даражаси бўлиб, у қуйидагича: ўз биродарингнинг ёмонлиги қаршисида яхшилик қил ва унинг етказган озори эвазига унга роҳат етказ ҳамда мурувват ва меҳрибонлик сифатида ёрдам бер.
Бундан кейин «ийтои зил-қурбо» даражаси бўлиб, у қуйидагичадир: биродарингизга қилган яхшилигингиз ёки инсониятга қилган хайрихоҳлигингиздан ҳеч қандай яхшилик кутманг, аксинча, у табиий равишда, олдиндан ҳеч қандай манфаатни кўзламай, худди қариндошлик ғайратидан, бир қариндош бошқасига яхшилик қилганидек, шундай шиддат билан амалга оширилиши керак. Бас, бу ахлоқий тараққиётнинг чўққисидирки, одамларга бўлган ҳамдардликда бирорта худбинлик, муддао ёки мақсад бўлмасин. Балки инсонларга кўрсатиладиган биродарлик ва яқинлик жўшқинлиги шундай юксак даражага кўтарилиши керакки, у яхшилик ўз-ўзидан, олдиндан кўзланган бирорта миннатдорчилик ёки умид ёки эваз ва бадалсиз, фақат табиий иштиёқ билан амалга оширилиши керак».
(«Изолаи Авҳом», 2-қисм, «Руҳоний Хазоин», 3-жилд, 551-552-бетлар)
«Қариндош-уруғларнинг ҳам ҳақ-ҳуқуқлари бор, улар билан ҳам яхши муносабатда бўлишимиз керак. Ҳа, лекин Аллоҳ таолонинг иродасига зид бўлган нарсалардан узоқроқ туришимиз керак. Бизнинг усулимиз шуки, ҳар бир одамга яхшилик қилинг ва Аллоҳ таолонинг барча бандаларига мурувват кўрсатинг».
(«Малфузот», 6-жилд, 261-бет, 2022-йил нашри)
«Инсон Аллоҳ таолони биринчи ўринга қўйиб ва Аллоҳ таолодан қўрқиб, барча алоқа-воситаларини – хоҳ жамиятидан, хоҳ миллатидан, хоҳ дўстлари ёки шаҳар раисларидан бўлсин, узмагунича ҳамда Аллоҳ таоло учун ҳар қандай хорликларга чидашга тайёр бўлмагунича, тақводор бўла олмайди».
(«Малфузот» 6-жилд, 236-бет, 2022-йил нашри)