Халқаро Аҳмадия Мусулмон Жамоатининг Бутунжаҳон Раҳбари, Ваъда қилинган Масийҳ ва Маҳдий Ҳазрат Мирзо Ғулом Аҳмад Қодиёний алайҳиссаломнинг 5-халифаси, Ҳазрат Мирзо Масрур Аҳмад аййадаҳуллоҳу таоло би-насриҳил азиз 2005 йил 29-апрел куни ўқиган жума хутбаларида шундай деб марҳамат қиладилар:
«Ҳар бир инсоннинг ўлимидан сўнг унинг иши Аллоҳ Таолонинг ҳузуридадир, У у билан хоҳлагандай мумомала қилсин, бу ҳақда ҳеч қандай фикр билдиришга бошқа ҳеч кимнинг ҳаққи йўқ.
…Ислом ҳеч бир инсонга нисбатан нафратни ўргатмайди. Аксинча, унинг хатти-ҳаракатларига норозилик билдиради. Масалан, Қуръони Каримда Ҳазрат Лут алайҳиссалом ўз мухолифларига хитоб қилиб: «Амалларингизга нафрат билан қарайман», – дейдилар. («Аш-Шуаро» сураси, 169-оят). Худди шунингдек, Аллоҳ Таоло мўминларга: «Аллоҳ Таолонинг оятлари масхара қилинаётганини эшитсангиз, ўша вақтда масхара қилаётганлар билан бирга ўтирманг», – деб буюрган. («Ан-Нисо» сураси, 141-оят). Гўё инсонлардан нафрат эмас, балки уларнинг амалидан безорлик таълимоти ўргатилган.
Бас, Ислом таълимоти ҳар бир масалада мукаммал ва жуда гўзалдир. Ислом энг ашаддий душман ўлганида ҳам, хурсанд бўлишни ўргатмайди, балки ҳақиқий мўмин унинг ўлимида ҳам кошки у ҳидоят топганида эди, деб қайғуради.
…Исломга мухолиф бўлиб вафот этган киши учун дуо ўқишга келадиган бўлсак, Ислом фақат Аллоҳга очиқ душманлик қилган мушрик учун мағфират тилашни ман этади, бошқа бировга ҳам дуо қилишдан тўхтатмади». («Ат-Тавба» сураси, 114-оят)
(Асосий масалаларга жавоблар, 29-қисм)
«Халқаро «Ал-Фазл» газетасида нашр этилган, 2022-йил 25-феврал)