КОСОВОДА СИЙРАТ-УН-НАБИЙ САЛЛАЛЛОҲУ АЛАЙҲИ ВА САЛЛАМ ЖАЛСАСИ (МАЖЛИСИ) БЎЛИБ ЎТДИ
Аллоҳ Таолонинг инояти ва марҳамати билан Косовдаги Аҳмадия Мусулмон Жамоати 2023-йил 23-декабр куни Жамоат марказида Пайғамбаримиз саллаллоҳу алайҳи ва саллам сийратлари ҳақида жалса (йиғилиш) ўтказишга муваффақ бўлди.
Жалса кечки соат олтиларда Қуръони Карим тиловати ва Пайғамбаримиз саллаллоҳу алайҳи ва салламнинг мақом-мартабалари ва мавқелари ҳақида Ваъда қилинган Масийҳ ва Маҳдий алайҳиссаломнинг сўзлари билан бошланди. Маҳаллий воизимиз жаноб Албон Зеқирож «Тақводорлар билан ҳамроҳлик» мавзусида маъруза қилдилар. Сўнгра Ҳазрат Имом Маҳдий алайҳиссаломнинг 2-халифаси Ҳазрат Мирзо Башируддин Маҳмуд Аҳмад разияллоҳу анҳунинг «Муҳаммад саллаллоҳу алайҳи ва саллам таржимаи ҳоллари» номли китоби ҳақида қисқача маълумот тақдим этилди.
Жалса дуо билан якунланиб, сўнгра шом ва хуфтон намозлари адо этилди.
Якунида иштирокчиларга таомлар тортилди. Йиғилишга ташқи меҳмонларни ҳисобга олган ҳолда жами 36 киши ташриф буюрди.
(Ҳисоботни Жамоатимиз воизи ва Косоводаги Аҳмадия Мусулмон Жамоати президенти Жиноҳуддин Саиф тайёрлаган)
