“خوای گەورە دەفەرموێت: {اللَّهُ لَا إِلَهَ إِلَّا هُوَ الْحَيُّ الْقَيُّومُ} واتە خوای گەورە كۆكەرەوەی هەموو سیفەتە كامڵەكانە و پاك و خاوێنە لە هەموو كەموكوڕیەكان، وە تەنھا ئەو شایستەی بەندایەتی بۆ كردنە، وە بوونەكەی پێویستی بە بەڵگە نیە؛ چونكه بەشێوەیەكی سەربەخۆ زیندووە و ڕاوەستاوە (واتە زیندووە و هەمیشەییە و لە ئەزەلەوە هەبووە و هەتاهەتایە دەمێنێت) وە هیچ شتێك غەيرى ئەو بەشێوەیەكی سەربەخۆ زیندوو و ڕاوەستاو نیە.
(پاشان بەڕێزی (سڵاوی خوای لێ بێت) ڕوونیدەكاتەوە و دەفەرموێت: هیچ شتێك نیە لەناو دروستكراوەكاندا كە بەشێوەیەكی سەربەخۆ هەبووبێت و پاشان بەسەربەخۆیی بمێنێتەوە، بەڵكو تەنھا زاتی خوای گەورە هەربووە و هەتاهەتاییە، بەڵام جگە لەو هەموو شـتێك دروستكراوە، وە لەوەوە ژیانی پێ خەڵات دەكرێت لەكاتێكی دیاریكراودا و پاشان دوای ماوەیەك دەگاتە كۆتاییەكەی، وە بە بەردەوامی مانەوە و ڕاوەستاوی بۆ نانووسرێت. دەی لە كوێ كەسێك ژیانێكی كورتی هەبێت و سەربەخۆ نەبێت گوێبیستی پاڕانەوەی ئەوانی تر دەبێت و گیرای دەكات یان مناڵیان پێدەبەخشێت؟ هیچ شتێك نیە جگە لە خوای گەورە كە خاوەنی هەموو توانا و هێزەكان بێت و لە ئەزەلەوە هەبوو بێت تا ئەبەدیش بمێنێتەوە. دیارە خوای گەورە لە سەرتای ئەم ئایەتەوە ئەوەی ڕوونكردووەتەوە كە هیچ پەرستراوێك و خودایەك نیە جگە لە الله، لەبەرئەوە ئەگەر ئێوە دەتانەوێت لێشاوی نوور وەربگرن لە سیفەتەكانی؛ ئەوا دەبێت دووربكەونەوە لە شیركی ئاشكرا و پەنھان) پاشان بەڕێزی (سڵاوی خوای لێ بێت) دەفەرموێت: “وە تەنھا خوای گەورە ئەو سیفەتەی هەیە كە نەخەوێت و وەنەوز نەدات، وە هەموو كات و ساتێك دەڕوانێت بۆ دروستكراوەكانی و چاودێری ئەو سیستەمە دەكات كە خۆی بەڕێوەی دەبات، وە هەرگیز شەكەت و ماندوو نابێت.”
بێگومان بەناو دنیانەویست و سۆفیەكان ماندوو دەبن، بەڵكو زۆربەیان وازیان لە نوێژ و خواپەرستیەكان هێناوە و تەنھا خەمی خواردن و خواردنەوە و تێركردنی سك و خۆشگوزەرانییان هەیە.