ئەڤینا درست بو پێغەمبەرێ مەردین (سلاڤێت خودێ لسەر بن)
هێژایێ مە میرزا مەسرور ئەحمەد میرێ باوەردارا
خەلیفێ پێنجێ یێ ئیمامێ مەهدی ومەسیحێ ژڤاندار
(سلاڤێت خودێ لسەر بن)
بەرامبەری جڤیندارا ئیسلامی یا ئەحمەدی پێشكێش كر بوو
(خودێ مەزن بسەركەتنا خو یا سەرفەراز پشتەڤانیا وی كر)
رێكەفتی 21/09/2012
ل مزگەفتا بەیت الفوتوح ل لەندەن
د وێ گووتارێ دا ڕۆناهی دا سەر هەلویستێ ئیسلامێ ژ فلمێ نەباش لسەر پێغەمبەری (سلاڤێت خودێ لسەر بن) و نە باشیێت وەكی ڤێ
أشهد أن لا إله إلا الله وحده لا شريك له، وأشهد أن محمدا عبده رسوله.
باوەردكەم كو ژ بلی خودێ چ خوداوەند نینن، یێ بتنێ یە بێ پشكڤانە، و باوەر دكەم كو محەمەد كوولێ وی یە و هنارتیێ وی یە، و پاشی، فأعوذ بالله من الشيطان الرجيم
ژ ئەهریمەنێ نفرینلێكری خو ب خودێ د پارێزم. {بِسْمِ اللَّهِ الرَّحْمَنِ الرَّحِيمِ (1) الْحَمْدُ لِلَّهِ رَبِّ الْعَالَمِينَ (2) الرَّحْمَنِ الرَّحِيمِ (3) مَالِكِ يَوْمِ الدِّينِ (4) إِيَّاكَ نَعْبُدُ وَإِيَّاكَ نَسْتَعِينُ (5) اهْدِنَا الصِّرَاطَ الْمُسْتَقِيمَ (6) صِرَاطَ الَّذِينَ أَنْعَمْتَ عَلَيْهِمْ غَيْرِ الْمَغْضُوبِ عَلَيْهِمْ وَلَا الضَّالِّينَ (7)}
{بناڤێ خودێ یێ دلوڤان و دلوڤانتر، سوپاسی بو خودێ سەمیانێ جیهانا، دلوڤانێ دلوڤانتر، خودانێ روژا ئوولی، بتنێ تە د پەڕێسین و داخوازا هاریكاریێ ژ تە دكەین، رێ یا راست نیشا مە بدە، رێ یا ئەوێت تە قەنجی لێكری، نە یێت تە كین ژێڤە دبن، و نە یێت سەردا چووی} ئامین.
{إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ يَاأَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا (*) إِنَّ الَّذِينَ يُؤْذُونَ اللَّهَ وَرَسُولَهُ لَعَنَهُمُ اللَّهُ فِي الدُّنْيَا وَالْآخِرَةِ وَأَعَدَّ لَهُمْ عَذَابًا مُهِينًا} ئانكو: {خودێ و فریشتە نڤێژێ ل سەر پێغەمبەری دكەن و گەلی باوەردارا نڤێژێ لسەر پێغەمبەری بكەن، و خو داننە بەر دەستێ خودێ (*) ئەوێت خودێ و پێغەمبەری د ئێشینن، خودێ لڤێ جیهانێ و لجیهانا دیماهیێ نفرین یا لوان كری و بو وان ئەشكەنجەكا بشەرمزاری یا ئامادەكری} (الأحزاب: 57_58)
لڤان روژا پێلەكا دژوار یا پووسیدەییێ و كینێ د موسلمانا دا و ب گشتی ل وولاتێت موسلمانا، و ل وولاتێت موسلمان لێ ئاكنجی یا هەی، ئەو ژی ژ بەر رەفتارەكا نزم و نە باش ژ دوژمنێت ئیسلامێ دژی ئیسلامێ هاتیە كرن، بێگومان مافێ موسلمانانە كو ڤێ پووسیدەییێ و كینێ لسەر ڤێ رەوشا بقەیران دیار كەن، كەسێ موسلمان، چ پایەیا پێغەمبەری (سلاڤێت خودێ لسەر بن) یا درست بزانیت یان نەزانیت، ئەو هەر یێ بەرهەڤە جانێ خو گوری بكەت دا بەرەڤانیێ ژ دەهمەنپاقژیا هێژایێ مە هنارتییێ خودێ (سلاڤێت خودێ لسەر بن) بكەت، ڤێجا كارەكێ گەلەك خورستی یە دەمێ موسلمان پووسیدەییی و كینا خو لسەر ڤی فلمێ چوننە و چڤێل دیاركەن، ئەوێ بەرهەنگارێت موسلمانا لسەر پێغەمبەری (سلاڤێت خودێ لسەر بن) چێكری، و لسەر وێ نەباشیا کرێت ئەوا د فلمی دا ب كەساتیا وی یا پاقژ ڤەنای، ئەو كەسێ چاكی لمروڤایەتیێ كری و دلوڤانی یە بو تەڤ جیهانا و خوشتڤیێ خودێ یە، ئەوێ شەڤا نە د نڤست سەخمەراتی كوڤانێت ئافراندیێت خودێ، ئەوێ پر ئێشای سەخمەراتی قورتالكرنا مروڤایەتیێ ژ وێرانبوونێ، تاكو وەلێ هاتی خودێ مەزن بێژتێ {ما دێ خو تێبەی، چونكو ئەو باوەریێ نائینن} ئانكو: ما دێ خو تێبەی ب پووسیدەییێ چونكو ئەو خودێ نانیاسن؟ ڤێجا كارەكێ خورستی بوو كو ژ دەردا دلێ هەمی موسلمانا خوین ژێ بێت ژبەر وی فلمێ نەباشی گەهاندی یە ڤی چاكڤانێ مەزن یێ مروڤایەتیێ، و یا راست ئەوە كو موسلمانێت ئەحمەدی پتر ئێشان ژ یێت دی، چونكو ئەم باوەردارین ب ئەڤیندارێ راستگوو و بەردەستكارێ قەنج یێ پێغەمبەرێ مە (سلاڤێت خودێ لسەر بن)، ئەوێ پایەیا مەزن و درست یا پێغەمبەرێ مەردترین نیشامە دای، مێلاكێت مە سۆتن، و چ نە ما بوو دلێ مە براوستیت ژ بەر پووسیدەییێ، ئەم خو دهاڤێژینە بەر دەرازینكێت خودێ مەزن، هیڤیا ژێ دكەین كو تۆڵا مە ژ وان زوردارا ڤەكەت، و وان تاكو روژا دیماهیێ بو مرووڤا بكەتە سەربوور، ئیمامێ مە ئەڤینا هنارتی یێ خودێ (سلاڤێت خودێ لسەر بن) یا دا یە مە، یا وەلمەكری كو ئەم دشێین دگەل مارا و گورگ و حەفتییارا ببین هەڤال، لێ ئەم نەشێین دگەل وان ببین هەڤال، ئەوێت نە باشی گەهاندی یە هێژایێ مە هنارتی یێ خودێ محمد (سلاڤێت خودێ لسەر بن) پێغەمبەرێ ژ هەمیا چێتر، و لسەر وێ نەباشیێ رژد دبن…
مەسیحێ ژڤاندار (سلاڤ لسەر بن) دبێژیت:-
((موسلمان مللەتەكن دێ، بوو خاترا دەهمەن پاقژیا پێغەمبەرێ خو، خو قۆڕبان كەن، و دبینن كو مرن بو وان باش ترە، ژ وێ چەندێ كو هەڤالینیا هندەكێت هوسا بكەن، ئەون بشەڤ و روژ جنێوا دبێژنە پێغەمبەرێ وان (سلاڤێت خودێ لسەر بن) و د پەرتووك و بەلاڤوك و روژنامێت خودا ب پەیڤێت پیس و كرێت لسەر وی دبێژن، بزانن كو ئەو كەس ژ بو مللەتێ خو ژی نە ددلسوزن.
دبێژم و ئەز راست دبێژم، ئەم دێ دگەل مار و درندێت ئاقاری ئاشتیێ کەین، لێ ئەم نەشێین ئاشتیێ دگەل وان ئەوێت هەر بئەزمانەكێ بگەمار لسەر پێغەمبەرێت خودێ یێت پاقژ د ئاخڤن، ئەو دبێژن كو سەركەتن ب جنێوا و ئەزمانپیسیێ دێ بجهئێت، لێ یا درست ئەوە كو سەركەفتن هەمی ژ عەسمانی تێت. لێ هەردەم خودانێت ئەزمانێت پیرووز و پاقژ، قەست وان ل دوماهیێ سەر دلادا دگرن، لێ خودانێت دلێت پیس چ تشت نینە ژ بلی كو پیچاتیێ و ژێكڤە بوونێ ل جیهانێ بەلاڤكەن، و سەربوورا بو مە یا دیاركری كو دوماهیا ئەزمان پیسا یا باش نا بیت، چونكو لدیماهیێ گڕا خودێ بو خوشتڤیێت وی كاردكەت)) (جشمت معرفت – ینبوع المعرفة – كانیا زانینێ – الخزائن الروحانیة، بەرگێ 23، لا 385 – 386)
ڤان روژا روژناما و بەلاڤووكا و رێ یێت ئیعلامێ یێت دی بو ڤێ ئارمانجا بگەمار بكاردئینن، ئەوکەسن هوسا بڕكۆیی و بشڕاتی دوژمنیا خودێ دكەن، خودێ هەكە حەزبكەت دێ وان تێ بەت، چونكو ئەو یێت ڕژدن لسەر ڕكیا خو و هەر ڤان كارێت بێ سنج ب چڤێلیەكا مەزن دكەن.
ل سالا 2006 ێ –ژ دەمێ هندەك كەسێت سنج پیچ ل دانیماركێ وێنێت نەباش لسەر پێغەمبەرێ مە (سلاڤێت خودێ لسەر بن) بەلاڤكرین، وێگاڤێ ژی من بەرێ كووما ئیسلامی یا ئەحمەدی دا رێ یا درست، و دیسا من گووت مرووڤێت نەزان یێت وەكی ڤان بەرێ ژی هات بوون، و كارێ وان ل ڤێرێ بدوماهیك نائێت، دێ هەر زڤرنە ڤان کارا ڤە، و ئەو خونیشادانێت موسلمان دكەن چ ژ هەلویستێ ڤان نا گوهۆڕیت، و دێ ڤان رەفتارێت پیچ كەنە ڤە، و ئەها ئەڤرو ئەم یێ وان د بینین یێت زوردارتر و چڤێل تر لێ هاتین، و هێشتا یێ لسەر وێ شووپا بەرێ دچن. و یا راست ئەوە كو چ ژێ نەهاتنا وان و سەرنەكەتنا وان بەرامبەری ئیسلامێ، ئەوە وان پالددەت بناڤێ ئازادیا دەربرینێ ڤان كارێت چڤێل دكەن. و كا چەوا مەسیحێ ژڤاندار (سلاڤ لسەر بن) گووتی، ئەو بو مللەتێ خو ژی نە پەندڤانن و دلسوزن، و روژەكێ ژ روژا دێ بو مللەتێت وان ژی ئەڤ تشتە دیار بیت، و دێ بو وان خویا بیت كو ئەو كارێ ئەڤرو ئەو كەسێت كیندار دكەن بو مللەتێ وان ژی نە باشە، چونكو یێت ڤان كارا دكەن ئارمانجێت خو یێت تایبەت یێت هەین، دەلیڤا بو خو بكاردئینن و زۆردارن، و وان ژبلی بجهئینانا ئارمانجێت خو و تێركرنا ڤیان و بەرژەوەندی یێت خو چ دی نینە…
نوكە زەلامێت سیاسەتێ ویێت وەکی وان بناڤێ ئازادیا دەربرینێ بەحسی وان دكەن، ل هندەك جها پێش چاڤ وەتبێژن و ل هندەك جهێت دی ببەرزەیی ڤە، و هندەك جارا دژی موسلمانا دئاخڤن، لێ ژ بیرنەكەن نوكە جیهان یا بوویە گوندەكێ بچیك، و هەكە نە بێژنە نەباشییێ نەباشی یە، دێ ئاشتی ل ناڤ وان رابیت، ژبلی تولڤەكرنا خودێ ئەوا دێ هەر ئێت.
گووتنا مەسیحێ زەمانی بلا هەر ل بیرا هەوە بیت، ((هەر سەركەتنەك پشتی هەر تەنگاڤیەكێ هەبیت ژ عەسمانا تێت)) و عە سمانا بریار یا دای كو ئەو هنارتی یێ هین نەباشیێ لێ دكەن دێ شێتە جیهانێ، و ئەو كار دێ ب داگیركرنا دلا چێ بیت، چەوا هێژایێ مە مەسیحێ ژڤاندار (سلاڤ لسەر بن) دبێژیت، چونكو ئاخفتنا خۆش یا بكارتێكرنە، و ئاخفتنا خۆش نە پێدڤی دژواریێ یە، یان ب نەباشی بەرسڤێ بدەت. و ئەڤ نەباشی و چڤێلیا وان دەستپێكری هە كە خودێ حەزكەت دێ بدوماهی ئێت، پاشی پشتی ڤێ ژیانێ دێ ڤان مرووڤا و یێت وەكی وان سزا دەت، ئەو هەردوو رستێت پیرووز من بو هەوە خاندین، تێدا بەحسی بەرپرسیاریا باوەردارا ژی دكەت، گووت:- ئەركێ وانە داخوازا دلوڤانیێ ژخودێ بكەن بو پێغەمبەری (سلاڤێت خودێ لسەر بن)، و پیچاتی و نەباشی و زورداری و ترانەپێكرنێت وان، چ دەما كارتێكرنێ ل دەهمەنپاقژی و سەرفەرازییا پێغەمبەرێ مە یێ مەزن ناكەن(سلاڤێت خودێ لسەر بن)، هند پێغەمبەر یێ مەزنە و پیرووزە كو خودێ مەزن بخو و فریشتەیت وی سلاڤا لسەر جانێ وی فرێدكەن، ڤێجا ئەركێ باوەردارانە کو ئەوژی سلاڤا بو جانێ وی یێ پیروز بخوازن، و هەكە دوژمنی ئەزمانێ خو درێژكر لسەر وی، تڤیا باوەردار ژی ژ بەرێ پتر و پتر سلاڤا و پیرووزی بو وی بخوازن..
یا خودێ، دلوڤانیێ و سەركەتنێ بدە محەمەدی و بدە مللەتێ محەمەدی، چەوا تە دلووڤانی و سەركەتن دا بوو ئیبراهیمی و مللەتێ ئیبراهیمی، تو سوپاسلێكری و بلندمەندی.
یا خودێ، تو پیرووزیێ بدە یە محەمەدی، چەوا تە پیرووزی دا بوو ئیبراهیمی و مللەتێ ئیبراهیمی، تو سوپاسلێكری و بلندمەندی..
سەركەفتنا ڤێ نڤێژێ و ڤی پێغەمبەری، خودێ یا مسوگەر كری، و دەمێ موسلمانێ ئەحمەدی ژ لایەكی ڤە دەربرینێ ژ كین و نەڤیان و پووسیدەییا خو دكەت ژ بەر ڤان نەباشیێت وان، و ژلایەكێ دی ڤە تڤیا ئاموژگاریا لوان كەسا بكەت ئەوێت ڤان نەباشیا دكەن و ل بەرپرسێت وولاتێ خو بكەت كو ڤان نەباشییا براووستینن. وبێگوومان موسلمانێ ئەحمەدی هندی دشێت هەۆل ددەت راستییا دیار بكەت بو جیهانێ دژی ڤێ پلانێ، و راستیێت بنەجه بو وان ئاشكرا بكەت، و لایێت گەش ژ ژیانا پێغەمبەری (سلاڤێت خودێ لسەر بن) بو وان خویا بكەت، و شووپا وی یا چاك ئاشكرا بكەت، و ب كریارێت خو فێركرنێت ئیسلامێ یێت جوان دیار بكەت، لێ چەوا من بەری نوكە گووت بوو، كو تڤیا ئەم پتر نڤێژا لسەرپێغەمبەری (سلاڤێت خودێ لسەر بن) بكەین، بلا ئەحمەدی جڤاكێ خو پڕ كەت ژ نڤێژا لسەر پێغەمبەری (سلاڤێت خودێ لسەر بن)، چ مێر بیت چ ژن بیت، چ گەنج بیت چ پیر بیت چ زارۆك، و بلا كارێ خو بكەتە فێركرنێت ئیسلامی. ئەڤەنە ڤەژەنێت جوان ئەوێت فەر ئەم دیار كەین. و چارەنڤیسێ وان زۆردارا، خودێ یێ د قورئانا پیروز دا بەحس كری، كو ئەوێت پێغەمبەری (سلاڤێت خودێ لسەر بن) د ئێشینن و ئەوێت نوكە لڤی سەردەمی دلێت باوەردارێت راستگوو برینداردكەن دەمێ نەباشیێ لپێغەمبەری (سلاڤێت خودێ لسەر بن) دكەن، خودێ بخو دێ حەقێ وان دەتێ، خودێ لڤێ جیهانێ نفرینی یا ل وان كری، و ژبەر وێ نفرینیێ دێ بەردەوام پتر و پتر چنە دناڤ پیساتیێ ڕا، و پشتی مرنێ خودێ بو وان ئەشكەنجەكا شەرمزار یا بەرهەڤكری. هێژایێ مە مەسیحێ ژڤاندار (سلاڤێت خودێ لسەر بن) یێ لسەر ڤی بابەتی ئاخفتی، دبێژیت:دوماهیا ڤان نەباشكارا نە یا باشە، لڤێ جیهانێ چارەڤیسێ وان دێ نفرینییا خودێ بیت و دێ پشتی مرنێ ئەشكەنجەكا شەرمزاربیت.
ڤێجا، یا فەرە گشت موسلمان ژی ڤەژەنا خو لپەی فەرمانێت خودێ دیار بكەن، ئەوە كو باژێر و دەڤەر و جڤاكێت خو هەمیا پڕ کەن بنڤێژا لسەر پێغەمبەری (سلاڤێت خودێ لسەر بن)، ئەڤەیە ڤەژەنا درست، نەكو ئاگری بەردەنە خانیێت خو و وارێ خو یان هەڤوولاتی یێت خو بكوژن، یان خونیشاندانا بكەن و پولیسا نەچاركەن گوللا د هەڤوولاتی یا وەركەن و بێنە كوشتن، چ بڤان كاراڤە نائێت…
ئەو دەنگ و باسێت ب ڕێ یا ڕۆژناما و ڕاگەهاندنێ دگەهنە مە دیار دكەن كو گەلەك ژیرمەند و بەركەتی یێن روژئاڤا ژی ئەڤ رەفتارە بدلێ وان نینە، و حەژێ ناكەن، ئەو كەسێت سنجەكێ ژێهاتی هەی، بلا موسلمان ژی نە بیت، ئەڤ كارە نە ڤیایە، چ لوولاتێت ئەمریكا یێت ئێكگرتی یان ل ڤێرێ. و حوکمەتا ڤێرێ ژ لایەكی ڤە دبێژیت ئەڤ كارە شاشی یە و نە یێ درستە، ژ لایەكێ دی ڤە یێت دگەل ب بەهانا ئازادیا دەربرینێ، ئەڤ دووڕویاتی یە نا چیتە سەری. یاسایا ئازادیا دەربرینێ نە پەرتووكەكا پیرووزە، و لئەمریكا دگووتارا خودا من گووتە رامیاركارا، ئەو یاسایا مرووڤ ددانن دبیت كێماسیەك یان شاشی تێدا هەبیت، دبیت دەمێ یاسایێ ددانن هندەك لا دبەرزەبن، چونكو مرووڤ نەپەنی یێ نوزانیت، لێ خودێ مەزن زانایێ نەپەنیێ یە، و ئەو یاسایێت وی داناین شاشی و كێماسی تێدا نینە، ڤێجا هزرنەكەن یاسایێت هەوە دكووكن و دتەكووزن و د تەڤگرن كو نائێنە گوهارتن و لێكگوهورین، بێگوومان یاسایەك یا هەی بو ئازادیا دەربرینێ، لێ چ یاسا ل چ وولاتا نینە کو نەهێلیت هەستێت ئایینی یێت خەلکەکی بێنە بریندار كرن، یان نەهێلیت تڕانە ب دانەرێت ئایینێت دی بێنەكرن، و هەتاکو د دستوورێ مللەتێت ئێكگرتی ژی دا نینە. د چ ژ ڤان یاسایا دا یاسایەكا هوسا نە هاتیە كو كارێت هوسا نەباش ئاشتییا جیهانێ وێران دكەن، و دبیتە ئەگەرا کەرب و كینێ ناڤبەرا خەلکێدا، وهەروەسا دبیتە هاریكار بو ژێك دویربوونا مللەتاو ئایینا. هەوە یاسایەك بو ئازادیا مرووڤا یادانای وەكی هەوە دڤێت، بلا، لێ چ یاسایا نە دانن کو هەستێت مروڤێت دی بریندار كەن، و ژ بەرڤێ چەندێ كاری مللەتێت ئێكگرتی یا بكێر نەهاتی یە، ئەو هزردكەن بدانانا ڤێ یاسایا بكێرنەهاتی کارەكێ مەزن یێ بجهئیناین، لێ هین بەرێخو بدەنە یاسایا خودێ بلند ئەوا دبێژیت، خو نەباشیێ نەگەهیننە سەنەمێت خەلکێت دی ژی، چونكو ئەو كار دێ ئاشتییا جڤاكی وێرانكەت، خودێ یێ بلندتر د بێژیت {وَلَا تَسُبُّوا الَّذِينَ يَدْعُونَ مِنْ دُونِ اللَّهِ فَيَسُبُّوا اللَّهَ عَدْوًا بِغَيْرِ عِلْمٍ} ئانكو: {خو نە داپیڤنە ئەوێت ئەو د پەرێسن ژبلی خودێ، دا ژ بەر هەوە، ئەو خو نە داپیڤنە خودێ} (الأنعام: 109)، ڤێجا دلێت هەوە دێ ئێشن و دێ كین پتر لێ ئێت و دێ شەرەنیخ و خولێكدان مشە بن و دێ پیچاتی ل وولاتی بەلاڤ بیت.
ئەڤەیە ئەو پێفێركرنا جوان ئەوا خوداڤەندێ ئیسلامێ فێردكەت، و ئەو خوداڤەندێ جیهانێ و گەردوونا یە، و ئەڤە ئەو خوداڤەندە ئەوێ خوشتڤیێ خو محەمەد (سلاڤێت خودێ لسەر بن) فڕێ كری، و پێفێركرنا كووك د گەل هنارت سەخمەراتی چاككرنا جیهانێ و داهێلانا ستوینێت پێكڤە ژییانێ و حەژێكرنێ دناڤ مرووڤا دا، و وی نازناڤێ “رحمة للعالمين” (دلووڤینی یە بو جیهانا) دانا سەر، و یێ هنارتی بو هەمی ئافراندییا. بلا هەمی روشەنبیر و سەركێشێت جیهانێ و رامیاركار بزانن كو ئەو د پشكدارن د ڤێ پیچەكاریێ دا، چونكو ئەو چ پەستا نا داننە سەر ڤان پیچە مرووڤێت كێم. و بلا هەمی مرووڤ بزانن كو ئەو ژی پشكدارن دوێرانكرنا ئاشتی یا جیهانێ دا، دەمێ تاگیریا، كرمێت جیهانێ، ڤان مرووڤێت خندقی د گوننەها را دكەن. لێ ئەم موسلمانێت ئەحمەدی بكەد و رێنجین سەخمەراتی بەردەستكاریا جیهانێ بكەین. دەمێ ل ئەمریكا سالا چووی پێدڤی خوین دانێ بووین ئەحمەدی یا 12000 یەكەیێت خوینێ خرڤە كرن، و دڤێ سالێ ژی دا ئەحمەدی گەلەك خو زەحمت ددەن دا یەكەیێت خوینێ خرڤەكەن، چونكو بزاڤەكا خویندانێ ڤان روژا یا هەی. من گووتە وان: ئەم موسلمانێت ئەحمەدی خوینا خو ددەین دا کەسێن دی بژین، لێ ئەڤ رەفتارێت هین دكەن و راووستیانا هەوە دگەل نەباشكارا دلێ مە د گڤێشیت. ئەڤەنە كریارێت موسلمانێ ئەحمەدی كو موسلمانێ درست ئەوە، و ئەو كارێ دی یێ وانا یە ئەوێت دبێژن ئەم یێ عەدالەتێ ل جیهانێ دادهێلین..
ئەو موسلمانا تاوانباردكەن كو وان ڤەژەنەكا نە درست كر، و بێگوومان هندەك ڤەژەن نە ددرستن، چونكو كریارێت شكاندنێ و وێرانكرنێ و سۆتنێ و گەفا، و كوشتنا بێ گوننەها و نە پاراستنا ژییانا رێڤنگا یان كوشتن یان قوتانا وان و ئەڤ هەمی كارە نابیت بێنە كرن، هەرووسا ترانەكرن ب پێغەمبەرێت خودێ یێت گوننە‌‌ه نەكەر و نەباشیێ دەرحەقێ وان دا بکەن، ئەڤ كارە ژی گوننەهەكا گەلەك مەزنە.
لڤان ڕۆژێت دوماهیێ ڕۆژنامەكا فرەنسی ژی، كو لاگرێ وان نەباشكارا یە، وێریا وێنیت نەباش لسەر پێغەمبەرێ مە (سلاڤێت خودێ لسەر بن) بەلاڤبكەت، ئەڤ وێنە ژ یێت بەرێ كومباختر بوون. خەلکێ ڤێ جیهانێ هوسا دبینن كو جیهان هەمی تشتە، لێ ئەو نوزانن كو ئەڤ جیهانە بخو هندەك ئەگەر یێت تێدا هەی كو وان وێرانكەت.
و لڤێرێ من دڤێت بێژم ژی، كو حکومەتێت ئیسلامی جهێت بەرفرە‌ه ژ ئەردی یێت ڤەگرتین، گەلەك ژ وولاتێت ئیسلامی خودێ مەزنتر خێر و ژێهاتیێت سخلەتێ یێت داینە، و وولاتێت ئیسلامی هەمی ئەندامن د مللەتێت ئێكگرتی دا، و موسلمانا باوەری یا ب قورئانێ هەی و دخوینن، و تزانن کو پێفێركرنا قەرئانێ یا تەكووز و كووكە بو ژییانێ، ڤێجا بوچی حوکمەتێت ئیسلامی پێكوول نەكریە ڤان پێفێركرنێت لێنەگر و جوان دهەمی مژارا دا پێشكێش كەن؟ و بوچی ڤی پرنسیپی بو جیهانێ پێشكێش ناكەن، كو نەباشی گەهاندن بو هەستێت ئایینی یێت هەر ئێكی و شكاندنا پێغەمبەرێت خودێ و خو پێلا وێ چەندێ ژی ن تاوانەكا مەزنە؟ و ئەڤ كارە كومباخترین تاوانە و مەزنترین گوننەهە. و بو بجهئینانا ئاشتی یا جیهانێ تڤیا ڤێژی داننە سەر دستوورێ مللەتێت ئێكگرتی كو هەر وولاتەك نەهێلیت هەڤوولاتی یێت وی، هەستێت ئایینی یێت كەسێ بریندار نەكەن، و نەهێلن كەس ئاشتییا جیهانێ تێكبدەت ب بەهانا ئازادیا دەربرینێ. و مخابن ئەڤ نەباشكاریە ژ مێژە یێ بەلاڤ دبیت، و وولاتێت ئیسلامی پێكڤە هند رەنج نە بریە دا وولاتیت جیهانێ ئاگەهداركەن لسەر رێزگرتنا پێغەمبەری (سلاڤێت خودێ لسەر بن) و رێزگرتنا هەمی پێغەمبەرا، سەخمەراتی پەژراندنا جیهانێ ب ڤێ یاسایێ لسەر هەمی وولاتا. و بێگوومان- ڤێ یاسایێ بكەنە ددستووری ژی دا – پێ ناكەن، وەكی گەلەك یاسایێت دی یێت مللەتێت ئێكگرتی، كەنگی ب باوەرناما تەناهیا وێ كریە، لێ هەر چەوا بیت دێ د توومارگەهێت وێ دا ئێتە نڤیسین. ژخو رێكخراوا هەڤبەندی یا ئیسلامی یا جیهانی كەدەكا ژ دل نەكریە سەخمەراتی راگرتنا گراڤییا موسلمانا و دان ب پایەیا وان ل جیهانێ بدەن، رامیاركارێت وولاتێت ئیسلامی بتنێ پیتەی ددەنە بجهئینانا هیڤیێت خو، و وان های ژ مەزناهیا ئایینی نینە، هەكە سەركێشێت مە دڤی بواری دا رەنجەكا ژ دل كێشابا ڤەژەنێت نە درست ژ گشت موسلمانا نە دەردكەفت، وەكی پاكستانێ و هندەك وولاتێت دی،ل وی وەختی هەڤوولاتیێت وی مللەتێ دا زانین كو سەركێشێت وان دێ باش بەرەڤانیێ كەن، و دێ لهەمی جیهانێ خو بەرهەڤكەن دا گراڤی یا پێغەمبەری (سلاڤێت خودێ لسەر بن)و هەمی پێغەمبەرا بنەجهكەن، تاكو جیهانێ بكوتەكی گووت با هین د مافدارن. و گەلەك موسلمان ل وولاتێت ئەوروپی و لهەمی جیهانێ د ئاكنجی نە، و موسلمان هێزا دووێ نە، ژ لایێ ئایینی ڤە و هەژمارێ ڤە، هەكە وان ب فێركرنێت ئیسلامێ كاركربان، هوسا دشیان ببنە هێزا مەزن یا جیهانی یا ئێكێ، ژ هەمی لایا ڤە.
و دڤێ ڕەوشێ دا ئەو هێزێت دژاتیا ئیسلامێ دكەن نەوێرن ڤان كارێت نەباش بكەن، یا ن هزرا وێ چەندێ بكەن. ژ بلی وولاتێت ئیسلامی هەژمارەكا مەزن یا موسلمانا یا ل وولاتێت جیهانێ هەی، بو نموونە ترك لئەوروپا بتنێ بملیونەها یێت لێ هەین، و هەر وارەكێ ئەوروپی نێزیكی ملیونەها تركی یێت لێ هەین، هەر ووسا موسلمان ژ مللەتێت دی ژی یێت لوێرێ هەین، بو نموونە موسلمانێت ژ ئاسیا یێت ل بریتانیا و ئەمریكا و كەنەدا و ل هەمی وولاتێت ئەوروپی هەین. هەكە ڤان هەمیا بریاردابا كو دەنگێ خو بتنێ بدەنە وان ئەوێت پشتەڤانیا لێبوورینا ئایینی، نە بتنێ بئەزمانی لێ بکارێن خو، دگرن، كو نەكامیا فلمێت هۆسا و بەرهەمدارێت وان بكەن، دا لڤان حکومەتێت جیهانی دا بینن كو هندەك ژ وان ژی دژی ڤان كارێت نەباش دراووستن. هەكەر موسلمانا گرنگییا خو زانی با دا شێن وەرگەریانەكێ ل جیهانێ چێ كەن. ئەو دشین یاسایێت رێزگرتنا هەستێت ئایینی ل وان وولاتا بدانن، لێ – مخابن – وان های ژ ڤێ هەمیێ نینە، و ئەو كووما وەل وان دكەت كو های ژ ڤێ چەندێ هەبن “ئانكو كووما ئیسلامی یا ئەحمەدی” دوژمنیا وێ دكەن، و هوسا ئەو دەستێت دوژمنی بهێز دئێخن. خودێ مەزنتر و بلندتر، ژیر و تێگەهشتن یێت داینە سەركێش و كەنكەنە و رامیاركار و زانایێت موسلمانا، دا هێزێت خو خڕڤەكەن، و دا گرنگییا خو بزانن و دا وان های ژ فێركرنێت ئایینێ خو هەبن…
و ئەوێت دژی پێغەمبەری (سلاڤێت خودێ لسەر بن) رادبن و تاوانێت نە راست بدیفڤەدنن، و ئەوێت ئەڤ فلمە چێكرین ویان ئەوێت رۆلێت جودا تێداكرین، رەوشا وان یا بێسنجە لدیف پێزانینێت د رێیێت راگەهاندنێ دا ئاشكرا دبن یا دیارە.
دبێژن ئەوێ رولێ سەرەكی د ڤی فلمێ نەباش دا كری مەسیحی یەكێ قبتی یە ل ئەمریكا یێ ئاكنجی یە و ناڤێ وی (نەكوولا باسیلی) یە، یان (سام باسیلی) یە،و دبێژن وی دەمبووری یەكێ تاوانكاری، ئانكو تاوانبارە و ل سالا 2010 ێ ب تاوانا خاپاندنا مرووڤا هات بوو زیندان كرن، و دەرهێنەرێ ڤی فلمی دەرهێنەرێ فلمێت پیچە، و هەمی ئەكتەرێت دی ژی د فلمێت پیچ دا كار دكەن، ئەڤە یە رێزگەها سنجێ وان، مروڤ نەشێت هزركەت ئەو مرووڤێ فلمێت پیچ دكەت، چەند دچیتە دناڤ قرێژا پیچاتیێ را، ئەڤە راستییا وانە، و دسەر ڤێ چەندێ را دوێرن چكیا ل ڤێ كەساتییا مەزن بدەن، ئەوێ خودێ پرمەزن دان ب بلنداهی و پاك وبژینیا سنجێ وی كری، بێگوومان وان بڤی كارێ خو َ گازی كرە ئەشكەنجا خودێ پرمەزن و هێشتا یێ گازی دكەن. و پارەدەرێت ڤی فلمی ژی ژ ئەشكەنجێ قورتال نابن، و ژوان ئەو قەشێ مەسیحی ئەوێ حەزدكر زوی و دناڤ شەڤ و روژەكا دا خو ناڤدار كەت، وی گەلەك جارا ل ئەمریكا پێكوول دكر قورئانا مەردین بسۆژینیت،
یا خودێ ژ هەمی لایا ڤە وان تەڕاوبەڕابكە و وان بئێكجاری بپەلخینە، ئامین
هندەك ئالاڤێت راگەهاندنێ پێكوول كرن نەكامیا ڤی كارێ بگەمار بكەن، لێ وان نەكامیا ڤەژەنا موسلمانا ژی كر. بێگوومان ڤەژەنا هندەك موسلمانا نە یا درستە، لێ تڤیا ژ بیرنەكەن كا كێ دەستپێكر!.
هەر چەوا بیت، چەوا من بەری نوكە گووتی ژ بەر دەردەسەریا موسلمانا، و نە ئێكگرتنا وان و نەبوونا رێبەریا ژیردار یا ئێكگرتی، ئەڤ كارێت نوكە چێتبێن، د سەر وێ چەندێ را كو دبێژن ئەم حەش پێغەمبەری دكەین (سلاڤێت خودێ لسەر بن)، لێ ئەو یێت ژ ئیسلامێ دویركەتین. خو ب باوەرداریێ دئیننە دە ر و ئەو بخو چ ژ ئوولی نوزانن، و نەبتنێ ئەڤە، لێ روژ بو روژێ ژلایێ دراڤی ڤە هەر یێ لاواز دبن. خو وولاتەكی ئیسلامی یێ بتنێ ژی ب دژواری نەكامیا ڤی کارێ نەباش نە كر. و هەكە وولاتەكی نەكامی کر بیت ژی هوسا ب لاوازی كر كو ئالاڤێت راگەهاندنێ هند پیتە پێ نەكر، و هەكە ڤان ئالاڤا دەنگ و باسێ نەكامیا موسلمانا کر، دێ بێژیت ڤەژەنا 1.8 ملیار موسلمانا وەكی ڤەژەنا زاروكێت بچیكە. هەكەر كەس نە بیت وان خرڤەكەت بێگومان دێ ئەڤ كەسێت تەڕاوبەڕا بووی و دەربەدەر هەبن، و بێگومان دێ ڤەژەنا وان وەكی یا زاڕۆكا بیت. و ئالاڤێت ڕاگەهاندنێ چكی ل ڤەژەنێت موسلمانا دان، لێ راستی ئاشكراكر.داخوازێ ژ خودێ پرمەزن دكەین، هەر چەوا بیت نوكە موسلمان بزڤڕنە سەر راستی یێ، و ئەوێت چاڤێت وان ئوولداری دكوورە، ئەوێت پایەیا پێغەمبەران نوزانن، و لسەر وێ نەباشیێ ئەوا لسەر مەسیحی تێتە كرن (سلاڤ لێ بن)، خو بێ دەنگ دكەن، ڤێجا ئەو ژی دێ ڤەژەنێت موسلمانا وەكی یاریێت بچیكا بەرێ خو دەنێ. لێ وەکی من ل سالا 2006 ێ دیسا گووت بوو، یا فەرە لسەر موسلمانا های ژ ڤێ هەمیێ هەبن و پلانەكا ڤەخواندی یا بهێز بدانن دا كەس نەوێریت ل پاشەروژێ ڤێ نەباشێ دووبارە بكەت. خوزی وولاتێت موسلمانا گوهێ خو دابانە من. یا فەرە هەر ئەحمەدیەك ڤێ نامێ بگەهینیتە وان، ئەڤ پرسگرێكە ب نەپژراندێ بو چەند ڕۆژەكا و پاشی خو بێدەنگ بكەن، چارە نا بیت.
پێشنیارەك ژ ئێكی بو من هات – خەلکەك هەر پێشنیارێت خو یێت جوور و جوور بو من فرێدكەن – كو هەمی پارێزەرێت موسلمان لجیهانێ كووم ببن و گازندەنامەکێ لسەروان رابکەن. خوزی پارێزەرێت موسلمان یێت ژێهاتی لهەمی جیهانێ هزرێ د ڤێ چەندێ دا بكەن، و بشێن ڤێ پێشنیارێ بجێهبینن، یان پێكڤە بریارەكا دی بدەن، ما دێ تاكو كەنگی موسلمان بهنا خو لڤان نەباشیا فرە‌ه كەن؟ شكاندن و پەلخاندنا ئەو بو چەند روژەكا ل وولاتێ خو دكەن و پاشی خو بێ دەنگ دكەن، هوسا چ كارتێكرنێ لسەر جیهانا روژئاڤا ناكەن و چ كارتێكرنێ ل چێكەرێت ڤی فلمی ناكەت، یان گەڤا ل وان مرووڤا دكەن یان لبەر دگەرن وان بكوژن یان هێرشا دكەنە سەر بالیوزخانا، ئەڤە دژی فێركرنێت ئیسلامێ نە، ئیسلام ڤی كاری نا پژرینیت، بەرو ڤاژی دێ دەلیڤێ دەنە وان كو پتر چكیێ ل پێغەمبەری (سلاڤێت خودێ لسەر بن) بدەن، بو ڤێ دووزێ توندوتیژی نە چارەیە، و رێ یا بەرسڤدانێ من بەری نوكە گووت و دیارکر، ئانكو كارێت خو چاككەن و نڤێژا لسەر پێغەمبەری قورتالكەرێ مرووڤایەتیێ بكەن و خو بكەنە ددەستێ خودێ دا، و هەمی وولاتێت ئیسلامی ئێكبگرن، دا پێكڤە كاربكەن، و موسلمانێت ل وولاتێت روژئاڤا دژین وەبكەن كو حوکمەتێت وان رێزێ ل دەنگێت وان بگرن، تڤیا كوڕێت كووما ئەحمەدی ل كیرێ بن لڤی سەمتی كار بكەن، و تڤیا بەرێ هەڤالێت خو یێت نە ئەحمەدی بدەنە ڤی سەمتی كو هێزا دەنگێت خو ل ڤان وولاتا بكاربینن، و بلا لایێت باش ژ ژییانا پێغەمبەری (سلاڤێت خودێ لسەر بن) ب جوانی پێشكێشكەن.
ئەو ئەڤرو یێت ب ئازادییا دەربرینێ دكەنە قێری كو ئیسلام ناهێلیت ڤودیتنا خو بێژین، و ڕەفتارێت چەند موسلمانێت ڤی سەردەمی دكەنە گروڤە، و دبێژن هەڤوولاتی یێت موسلمان ل وولاتێ تخو ئازادی نینە. دبێژم: وان ئازادی نینە ژبەر دەردەسەری یا وولاتێت ئیسلامی چونكو ب فێركرنێت ئیسلامێ ناكەن و نە ژدویر و نەژنێزیك نا گەهنە فێركرنێت ئیسلامی، ئەم د دیرووكێ دا دبینین كو مرووڤ بێ ترس دگەل پێغەمبەری (سلاڤێت خودێ لسەر بن) دئاخفتن، و نەباشی لێ دكرن و دگەل ئاخفتن و وی بهنا خو لسەر فرە‌ه دكر، و د ڤێ مژارێ دا دێ گەلەك نموونا د ژییانا وی دا بینین كو د ژیانا كەسێ دی دا ل جیهانێ نابینین. و دێ بو هەوە هندەك نموونا پێشكێشكەم، ئەڤ رویدانە لسەر مەردینیا پێغەمبەری (سلاڤێت خودێ لسەر بن)تێنە گووتن، لێ تێدا بهنفرەهیا پێغەمبەری (سلاڤێت خودێ لسەر بن) یا بێ میناك دگەل مرووڤا، و نەباشیا وان دگەل وی، دیاردكەن، د بوخاری دا یا هاتی {…….. جوبەیرێ كوڕێ موتعەمی گووتە من دەمێ ئەو دگەل پێغەمبەری (سلاڤێت خودێ لسەر بن) مرووڤێت ژ حونەین هاتین لێ خربوون و پسیار ژێ كرن تاكو كرینە دناڤ دارەكا تڤزینێ ڕا و ساكوویێ وی ژێ دزین، هنارتی یێ خودێ (سلاڤێت خودێ لسەر بن) ڕابوڤە و گووت: ساكۆیێ من بدەنەف من، هەكە بهژمارا ڤان بنێت ستریا خنێداری بان دا لسەر هەوە لێكڤەكەم و هەوە ئەز قەلس و درەوكەر و ترسنووك نە ددیتم.} (پەرتووكا بوخاری – پەرتووكا هەر پێنجێت پر گرنگ، مژارێ دانا پێغەمبەری (سلاڤێت خودێ لسەر بن).
هەرووسا ژ ئەنەسێ كورێ مالكی ڤە، گووتنەكا هەی، دبێژیت: ئەز دگەل هنارتی یی خودێ (سلاڤێت خودێ لسەر بن) برێڤەدچووم ساكوویەكێ لێڤ ستیر یێ نەجرانی ل بەر بوو، عەرەبەك ڤێراگەهشت بگەلەك دژواریڤە و بهێز ساكوویێ وی ڕادكێشا، ئەنەسی گووت: من بەرێ خودا رەخێ پاتكا پێغەمبەری (سلاڤێت خودێ لسەر بن) ژ بەر كێشانا ساكووی شینا لێڤا ساكوویی یا لێ چێبووی، پاشی وی عەرەبی گووت: ئەی موحەمەد فەرمانێ بدە كو هندەك ژ پارێ خودێ ئەوێ لدەف تە بدەنە من، لدور خو زڤری و كەنی، پاشی فەرمان دا چەندەكێ بدەنێ، پاشی یێ عەرەب گووتی: بارێ ڤان هەردوو حێشترێت من بدەمن، تو نە ژ پارێ خو و نە ژ پارێ بابێ خو ددەیە من. پێغەمبەر (سلاڤێت خودێ لسەر بن) پیچەكێ خو بێدەگ كر و گووت: دراڤ دراڤێ خودێ یە و ئەز كوولەیێ وی مە، پاشی پێغەمبەری (سلاڤێت خودێ لسەر بن) گووتێ ئەز وان بارا نا دەمە تە تاكو سزایێ وێ كێشانا تە ئەز كێشایم ژ تە نە چێ كەم، یێ عەرەب گووت: ئەز باوەرناكەم تو وەبكەی، پێغەمبەری
(سلاڤێت خودێ لسەر بن) گووتێ: بوچی نە؟ گووتێ چونكو تو بەرسڤا نەباشیی ب نەباشیێ نادەی، پێغەمبەر (سلاڤێت خودێ لسەر بن) گرنژی، (یێ عەرەب نە دوێریا ڤێ ئاخفتنێ بێژیتە پێغەمبەری (سلاڤێت خودێ لسەر بن) هەكە نە زانی با كو ئەو یێ لێبوورە و و ببهنفرە‌هە و دلنازكە) پێغەمبەری گووتێ: حێشترێت وی باركەن، لسەر ئێكێ جەه و یێ دی خورمە. (ساخلەمی بو دادوەر عییاز، پشكا ئێكێ، لا 74، مژارێ بتەكووزیا خودێ پر مەزن……. مالا پەرتووكێت زانستی. بەیرووت 2002).
تاكو ڤێ پلێ پێغەمبەر (سلاڤێت خودێ لسەر بن) یێ بهەدارو ببهنفرەهی بوو، و نە بتنێ دگەل دیفكەتی یێت خو، دگەل دوژمنا ژی، ئەڤەیە سنجێ وی یێ بلند وژ مەردینیێ و هەداریێ و بهنفرەهیێ، لێ ئەڤ نەپەژرێنەرێت نەزان، بێ زانین رادبن و د نەپەژرینن، ئەوێ خودێ وەك دلووڤانی هنارتی بو جیهانا، ل دبێژن یێ دژوار بوو.
چەوا من ژ ئێكی گوه لێ بووی، من بخو ئەڤ فیلمە نەدیتیە، نەكامیا قورئانێ ژی دكەن، ئەو دبێژن كو كۆڕمامێ خەدیجایێ (خودی ژێ بپەژریت) (وەرەقە كورێ نەوفەلی) یا نڤیسی، ئەوكەسێ خەدیجایێ پێغەمبەر بریە دەف، پشتی ئێكەمین ڕافڕێكرن بو وی هاتیە خوار. گاوورا د ژییانا پێغەمبەری دا نەكامیا وی دكرن، د گووتن بووچی قورئان پیچ پیچە تێتە خوارێ؟ و دگووتن {لَوْلَا نُزِّلَ عَلَيْهِ الْقُرْآنُ جُمْلَةً وَاحِدَةً} ئانكو: {هەكە ب جارەكێ قورئان بو وی هاتباخوارێ} (الفرقان: 33) ڤێجا ئەو نەزانێت پەریشان، چ ژ زانستێ دیرووكێ ژی نوزانن.
ئەڤەیە رەوشا چێكەرێت ڤی فلمی، و ئەو هەردوو قەشێت پشكداری د چێكرنا فلمی دا كری وان ددانن زانا ئەو ژی دەركەتن نەزان، وەرەقە كورێ نەوفەلی گووت بو پێغەمبەری (سلاڤێت خودێ لسەر بن) ((خوزی من بارەك تێدا هەبا، خۆزی ئەز یێ ساخ بام دەمێ مللەتێ تە، تە دەردئێخیت)) (البخاری: پەرتووكا دسپێكا رافرێكرنێ:) لێ ئەو پشتی دەمەكێ كێم مر.
چەوامن بەری نوكە گووتی ئەڤ هەردوو قەشە چ ژ دیرووكێ و راستییا نوزانن، و روژهەلاتناس هەر ڤەخواندنا لسەر پارچێت قورئانێ چێدكەن، كا كەنگی و لكیرێ هاتینە خوارێ؟ ل مەككەهێ یان ل مەدینێ هاتیە خوار؟ لێ چێكەرێت ڤی فلمێ شەرمزاركەر دبێژن كو (وەرەقە كورێ نەوفەلی) هەمی قورئان بو پێغەمبەری (سلاڤێت خودێ لسەر بن) یا نڤیسی، و یا هەمی دزانن كو قورئان بخو هەڤركیا وان دكەت و دبێژیت هەكە هین دبێژن كو كەسەكی ئەڤ قورئانە یا نڤیسی، پا دێ هین ژی پارچەكێ وەكی وێ بنڤیسن.
و ژ لایێ رێزگرتنا هەستا ڤە، میناكێ پێغەمبەری (سلاڤێت خودێ لسەر بن) د ڤی بوارێ دا، نینن، (سلاڤێت خودێ لسەر بن) دزانی كو ئەو باشترین پێغەمبەرە، دسەر ڤێ را و ژبەر هەستێت جوهیەكی گووت: من ژ مووسای باشتر لێ نەكەن، (البخاري، كتاب الخصومات. پەرتووكا لێككەتنا، مژارێ لسەر كەسا و لێككەتنێ،) هەرووسا پیتە ددا هەستێ هەژارا ژی، جارەكێ هەڤالەكێ پێغەمبەری یێ زەنگین خو چێتر ددیت ژ یێت دی، پێغەمبەری گوه ل ئاخفتنێت وی بوو، ئاخفتنەكا بڤێ ئانكوویێ گووت:- یا ژ تەڤە ئەڤ هێزە و دراڤە هەمی تە ب شییانێت خو بدەست خو ئێخستی یە؟ نە، لێ هێزا تە و دراڤێ تە ژ هەژارا تێت. (البخاري: كتاب الجهاد و السیر: پەرتووكا رەنجكاریێ و ژیانا كەسا: باب من استعان بالضعفا‌ء و الصالحین في الحرب: مژارێ ل جەنگی پشتگرتن بلاوازا و چاككەرا).
ئەڤێت ژ درەو داخوازا ئازادیێ دكەن، و نوكە دبێژن ئەم یێ داخوازا مافێت هەژارا دكەین، و پێكوولا پاراستنا مافێت وان دكەین، لێ پێغەمبەری مافێت وان یێت دیاركرن بەری 14 سەدەیا، دەمێ گووتی:- بەری خوها پالەی هشك ببیت كرێ یا وی بدەنێ. (كورێ ماجەی: پەرتووكا مەرجا: مژارێ كرێ یا كرێگرتی یا)
ڤێجا دێ چەوا هەڤركیا وی پێغەمبەری دكەن (سلاڤێت خودێ لسەر بن) ئەوێ باشی ل مرووڤا كری؟ گەلەك رویدانێت هوسا د ژییانا وی دا یێت هەین. چ لایەك ژ لایێت ژییانێ بیت و چ جوینێت سنجی بیت دێ باشترین میناك د كەساتییا پێغەمبەری دا (سلاڤێت خودێ لسەر بن) یا هەی.
و ژ نەكامی یێت چوونە یێت نەكامیكارا دبێژن كو پێغەمبەر (سلاڤێت خودێ لسەر بن) حەژێكەرێ ژنكا بوو، “ئەز خو بخودێ دپارێزم”، خودێ پرمەزن ئەڤ نەكامیا وان لسەر ژنئینانا وی ژی بەرسڤ یا دای، یێ پرمەزن دزانی ئەو دێ ڤێ نەكامیێ هلئێخن هندەك كاودان ئافراندن دا ڤان نەكامییا نەهێلیت، دبێژن (ئە سمائا كچا نوعمانی) ژ جوانترین كچێت عەرەب بوو، و دەمێ هاتیە مەدینێ ژنێت مەدینێ سەرا وێ دان و گەلەك پەسنا وێ كرن و گووتن:- مە كچ وەكی وێ چ جارا نە دیتینە، ڤێجا پێغەمبەری (سلاڤێت خودێ لسەر بن) و ب حەزكرنا بابێ وێ و بنەختێ 500 دەرهەما لخو ماركر، و دەمێ پێغەمبەر (سلاڤێت خودێ لسەر بن) دا چیتە دەف وێ، وێ گووتێ:- ئەز خو بخودێ دپارێزم ژ تە، پێغەمبەری (سلاڤێت خودێ لسەر بن) گووتێ:- تە خو بیێ پرمەزن خو پاراست، و دەركەت. و گووتە هەڤالەكێ خو كو وێ بگەهینیتە مالا وێ. و د پەرتووكێت دیرووكێ دا یا هاتی كو مرووڤێت وێ گەلەك ددلشاد بوون ب شویكرنا وێ ب پێغەمبەری (سلاڤێت خودێ لسەر بن)و ژێ پووسیدەبوون دەمێ زڤری و گەلەك هاڤیتَنێ.
(تەخێت مەزن یا كورێ سەعد، پشكا هەشتێ لا 318 – 319 مژارێ، یێت شوی بهنارتی یێ خودێ كرین (سلاڤێت خودێ لسەر بن) ئەسما كچا نوعمانی، مالا زیندیكرنا كەلتوورێ عەرەبی – بەیرووت، 1996).
ئەڤیە ئەو پێغەمبەرێ پرمەزن ئەوێ تاوانێت پر نەباش دهاڤێژنێ و نەكامیا ژنئینانێت وی دكەن، وی بێ ی فەرمانا خودێ پربلند ژن نە دئینا، مەسیحێ ژڤاندار (سلاڤێت خودێ لسەر بن) دبێژیت هەكە وی ژن نەئینابان و هەكە وی زارووك نەبان، ئەو میناكا باش ژ سەرەدەریێ دگەل ژنا و زاڕۆكا ئاشكرا نە دبوو، و ئەو سنجێ وی یێ باش نە دیار د بوو، ئەنجامێ وان قەدا ئەوێت ژ بەر زارووكا پێ هاتیە هنگافتن، هەمی كریارێت وی بتنێ ژ بو رێ یا خودێ یێ پڕبلند بوون. (چشمە معرفت، الخزائن الروحانیە، گەنجینێت جانكاری یێ، بەرگێ 23 لا 300).
بەحسی خانم عائشایێ (خودێ ژێ بپەژرینیت) دكەن كو پێغەمبەری (سلاڤێت خودێ لسەر بن) ژ یێت دی پتر ئەو د ڤییا، و گەلەك درەوێت دی بدیف ژی یێ وێ ڤەدنن، لێ پێغەمبەری (سلاڤێت خودێ لسەر بن) هندەك شەڤا بڤێ ئانكویێ دگووتێ:- دەستویرێ بدە من، من دڤێت ئەڤ شەڤە سەمیانێ خو و خودێ خو بپەرێسم، ئەوێ ئەز حەژێ دكەم پتر ژ هەر تشتەكی. (الدر المنثور للسیوطي، شرح تفسیر سورة الدخان)
ڤێجا، ئەوێت مەژیێت وان قرێژی و گەمار پێڤە ڤێ تاوانێ هەر د بێژن و هەر د گووتن، و د بیت ل پاشەروژێ ژی بێتە گووتن، و بەرامبەر ڤێ چەندێ خودێ بریار یا دای كو دێ هەر دووزەخێ ب وان پڕ كەت، ڤێجا بلا ئەو مرووڤ و پشتەڤانێت وان ژ ئەشكەنجەدانا خودێ ب ترسن، چەوا مەسیحێ ژڤاندار (سلاڤێت خودێ لسەر بن) گووتی كو خودێ پرمەزن بەرەڤانیێ ژ خوشتڤیێت خو دكەت، د ڤی سەردەمی دا خودێ پرمەزن بەرێ جیهانێ دا چاككاریێ بهنارتنا وی بو مەسیحی و مەهدییێ خو، و هەكەر ئەو ژ تڕانەپێكرن و زورداریێت خو لێڤە نە بن بلا بزان كو وێرانكرنا خودێ یا دژوارە…
ڤان روژا گرفتاریێت خەزانی ل هەمی دەڤەرا ل ئەردی دبینین و وێرانكرن یا ل هەمی جها، و باهۆز و لەهی ل ئەمریكا هەر یێ دژوارتر لێ تێن، و رەوشا ئابووری كومباختر یا لێ تێت، و ژ بەر بلند بوونا پلەیا گەرماتیێ ل ئەردی ئاڤاهی د گەلیا دا یێت لبن گەفا بنڤەبوونا ئاڤێ، و گەلەك جوینێت مەترسیێ یێت ل دوور جیهانێ زڤرین، تڤیا، ئەوێت ژ هەمی توخیبێت خودێ پرمەزن دەرباز د بن، وان های ژ ڤان كاروبارا هەبیت، لێ مخابن چەوا ئەم دبینین و دزانین بەرووڤاژی یا چێ د بیت، و هەر مرووڤ یێ بزاڤێ دكەن ژ توخیبێت وی دەرباز ببیت. ئیمامێ دەمی ب ئاشكرایی هایداری یێت داینە وان، هەكە جیهان گوهێ خو نەدەتە دەنگێ وی، هەر پێنگاڤەكا ئەو دهاڤێژن دێ وان نێزیكی تێبرنێ و وێرانكرنێ كەت، داخوازا مەسیحێ ژڤاندار (سلاڤ لێ بن) یا هەژی یە هەر بێتە گووتن و ڤەگێران، و دێ ئەڤرو ژی بێژم…
مەسیحێ ژڤاندار (سلاڤ لێ بن) دبێژیت:- (بلا یا ئاشكرابیت، كو خودێ پرمەزن یا گووتیە من، دێ بگشتی هژیان چێ بن (زەلازل). ڤێجا بزانن و پشت راست بن، كا چەوا راهژاندنا ئەمریكا و پاشی ئەوروپا هژاندن، دێ ل دەوروبەرێن ئاسیا ژی رویدەت، و دێ هندەك ژڤان راهژاندنا میناك بیت بو روژا دوماهیێ، و دێ هوسا گەلەك مروڤ تێچن، تاكو رویبار ژ خوینێ دێ رێژێن، و فڕندێت ئە سمانا و گیانەوەرێت ئەردی ژ ڤێ مرنێ قورتال نابن. و دێ وێرانكرنەك ل هەمی ئەردی پەیدابیت كو ئەڤە هندی مروڤ هاتینە ئافراندن، پەیدا نەبوویە، و دێ گەلەك جێ‌ه سەروبن بن و دێ وەلێ ئێت هەچەكو چ جارا مروڤ ل وێرێ نە ژییا ینە، و دگەل ڤێ هەمیێ دێ گرفتاری و ئاتافێت مەزن ژ ئەرد و ئەسمانا هەبن، كو هەر ژیرمەندەك دێ زانیت كو ئەڤ ڕویدانە نە ژقەستانە، و پەرتووكێت عەسمانناسیێ و فەلسەفێ نەشێن وان ئاتافا ئەون دێهێن شروڤەبكەن، وێگاڤێ مرووڤ دێ شەپرزە بن و دێ بترس بێژن:- ئەڤە دێ چ چێبیت! دێ گەلەك مرووڤ ژێ قورتال بن، لێ دێ گەلەك مرووڤ تێچن ژی، ئەو ڕۆژ د نێزیكن، لێ ئەز یێ لبەر دەرگەهی دبینم، دەمێ جیهان دیمەنەكێ وەكی ڕۆژا ڕابوونێ دبینیت، نە بتنێ دێ ڕاهەژاندن ڕویدەن، دێ گرفتارێت مەزنتر رویدەن، هندەك ژ وان ژ ئەردی و هندەك ژ ئەسمانا نە.
ئەڤ هەمی رویدانە دێ رویدەن چونكو مرووڤا پەرستنا سەمیانێ خو(خودێ خو) یا هێلای، و ب هەمی دلێ خو و ڕەنجا خو و هزرێت خو یێت بەر بووینە ژیانا بێ بها. هەكە ئەز نەهاتبام دبیت ئەڤ ئاتافە دەمەكێ كێم گیرووببان، لێ پشتی هاتنا من بەرهەڤی یێت نەپەنی بو كینا خودێ یێ پربلند ئەوێت ڤەشارتی بوون بو دەمەکێ درێژ، ئاشكرابوون، چەوا خودێ پربلند دبێژیت:
{وَمَا كُنَّا مُعَذِّبِينَ حَتَّى نَبْعَثَ رَسُولًا} ئانكو: {و مە ئەشكەنجە نەددان، تاكو هنارتی یەكی نە فڕێكەین}
ئەوێت ل خو دزڤڕن دێ دێ رزگاربن، و ئەوێت ترسن بەری ئاتاف بێتەخارێ دێ دلووڤانی پێ ئێتەبرن. یا ژ هەوەڤە دێ هین ژ ڤان ڕاهەژاندنا د تەنابن ئان دێ ب فێلبازییێت خو رزگاربن؟ نەخێر، لێ وێ گاڤێ دێ هەمی فێلبازییێت مرووڤا دێ ژ كاركەڤن، هین هزرنەكەن ڕاهەژاندن ف ئەمریكا و جهێت دی كەت و دێ وولاتێ هەوە یێ ژێ تەنابیت. ئەز د بینم دێ ئاتافەكا مەزنتر بسەرێ هەوە ئێت.
گەلی مرووڤێت ئەوروپا، هین نە دپاراستینە، و گەلی ئاكنجیێت ئاسیا هین نە د پاراستینە، و گەلی ئاكنجیێت گراڤا، خودێ یەكێ ژ درەو نە شێت ل هەوارا هەوە بێت. ئەز یێ دبینم باژێر یێت هەڕفن، و یێت بینم باژێر یێت كاڤل بووین، ئەو خوداڤەندێ بتنێ، ئەڤە دەمەكە یێ بێدەنگە، و كریارێت كرێت ل پێش چاڤا هاتنەكرن و ما بێدەنگ، لێ نوكە دێ ئایەتێت خو ببلنداهی نیشا دەت، چ كەسێ گوهەكێ هشیار هەیە بلا گوهێ خو بدەتێ كو ئەو دەم نە یێ دویرە، من بهەمی شییانێت خو پێكوول كر كو هەمیا کووم کەم ل بن تەناهیا خودێ یێ پربلند، لێ ئەو كارێ خودێ دانای تڤیا بجهبێت، ئەز راست و درست دبێژم كو گەڕا ڤی وولاتی ژی یالپلە یان چ نەمایە دێ رویدەت، دێ دەمێ نووحی (سلاڤ لێ بن) لپێش چاڤێت خو بینن و دێ بچاڤێت خو هندەك وان رویدانا بینن ئەوێت ل سەر ئەردێ لووتتی (سلاڤ لێ بن) رویداین، لێ خودێ یێ پربلند زوی نا بەخڕیت، ڤێجا لخوبزڤرن دا دلووڤانی بهەوە بێتە دان. ئەوێ ژ خودێ غافل ئەو كرمە و نە مرووڤە، و یێ ژ خودێ پرمەزن نەترسیت یێ مریە و نە یێ زیندی یە (حقیقة الوحي، راستییا فرێداریێ: الخزائن الروحانیة: گەنجینێت جانكاری یێ، بەرگێ 22، لا 268_269)
ئەم داخوازێ ژ خودێ پربلند دكەین كو ژیری و راستیێ بدەتە مرووڤێت جیهانێ و وان ژ كارێت زۆڕداریێ و فێلبازییا ونەباشییا بدەتەپاش، و مە ژی د بەرپرسیاریا خودا بباشترین رێ هەر سەربێخیت، ئامین.
بو پتر پێزانینا هیڤیدارین بنێرنە مالپەرێت لخوارێ:
www.alislam.org
www.islamahmadiyya.net
یان بنێرە كەنالێ عەرەبی یێ كووما ئیسلامی یا ئەحمەدی
MTA3 alArabiyya
http://www.mta.tv/mta3-stream/