Аҳмадия Мусулмон Жамоатининг Халқаро Раҳнамоси, Ваъда Қилинган Масиҳ ва Маҳдий – Ҳазрат Мирзо Ғулом Аҳмад (алайҳиссалом)нинг 5-халифаси Ҳазрат Мирзо Масрур Аҳмад (Аллоҳ таоло унга ёрдамчи бўлсин) 2015 йилнинг 5 октябрида Голландиянинг Нунспит шаҳрида жойлашган “Байт ун-Нур” номли масжид биносида РТВда суҳбат ўтказди. У радио суҳбат бевосита эфир орқали бутун дунёга тарқатилди.
Ўзининг Голландиядаги иш сафарининг мақсад-муддаоси ҳақида сўзлаб, Ҳазрат Мирзо Масрур Аҳмад бундай дедилар:
Голландия Парламентининг Хорижий давлатлар билан Муносабатлар Қўмитаси мурожаат қилиш учун мени чақирган эди ва Алмере шаҳрида янги масжидга ҳам дастлабки ғиштни қўйишим керак. Яна бундай қўшимча қилди: мен Голландияда юрган вақтимда Аҳмадия Мусулмон Жамоатининг аъзолари билан ҳам учрашаман.
Халифанинг бурчлари ҳақида сўралганда, Ҳазрат Мирзо Масрур Аҳмад бундай деди:
«Халифанинг бурчи бу – Аллоҳнинг пайғамбарининг ишини ва даъватини давом эттириш. Унинг бурчи бу – Исломнинг ҳақиқий хабарини ёйиш, шунингдек уни қабул қилганларни яхшилик ва ҳақиқатга йўналтириш. Демак, Халифа сифатида мен ер юзидаги Аҳмадий мусулмонларга йўналиш кўрсатаман ва ҳар куни жамоат аъзолари билан учрашаман. Халифа билан Аҳмадий мусулмонлар ўртасидаги алоқа-муносабат – бу икки томонлама муҳаббат”.
Голландиянинг Миллий Парламентида қилмоқчи бўлган мурожаати ҳақида Ҳазрат Мирза Масрур Аҳмад бундай деди:
“Депутатларга айтмоқчи бўлган сўзларим қуйидагилар: Ислом экстремизм дини эмас ва зўрлик-зўровонлик Жиҳодига рухсат йўқ. Мен уларга: “Барча одамлар бир-бирлари билан қўл ушлашиб, жамиятни севиш ва тинчликни ўрнатиш учун биргаликда ишлашалри керак”, – дейман”.
Ҳозирги кунда Европага ўз таъсирини кўрсатаётган муҳожирлар масаласи ҳақида унинг фикри қандай эканлиги сўралганда, Ҳазрат Мирзо Масрур Аҳмад бундай деди:
“Биз қувғинга учраган ёки қўрқинч остида қолган ҳар бир одамга ҳақиқий эркинлик билан яшаш имконияти берилиши керак деб ўйлаймиз. Демак, ҳақиқий муҳожирларга ёрдам берилиб, чет давлатларга жойлашиш имконияти берилиши керак, лекин уларнинг кейинчалик ўлкаларига хавфсиз қайтишлари учун биз уларнинг мамлакатларида ҳам тинчлик ўрнатишга интилишимиз керак”.
Якуни
Қўшимча маълумот учун: press@ahmadiyya.org.uk
Манзил: 22 Deer Park Road, London, SW19 3TL UK
Tel/Fax: 020 8544 7613 Mob: 077954 90682
Email: press@ahmadiyya.org.uk
Press Secretary AMJ International
(Халқаро Аҳмадия Мусулмон Жамоатининг нашриёт хизмати бўйича котиби)