Аҳмадия Мусулмон Жамоатининг Раҳнамоси Голландиянинг Миллий Парламентида тарихий нутқ сўзлади

Ҳазрат Мирзо Масрур Аҳмад Ислом халқаро диний эркинликка кафолат беради ва дунёвий кучларни адолат билан иш юритишга чақиради деди.

Аҳмадия Мусулмон Жамоатининг Халқаро Раҳнамоси, Ваъда Қилинган Масиҳ ва Маҳдий – Ҳазрат Мирзо Ғулом Аҳмад (алайҳиссалом) нинг 5-халифаси Ҳазрат Мирзо Масрур Аҳмад (Аллоҳ таоло унга ёрдамчи бўлсин) 2015 йилнинг 6 октябрида Голландиянинг Миллий Парламентида Хорижий давлатлар билан Алоқа Қўмитасининг махсус сессиясида давлатнинг марказий шаҳри Гагада 100 дан ортиқ катта лавозимдаги инсонлар ва меҳмонлар ҳузурида тарихий нутқ сўзлади.

Соат 4:35 да Ҳазрат Мирзо Масрур Аҳмад (Палата Вакилларининг аъзоси ва Ташқи ишлар бўйича Қўмита раҳбарининг ўринбосари) Гарри ван Боммел томонидан кутиб олиниб, у киши Қўмита Хонасигача кузатиб борди.

Расмий сессияни олиб борувчи Жаноб ван Боммел Ҳурматли Халифани Парламентда кутиб олиб, кейин қўмита аъзолари билан таништирди.

У киши турли хорижий давлатларнинг депутатлари, давлат элчилари ва Албания, Хорватия, Ирландия, Черногория, Испания ва Швеция каби давлатларининг вакиллари бўлган меҳмонларни ҳам кутиб олди.

Ундан кейин Ҳазрат Мирзо Масрур Аҳмад тарихий нутқ қилиб, унда дунёнинг тинчлиги ва хавфсизлигига бўлган хатарни даврнинг энг оғир муаммоси эканлигини таъкидлади.

У киши Қуръони карим таълимотлари асосида дунёда бўлаётган муаммолар бартараф бўлишини айтиб берди. У киши дунёвий кучларни иқтисодий жиҳатдан кучсиз миллатларга ёрдам беришга ва уларни эксплутация қилмасликка чақирди.

Дунёдан йўқолиб кетаётган тинчлик ҳақида сўзлаётиб, Ҳазрат Мирзо Масрур Аҳмад бундай деди:

“Ҳозирги кунда баъзи бир муаммолар қайта-қайта кўрсатилиб, давримизнинг энг долзарб муаммаолари сифатида қайд қилинмоқда. Агарда биз ҳозирги вақтда объектив таҳлил қилиб кўрсак, унда дунёнинг тинчлиги ва хавфсизлиги давримизнинг энг долзарб масаласи эканлигига амин бўламиз. Баҳсга ўрин йўқ, кун ўтган сари дунёда хавф ортиб бормоқда ва унинг бир қанча салмоқли сабаблари бор”.

Яна бундай деди: дунёнинг тинчлигига ва хавфсизлигига таъсир қилаётган турли омилларнинг бири дунёвий иқтисодда барқарорликнинг йўқлиги; ноҳақлик ва ҳукумат ҳамда фуқаролар ўртасида ишончнинг йўқлиги; ривожланган миллатлар билан ривожланиш йўлидаги миллатлар ўртасидаги фарқ.

Диний Раҳнамо бундай деди: экстремистларнинг золимона ҳаракатлари учун Ислом ёки бошқа бирорта динни айблаб бўлмайди.

Яна бундай деди: Қуръони карим ёки Ислом динининг Пайғамбари Муҳаммад (саллаллоҳу алайҳи ва саллам) экстремизм ёки терроризмнинг бирорта кўринишини ёқлаган деган тушунча “ҳаддан ортган даражадаги адолатсизлик”.

Аҳмадия Мусулмон Жамоатининг тинчлик билан чамбарчас алоқасини мисол қилиб, Ҳазрат Мирзо Масрур Аҳмад бундай деди:

«Албатта, мен ва барча ҳақиқий Аҳмадий мусулмонлар ҳозирги кундаги бошоломонликни ва нотинчликни яратувчилар ёки унга иштирок этадиганлардан эмасмиз. Аслида биз бутун дунёда тинчлик бўлишига интилувчи одамлармиз. Биз дунёга шифо истаган одамлармиз. Биз инсониятни бириктиришни хоҳловчи одамлармиз. Биз барча нафрат ва қасдларни муҳаббат ва меҳрибонликка айлантиришга интилувчи одамлармиз. Албатта, биз дунёда тинчлик ўрнатиш учун қўлимиздан келганча ҳар бир имкониятимизни ишга соладиган одамлармиз».

Ҳазрат Мирзо Масрур Аҳмад бундай давом этди:

“Диний Раҳнамо сифатида мен буни таъкидламоқчиман: бир-бирин айблаш ва бир-бирига ғазаб қилиш ўрнига биз дунёда ҳақиқат ва абадий тинчликни ўрнатишга эътибор қаратишимиз керак”

Сўнгра Ҳазрат Мирзо Масрур Аҳмад Ислом диний эркинлик ва халқаро инсон ҳуқуқларини ёқлашини исботловчи бир қанча Қуръон оятларини ўқиб берди.

У киши бундай деб шарҳлади: Севимли Пайғамбаримиз Муҳаммад (саллаллоҳу алайҳи ва саллам) ва дастлабки мусулмонлар жангларининг табиати ҳимояланиш бўлган, шунингдек диндорлик ва эътиқод эркинлигини муҳофаза қилиш бўлган.

Ҳазрат Мирзо Масрур Аҳмад бундай деди:

«Иккинчи суранинг 194-оятида Аллоҳ таоло мусулмонларга қаерда очиқ-ошкор дин эркинлиги берилган бўлса, у ерда ҳеч қандай жанг ёки урушга рухсат йўқ деб буюрган. Шунинг учун ҳеч бир мусулмон давлат, гуруҳ ёки инсон қандайдир бир қўзғолонга, урушга ёки қонунбузарликка давлат ва унинг фуқароларига қарши чиқиб иштирок эта олмайди».

Ҳазрат Мирзо Масрур Аҳмад бундай деб давом этди:

«Оддий мисол, Европада ва Ғарбда ҳукумат томонидан диний эркинлик берилган, шунинг учун мусулмонларда давлат қонунларини бузиш, қўзғолон кўтариш йўли билан ҳукуматга қарши чиқиш ёки қандайдир бошқа йўллар билан ҳам қўзғолон кўтаришга ҳуқуқлари йўқ”.

Халқаро муносабатларда адолатлилик жуда ҳам муҳим эканлиги ҳақида сўзлай туриб Ҳазрат Мирзо Масрур Аҳмад бундай деди:

«Ислом дини бундай таълимот беради: барча ҳолатларда, майли муносабат қанчалик оғир бўлмасин, сизлар адолат ва ҳақиқатни маҳкам тутишингиз керак… Аслида жамиятнинг ҳар бир бўлагида адолат бўлмагунича абадий тинчлик ўрнатиш мумкин эмас».

Ислом динининг халқаро диний эркинликка бўлган бурчига ишора қилиб Ҳазрат Мирзо Масрур Аҳмад бундай деди:

«Аслида Ислом дини эркинликка, мустақиллика ва барча диндаги инсонларни ҳимоя қилишга кафолат беради. Ислом ҳар бир инсоннинг танлаган йўли ёки эътиқодидаги ҳуқуқларини муҳофаза қилади».

Дунёнинг хавфсизлигидан хавотирда эканлигини айтиб, Ҳазрат Мирзо Масрур Аҳмад бундай деди:

«Дунё тинчлик ва ахвфсизликка жуда ҳам муҳтож. Бу ҳозирги давримизнинг энг долзарб масаласи. Барча давлатлар ва барча миллатлар яхшилик учун бирга қўл бериб, ёмонликнинг барча турларига қарши дин номидан ёки тўғридан-тўғри биргалашиб барча имкониятларини ишга солишлари керак. Бу ёмонликларга бирор динни масхара қилиш ёки экстремистларнинг динни ниқоб қилиб олиб ўзларининг ғаламисларча ҳаракатларини оқлашлари ҳам киради».

Якунида у киши барча катта кучларнинг заиф миллатларни турли хил эксплуатация қилишликларидан тўхтатишга чақирди.

Ҳазрат Мирзо Масрур Аҳмад бундай деди:

«Бугунги кунда биз кўплаган биринчи дунё давлатларининг камбағал ва ривожланиш йўлидаги давлатларга инвестицияларни кўпайтириб бораётганини кўрмоқдамиз. Улар адолат билан муносабатда бўлишлари керак ва ана шу жамиятга ёрдам беришга интилишлари керак, уларнинг табиий бойликларини ва арзон меҳнат кучларини ўзларининг миллий манфаатлари йўлида фойдаланмасликлари керак ва инсониятга фойда келтиришлари зарур».

Ҳазрат Мирзо Масрур Аҳмад бундай деб давом эттирди:

«Улар (бой давлатлар) қашшоқ давлатлардан топган пулларининг кўпини қайта инвестиция қилишга интилишлари керак ва у бойликларни маҳаллий одамларни ривожлантиришга ёрдам бериш учун қўллашлари керак. Агарда ривожланган давлатлар мана шу усулда иш олиб боришса, унда камбағал жамиятларгагина фойда келтиришмасдан, ўзларига ҳам фойдали эканлигини ҳам исботлашади. Бу нарса ишончни орттиради ва барча йиғилиб қолган кўнгилхираликни бартараф қилади. Бу маҳаллий иқтисодни кўтаришга восита бўлади ва охир оқибат дунё иқтисоди ва молиявий саломатликни мустаҳкамлашга олиб боради».

Унинг мурожаати якунлангандан кейин Қўмита аъзолари у кишига турли масалалар бўйича, улардан дин танлаш эркинлиги, сўз эркинлиги, қочоқлар масаласи ва Аҳмадия Мусулмон Жамоати учраётган қаршиликлар ҳақидаги ўй-фикрлари қандай эканлиги ҳақидаги Ҳурматли Халифага савол бериш имконияти берилди.

Сўнгра у киши алоҳида турли юқори лавозимли инсонлар ва меҳмонлар билан учрашдилар, шунингдек унга Парламентнинг тарихий хоналари кўрсатилди.