Аҳмадия Мусулмон Жамоати асосчиси (алайҳиссалом)нинг исмлари Ҳазрат Мирзо Ғулом Аҳмад бўлиб, ул зот 1835 йил 13-февралда Ҳиндистоннинг Панжоб вилоятига қарашли «Қодиён» номли қишлоқда таваллуд топган эдилар. У киши ўзларини Расулуллоҳ (саллаллоҳу алайҳи ва саллам) келишини башорат қилган Масийҳ ва Имом Маҳдий эканликларини эълон қилиб, 1889 йил 23-март куни Аллоҳ Таоло изн-иродаси билан Аҳмадия Мусулмон Жамоатини ташкил этганлар.
Ул зот Ислом динини ҳимоялаб ва қўллаб-қувватлаб, 85 га яқин китобларини ёзганлар. У китобларнинг баъзилари қуйидагилар: «Бароҳийни Аҳмадия Чаҳор Ҳисас», «Оина Камолоти Ислом», «Масийҳ Ҳиндистонда», «Ислом Тамойиллар Фалсафаси», «Рози Ҳақиқат», «Лужжатун-Нур», «Ҳақиқатул Маҳдий», «Ҳақиқатул Ваҳий», «Бароҳийни Аҳмадия Ҳисса Панжум», «Сурма Чашми Ория», «Изолаи Авҳом», «Пайғоми Сулҳ» ва ҳ.к.
Ул зот 1908 йил 26-май куни вафот этгач, Қуръони Карим ва ҳадисларда мавжуд башоратларга кўра, Аҳмадия Мусулмон Жамоатида «Хилофат ало минҳожин-Нубувваҳ» (пайғамбарлик йўлидаги хилофат) тузуми барпо бўлди.
Ҳозир Ҳазрат Мирзо Масрур Аҳмад (аййадаҳуллоҳу таоло би-насриҳил азиз) Ҳазрат Имом Маҳдий (алайҳиссалом)нинг 5-халифаси сифатида Аҳмадия Мусулмон Жамоатига раҳабарлик қилмоқдалар.