Ҳазрат Мирзо Масрур АҳмаднингРегинада солинган “Маҳмуд” масжиди очилишини нишонлаш мақсадида ўтказилган махсус кечада билдирган ўй-фикрлари
2016-йилнинг 4-ноябрида Аҳмадия Мусулмон Жамоатининг Бутун дунё Раҳнамоси, Масийҳи Мавъуд ва Имом Маҳдий – Ҳазрат Мирзо Ғулом Аҳмад (алайҳиссалом)нинг 5-Халифаси Ҳазрат Мирзо Масрур Аҳмад (Аллоҳ таоло унга Ёрдамчи бўлсин) Канаданинг Регина шаҳрида жойлашган “Маҳмуд” (мақталган) масжиди очилишини нишонлаш мақсадида таклиф қилинган махсус кечада тарихий мурожаат қилди.
Мазкур масжид расмий турда Улуғ Муҳтарам Халифа ушбу янги масжидда ўқиган ҳафталик жума хутбаси билан очилган эди.
Регинада жойлашган “Рамада Плаза” меҳмонхонасида ўтказилган кечага Саскачеван вилоятининг ҳукумат раҳбари билан бирга 180дан зиёд меҳмонлар қатнашишди.
Ўз мурожаатида у Ҳазрат масжидларнинг ҳақиқий мақсад-муддаолари ҳақида айтиб берди ва Аҳмадия Мусулмон Жамоатинингмунтазам инсониятга хизмат қилишга бўлган мустаҳкам иродаси ҳақида сўз юритди.
Дастлаб, у Ҳазрат мусулмон дунёсида айни дамда ҳукм сураётган вазият ҳақида тўхтали, унинг“жуда хавфли ва фитна-фасодли”эканини айтди.
Ҳазрат Мирзо Масрур Аҳмад шундай деди:
“Барчамиз ушбу ҳақиқатни яхши биламиз, баъзи бир мусулмон террорист гуруҳлар пайдо бўлган ва улар жуда хавфли зулмлар қилишмоқда. Улар ўзаро уришаётгани билан бирга ўзларининг етакчилари ва бошқарувчиларига қарши ҳам уруш қилишмоқда. Худди шундай баъзи бир ҳокимиятлар ҳам ўз фуқароларининг ҳақ-ҳуқуқларини адо этмай қўйди, натижада алоҳида гуруҳлар пайдо бўлиб, зўравонликка қарши оёққа туришди”.
Ҳазрат Мирзо Масрур Аҳмад шундай деди:
“Ана шулар натижасида баъзи бир мусулмон давлатлардаги жамоатчилик умуман яксон бўлиб кетди. Ўша халқлар зўравонлик ва вайроналикнинг ўзгача бир мангу ва умуман аҳамиятсиз доирасига ботиб қолишди. Рўй бераётганларнинг барчаси инсониятнинг пешонасига тушган қандайдир бир доғ эди деб билиш лозим”.
У Ҳазрат шундай деб айтди: Регина ва ундан ҳам зиёда Саскачеван вилояти маҳаллий халқининг Аҳмадий мусулмонлар билан яхши алоқа-воситалари бор эканлигига қарамай, маҳаллий одамлар орасида масжид очилиши ана шу алоқа-воситаларнинг йўл-йўриғини ўзгартириши мумкин деган хавотирлар бўлиши эҳтимол. Шундай бўлса ҳам, у Ҳазрат ана шундай хавотирларга қарши сўзлаб, маҳаллий одамларни ишонтирди.
Ҳазрат Мирзо Масрур Аҳмад шундай деди:
“Бизнинг Аҳмадий масжидларда тузилаётган режалар шунчаки: биз қийналаётган вақолоқ одамларнинг қайғу-фарёдлари ва оғир аҳволидан қандай олиб чиқишимиз мумкинлигини аниқлаш. Бизнинг иш-режамиз шунчаки: қийинчиликлар ва бахтсизлик остида қолиб кетган ноумид ва ночор одамларнинг оғир юкларини олиб ташлашдир”.
Ҳазрат Мирзо Масрур Аҳмад шундай деди:
“Сизлар ушбу масжид ёруғлик минораси бўлиб, меҳрибонлик, ғамхўрлик ва раҳм-шафқатнинг ҳалқаро қадриятлар билан жамоатчиликка нур сочаётганига гувоҳ бўласизлар. Ушбу масжид ўзининг тинчлик, фаровонлик ва барча одамларга тинчлик жойи деган аъло рамзи эканининг далилларини кўрасизлар”.
У Ҳазрат Ислом динининг бошқаларга хизмат қилишга бўлган мустаҳкам шижоати қандай қилиб Муқаддас Қуръон таълимотларига ва Ислом динининг Пайғамбари Муҳаммад (саллаллоҳу алайҳи ва саллам)нинг суннатига асосланганлиги ҳақида сўз юритди.
Ҳазрат Мирзо Масрур Аҳмад шундай деди:
“Севимли Пайғамбаримиз Муҳаммад (саллаллоҳу алайҳи ва саллам)нинг танаси, ҳужайраси ва аъзосининг ҳар бир бўлакчасидан инсоният учун боқий раҳм-шафқат ва меҳрибонлик чашмаси отилиб чиқади, шунинг учун унга эргашаётган ҳақиқий мўмин-мусулмон ҳеч қачон нопок ўй билан ёки бошқаларга зарар етказиш мақсадида масжидга кирмайди”.
Ҳазрат Мирзо Масрур Аҳмад шундай деб давом этди:
“Ҳақиқий масжид ҳаётнинг турли жабҳаларидаги барча инсонларнинг тинчлиги учун ўзгача бир кафолатчи ва Худо сақласин, агар қайси бир масжид мана шундай яхши ўй-ниятлар билан қурилмаса, унда у ўз мақсад-муддаоларини бажараётгани йўқ, деб айтиш лозим”.
У Ҳазрат шундай деди: Аҳмадия Мусулмон Жамоати мунтазам инсониятга хизмат қилиш билан машғул бўлган ва дунёнинг қолоқ минтақаларида мактаблар билан шифохоналарни солган ва бир талай бошқа хайрия лойиҳаларини ҳам бошлаган.
Сувнинг аҳамияти ва у билан таъминлаш учун Аҳмадия Мусулмон Жамоати дунёнинг жуда олис бурчакларида амалга ошираётган ҳаракатлари ҳақида сўзлаб, Ҳазрат Мирзо Масрур Аҳмад шундай деди:
“Сув ҳаёт манбаи бўлиб ҳисобланади, бироқ ҳозир ҳам дунёнинг кўп жойларида бунга имконияти оз ёки йўқ инсонлар бор. Африка мамлакатларида, агар ёмғир ёғса, уларнинг кўллари тўлиб кетади, бироқ ниҳоятда кўп қурғоқчилик мавжуд, натижада кўлмаклар қуриб қолиб, сувнинг долзарб тақчиллигига олиб келади. Ҳақиқатда, ёмғир ёққан ерда ҳам, қишлоқ жойларида ёки олис минтақаларда яшаган одамларнингҳозир ҳам тоза сувга эришиш имконияти йўқ, чунки улар фойдаланаётган кўлмак суви турли бактериялар ва заҳарли моддаларга булғанган”.
Ҳазрат Мирзо Масрур Аҳмад шундай деб давом этди:
“Сўнгра у ифлос сувнинг қудуқларда мавжуд эканлиги муаммогина бўлмасдан, у ёш болаларни бир қанча чақиримларгача яёв босиб, ўз елкаларида сув челакларини кўтариб олиб келишга мажбур қилади. Мен ўзим ҳам бир неча йил Африкада яшадим ва ана шу кўринишни ўз кўзларим билан кўрдим. Ёш болалар мактабда бўлишга ва эркин бўлишга ҳақли бир вақтда биз – фаровонлик билан Ғарбда яшаганлар учун ўйлаб ҳам бўлмайдиган, уларнинг ихтиёридан ташқари турган оғир вазиятда бўлган кун тартибига барқарорлик билан чидашга мажбур бўлишмоқда”.
У Ҳазрат Африкадаги болалар билан Ғарб дунёсида яшаган болаларнинг аҳволини қиёслаб кўрсатди.
Ҳазрат Мирзо Масрур Аҳмад шундай деди:
“Бу ерда, Ғарб дунёсида бизни кўп ҳолатда хавотирга соладиган нарса, ҳар куни эрта билан болаларимиз ўз вақтида мактабга ета олишадими ёки йўқми? Ёки бунга ўхшаган майда-чуйда икир-чикирлар. Мана шундай аҳамиятсиз икир-чикирлар дунёнинг қолоқ минтақаларидаги одамлар учун ўзгача бир ёқимли тушгина бўлиши керак. У болалар ушбу ерда яшаган болаларимиз эгаллаган осойишталикларга эришиш учун ҳар қандай нарсани қурбон қилишга тайёр”.
Мана шундай қийинчиликларни бартараф этиш мақсадида Аҳмадия Мусулмон Жамоати олис шаҳарчалар ва қишлоқларда қуёш нури ёрдамидаҳамда қўл меҳнати ёрдамида ишловчи қудуқларни ўрнатишмоқда.
Африка халқи мана шундай хайрия лойиҳалари натижаларини кўрган заҳотиёқ киприк қоқишлари ҳақида сўз юритиб, Ҳазрат Мирзо Масрур Аҳмад шундай деди:
“Умуман қашшоқликда яшагандан сўнг биринчи марта ўз остоналарида тоза сувни кўриб, маҳаллий одамларнинг, айниқса, ёш болаларнинг юзларидаги тоза ва беихтиёр қувонч кўришга муносиб нарса бўлиб ҳисобланади. Чунки уларнинг барча тилаклари, тушлари бир маҳалда амалга оширилган ва улар бутун дунёнинг бойлигини олишган эди”.
Ҳазрат Мрзо Масрур Аҳмад шундай деди:
“Биз – Аҳмадий мусулмонлар мана шундай одамларга хизмат қилиш билан фахрланамиз, шунингдек, бошқаларга осойишталик ва фаровонлик улашиш имкониятига эга бўлишни қут-барака деб ўйлаймиз, чунки бу Ислом динининг йўл-йўриғидир”.
Ниҳоясида у Ҳазрат шундай деди: Аҳмадия Мусулмон Жамоати Ислом динининг ҳақиқий таълимотларига амал қилади, шунингдек, “бошқаларга хизмат қилиш ва инсониятни бирлаштириш” деган ҳақиқий жиҳодни адо этмоқда.
Ҳазрат Мирзо Масрур Аҳмад шундай деди:
“Бизнинг жиҳод – бу қиличнинг, милтиқнинг ёки бомбанинг жиҳоди эмас. Бизнинг Жиҳод – бу зулмнинг, зўравонликнинг ва адолатсизликнинг жиҳоди эмас. Аксинча, бизнинг жиҳод – бу севгининг, раҳм-шафқатнинг ва меҳрибонликнинг жиҳоди. Бизнинг жиҳод – бу сабрнинг, адолатнинг ва инсониятга ғамхўр бўлиш жиҳоди. Бизнинг жиҳод – бу Аллоҳ таоло ва Унинг бандаларининг ҳақ-ҳуқуқларини адо этиш жиҳодидир”.
Ҳазрат Мирзо Масрур Аҳмад шундай деб давом этди:
“Агар биз қандайдир бир жиҳодли гуруҳни тузган бўлсак, уни ваҳшийлик ҳужумларини уюштириб, бегуноҳ одамларни ўлдириш ёки клубларга, бекатларга ёки қандайдир бир бошқа жойларга ёвуз террористик ҳужумларни амалга ошириш учун тузганимиз йўқ, аксинча, ҳар вақт барча жойлардаги барча одамларнинг ҳақ-ҳуқуқларини адо этиш мақсадида тузганмиз. Мана шу мақсад-муддаоларга эришиш учун биз зўравонлик билан қилич ёки олов милтиқларини ишлатмаймиз, аксинча, биз танлаган қуроллар – бу севги, меҳрибонлик, ғамхўрлик ва барчасидан ҳам зиёда дуодир”.
Бунга қадар бир талай меҳмонлар ҳам йиғилганларга мурожаат қилишди, улар қаторида Канададаги Аҳмадия Мусулмон Жамоатининг Миллий Президенти Лал Хон Малик ҳам табрик сўзларини айтди.
Саскачеван вилоятининг ҳукумат раҳбари жаноб Брэд Уолл шундай деди:
“Сиз, Ҳазрат бу ерга келгандан бери ва бундан олдин ҳам “Севги барчага, нафрат ҳеч кимга” деган Аҳмадия Мусулмон Жамоатининг асосий усулини эшитиб келмоқдамиз. Бу ҳар қандай маданий тафовутдан, ҳар қандай руҳоний тафовутдан, ҳар қандай диний тафовутдан юқори турган ҳикмат. У ҳар биримизга тааллуқли ўзгача бир мезон бўлиб ҳисобланади”.
Регина мэри жаноб Майкл Фоугере шундай деди:
“Мен бу ерда бўлганимдан жуда фахрланиб турибман ва у Ҳазратни ўз шаҳримизга қабул қиламиз ва ушбу ерга ташриф буюрганинглар учун сизларга миннатдорчилик билдирамиз… Бизнинг шаҳримизни, вилоятимизни танлаганинглар учун сизларга миннатдорчилик билдириш учун мен Регина шаҳрининг бутун халқи номидан сўзлаётиб жуда катта қувончдаман. Шаҳар сифатида бизни кучли қилиб қўйдингизлар”.
Регина полициясининг раҳбари жаноб Иван Брей шундай деди:
“Ушбу кечага иштирок этиш жуда катта ҳурмат ва ифтихор, шунингдек, бу янги масжиднинг очилишига қатнашиш билан барчамиз фахрланамиз”.
Мазкур тадбир Ҳазрат Мирзо Масрур Аҳмад олиб борган дуо билан якунланди, шундан сўнг у Ҳазрат ғайриаҳмадий меҳмонлар билан ялоҳида учрашди.
Тадбирдан олдин ва кейин у Ҳазрат бир гуруҳ шарафли меҳмонлар билан алоҳида учрашди.