ПОКИСТОНДАГИ АҲМАДИЯ МУСУЛМОН ЖАМОАТИ ВА ФАЛАСТИН УЧУН ОХИРГИ ДУО ЧАҚИРИҒИ

«Мен Покистондаги вазият учун дуо қилишга чорлаб тураман. Баъзида у жуда ҳам авж олади. Маъмурият ва ҳукумат ҳам экстремист муллалар қўлида ўйинчоқ бўлиб қолгандек кўринади. Илгари фақат масжиднинг минораси қулатилди ёки меҳроб бузиб юборилди, деган хабарлар келар эди, улар (экстремист муллалар) бунга (миноралар ва меҳроб) эътироз билдирар эдилар. Энди кеча Даска (шаҳри)да йўл қурамиз деган баҳона билан аввал шунча жой оламиз ва у ерни булдозер билан тозалаб қўямиз деб хабар юборишди. Унга масжиднинг кичик бир қисми – ҳаммомлари ва ҳоказолар кирган эди. Аммо булдозерларни олиб келганларида, муллаларнинг буйруғи билан бутун масжидни бузиб, вайрон қилиб қўйдилар.

Бу масжид эски бўлиб, Ҳиндистон ва Покистоннинг бўлинишидан олдин қурилган эди ва эҳтимол Ҳазрат Чавдҳрий Зафаруллоҳ Хон жаноблари томонидан қурилган эди. Хуллас, бугунги кунда улар шу даражада ҳаддан ошиб кетдилар. Аллоҳ таологина уларни тез орада тутишга ва уларнинг макр-ҳийлаларини ўзларига қайтаришга қодирдир. Шунинг учун Аҳмадийлар, хусусан, Покистондаги Аҳмадийлар кўп-кўп дуо қилишлари керак. Бунга эътибор беришлари лозим.