Ҳазрат Мирзо Масрур Аҳмад инсониятга хизмат қилиш Ислом динининг муҳим қисми бўлиб ҳисобланади, деб айтдилар
2017-йилнинг 13-майида Аҳмадия Мусулмон Жамоатининг Бутун дунё Раҳнамоси, Масийҳи Мавъуд ва Имом Маҳдий – Ҳазрат Мирзо Ғулом Аҳмад (алайҳиссалом)нинг 5-Халифаси Ҳазрат Мирзо Масрур Аҳмад (Аллоҳ таоло у зотга Ёрдамчи бўлсин) Халқаро Аҳмадий архитектор ва муҳандислар уюшмасининг Европа бўлими Йиллик Симпозиумида мурожаат қилдилар. Мазкур симпозиум жануби-ғарбий Лондонда жойлашган “Байтус-Футуҳ” масжидида бўлиб ўтди.
Ўз мурожаатида Ҳазрат Мирзо Масрур Аҳмад ХААМУнинг фаолиятини таърифлаб, у инсонпарварлик иш-фаолиятларини оширишга ҳаракат қилиши лозим, деб айтдилар. У киши ХААМУнинг аъзолари турли камчиликлари ва нуқсонларини бартараф этишга ҳам эътибор қаратишлари зарур, деб айтдилар.
Ҳазрат Мирзо Масрур Аҳмад шундай дедилар:
“Аллоҳ таолонинг марҳамати билан охирги ўн уч ёки ўн тўрт йил ичида ХААМУнинг Европа бўлими баъзи аъло ишларни амалга оширган ва йил сайин ҳам кўп кишилар унинг турли лойиҳалари ва иш-режаларида иштирок этиб келишмоқда. Мен янги кўнгиллилар йил сайин ХААМУга қўшилиб, шу йўл билан Ислом ва инсоният учун ўз хизматларини тақдим этаётганини кўриб, миннатдор бўлиб ўтирибман”.
Ҳазрат Мирзо Масрур Аҳмад кўплаб ёш Аҳмадий мусулмонлар Аллоҳ таоло ва инсониятга хизмат қилиш учун ўз ҳаётини бағишлаб, беҳисоб қурбонликларни адо этганини айтдилар.
Ҳазрат Мирзо Масрур Аҳмад шундай дедилар:
“Аллоҳ таолонинг фазлу марҳамати билан ҳозир ташқи компаниялар билан жуда яхши тажрибага эга бўлган, ўз ҳаётини динга бағишлаган баъзи бир ёш Аҳмадий мусулмонлар бойлик ортидан қувалаш ўрнига фақат дин ва инсониятга хизмат қилишга бўлган истак уларга туртки бўлган. Шундай қилиб, улар Аҳмадия Мусулмон Жамоатига тўлиқ муддат хизмат қилиш керак деган ваъдасини адо этиб, мазкур Жамоат томонидан тўланадиган оддийгина асосий маош-маблағ олиш билан миннатдор бўлишмоқда”.
Ҳазрат Мирзо Масрур Аҳмад шундай дедилар: мана шундай руҳ фақат Европадаги Аҳмадий мусулмонлардагина бўлмасдан, ер юзидаги Аҳмадий мусулмонлар замонавий қишлоқ схемаси ва ҳаёт учун сув сингари турли хил лойиҳалар билан инсониятга хизмат қилиш учун ўз имкониятларини тақдим этиб келишмоқда, у орқали ХААМУ янги сув насосларини ўрнатиб ёки олдингисини ўрнига қўйиб келишмоқда.
Ҳазрат жамоатчиликдаги қолоқ ва ночор аъзоларга ёрдам беришга ҳаракат қилиш Аҳмадий мусулмонларнинг диний бурчи эканини айтдилар.
Ҳазрат Мирзо Масрур Аҳмад шундай дедилар:
“Жамоат сифатида бизнинг ресурсларимиз жуда чекланган, бироқ шундай бўлса ҳам, биз имкони борича кўп одамларни тоза сув билан таъминлаш мақсадида қўлимизда мавжуд ресурсларни ўта яхши йўл билан фойдаланишимиз лозим”.
Ҳазрат Мирзо Масрур Аҳмад шундай деб давом этдилар:
“Ёдингизда бўлсин, қисман бахтли инсонларга хизмат қилиб, уларга ғамхўр бўлиш, шунингдек, уларнинг қайғуси ва қийинчиликларини бартараф этишга ҳаракат қилиш ҳар доим бизнинг бурчимиз бўлиб қолаверади”.
Ниҳоясида, Ҳазрат Мирзо Масрур Аҳмад шундай дедилар:
“Ғарб дунёсининг осоишталиги ичида улғайган бизнинг ихтиёрий ходимларимизнинг кўпчилиги инсониятга хизмат қилиш мақсадидагина Африканинг олис ва қурғоқ бурчакларига боришган. Улар чанг-тўзон кўтарилган ва хароба йўллар билан бориб, ҳаттоки ҳеч қандай йўллари ҳам бўлмаган жойларга ҳам етиб боришган”.
Ҳазрат Мирзо Масрур Аҳмад шундай деб давом этдилар:
“Мен ҳар доим улар қандай оғир ва мураккаб шароитларда ҳам сабрлилик ва жилмайган юзлари билан ўзларининг бурчларини мукаммал адо этишга эътибор беришганини кўриб, ҳайрон қоламан. Мен чин кўнгилдан улар адо этган амалларини қадрлайман ва мен бу хизмат учун Аллоҳ таоло уларга зўр мукофот берсин ва уларнинг амалларини беҳисоб баракали қилсин деб дуо қиламан”.
Ўша куни кечаси ХААМУнинг Европа бўлими раиси жаноб Муҳаммад Акрам Аҳмадий қисқача сўзлаб, ўтган йил мобайнида ХААМУ бажарган асосий иш-режалар ва лойиҳаларни белгилаб кўрсатди. У киши Симпозиум мавзуси “Инсониятга хизмат қилишда табиатдан фойдаланиш” бўлиб, бу борада кўплаб маърузалар уюштирилганини билдирдилар.
Ҳазрат ўтган йили ХААМУ олис Африкадаги қишлоқларда санитар, қишлоқ хўжалиги, электр энергияси ва тоза сув сингари турли харажатлар билан таъминлаб, 5 замонавий қишлоқ тузган деб ҳам билдирдилар. Турли бошқа лойиҳалар, шу жумладан, Ҳаёт учун сув ва масжидларни солиш бир вақтнинг ўзида ишга туширилмоқда.
Мазкур кеча Ҳазрат Мирзо Масрур Аҳмад олиб борган дуо билан якунланди.
Якуни
Қўшимча маълумот учун: press@ahmadiyya.org.uk
Манзил: 22 Deer Park Road, London, SW19 3TL UK
Tel/Fax: 020 8544 7613 Mob: 077954 90682
Email: press@ahmadiyya.org.uk
Press Secretary AMJ International
(Халқаро Аҳмадия Мусулмон Жамоати редакцияси котиби)