Аҳмадия Мусулмон Жамоатининг Раҳнамоси Гермония Европанинг бутунлиги ва иттифоқини сақлаши керак дейди
Ҳазрат Мирзо Масрур Аҳмад (а.б.а.) “Вақт” газетасига интервью берди
“Вақт” деган немисча миллий ҳафтаномаси 2015 йилнинг 25 майида Аҳмадия Мусулмон Жамоатининг Халқаро Раҳнамоси, Масиҳи Мавъуд ва Имоми Маҳдий Ҳазрат Мирзо Ғулом Аҳмад а.с. нинг 5-халифаси Ҳазрат Мирзо Масрур Аҳмад (Аллоҳ таоло унга ёрдамчи бўлсин) билан суҳбат қурди. Журналист Тоҳир Чавдҳарий ҳозирги янги дунёда Исломнинг роли, экстремизм туғдирган хавф-хатарлар ва бошқа турли оламшумул муаммолар тўғрисида суҳбатни олиб борди.
У киши ўзининг суҳбатида севимли Пайғамбаримиз с.а.в. охирги замон тўғрисида олдиндан қилган башорат, шунингдек Мавъуд Масиҳ ва Имом Маҳдий а.с. нинг келишлик ҳақида кенгроқ тўхталди. У киши шундай деди: Аҳмадий Мусулмонлар Мавъуд Масиҳ ва Имом Маҳдий Аҳмадия Мусулмон Жамоатининг асосчиси – Ҳазрат Мирзо Ғулом Аҳмад а.с. нинг шаклида келди деб ишонишади.
У киши ҳар қандай гуруҳларнинг “Хилофат”ни ўрнатдик деб айтганликлари ҳақида шундай деди: “Хилофат тўғридан-тўғри пайғамбарликка боғлиқ нарса”. У: “биз Хилофатни ўрнатдик” деб яқинда айтган экстремист гуруҳлар ҳеч қандай пайғамбарликка эргашмайдилар, тилакка қарши улар энг юқори даражадаги зулум, адолатсизлик ва ваҳшийлик қилмоқдалар”, деб айтди.
Аҳмадия Мусулмон Жамоати етакчилик қилаётган Хилофат тизими ҳақида тўхталиб, у киши шундай деди:
“бу Мавъуд Масиҳ ва Имом Маҳдий а.с. га эргашган ҳақиқий Хилофатдир”.
Аҳмадия Мусулмон Жамоатининг 5-халифаси сифатидаги ўзининг мақоми тўғрисида Ҳазрат Мирзо Масрур Аҳмад а.б.а. шундай деди:
“Мен халифа бўлишимни ҳеч қачон хоҳламаганман. Аммо мен отимни одамларнинг қалбига солган Аллоҳнинг буйруғи билан бу хизматни олишга мажбур бўлдим”.
Одамзотга энг катта хавф-хатар нима эканлиги деган саволга жавоб бераётиб, Ҳазрат Мирзо Масрур Аҳмад а.б.а. шундай деди:
“Бугунги кунда одамзот билан Аллоҳ таолонинг ўртасидаги ораликнинг кўпайиб боришини энг катта хавф-хатар деб ўйлайман. Биз инсоф билан адолатнинг камайганини ва зулм билан нафратнинг кўпайганини кўрмоқдамиз. Мана шундай хатти-ҳаракат ва йўналиш Аллоҳ таолонинг азобига олиб бориши мумкин”.
Сиз немисларга қандай тилакни тилайсиз деган саволга жавобан, Ҳазрат Мирзо Масрур Аҳмад а.б.а. шундай деди:
“Мен айтмоқчиманки, немис қавми Европанинг иттифоқини сақлаш ва қувватлашда ўзининг ролини бажориб туриши керак. Агарда шундай бўлса, яхши ривожланади. Шу сабабдан, Гермония бу континентнинг бутунлиги ва иттифоқини қўриқлаши учун ҳаракат қилиши керак. Энг яхшиси, немисларда “сабр-тоқатлилик” деган энг яхши хусусият бор ва улар бу сифатни давом эттириши ҳамда уни янада яхшилашлари керак.”
(Халқаро Аҳмадия Мусулмон Жамоати редакцияси котиби)