Англиянинг 51-Жалса Солонаси Ҳазрат Мирзо Масрур Аҳмад мурожаатлари билан ниҳоясига етди
2017-йилнинг 30-июль дам олиш куни Англиядаги Аҳмадия Мусулмон Жамоатининг 51-Жалса Солонаси (Йиллик Йиғин) Аҳмадия Мусулмон Жамоатининг Бутун дунё Раҳнамоси, Масийҳи Мавъуд ва Имом Маҳдий – Ҳазрат Мирзо Ғулом Аҳмад (алайҳиссалом)нинг 5-Халифаси Ҳазрат Мирзо Масрур Аҳмаднинг (Аллоҳ таоло у зотга Ёрдамчи бўлсин) кучли ва иймонларни кучайтирувчи мурожаатлари билан ниҳоясига етди.
Алтон, Ҳэмпширдаги “Ҳадийқатул-Маҳдий” (Маҳдий боғи) номли жойда бўлиб ўтган Жалса Солонага 37,000дан зиёд одамлар қатнашди.
Унга қатнашган Аҳмадий мусулмонлардан ташқари кўплаб ғайриаҳмадий ва ғайримусулмон меҳмонлар ҳам иштирок этишди. Мазкур тадбирнинг барчаси МТА Интернейшнал (Халқаро Аҳмадия Мусулмон Телевидениеси) дан бевосита намойиш этилди.
Уч кунлик Жалса Солонанинг ўзига хос воқеаларидан бири – бу дам олиш куни бўлиб ўтган “Байъат” деб таниладиган аҳд қилиш тадбири, унда иштирок этганлар Масийҳи Мавъуд ва Имом Маҳдий – Ҳазрат Мирзо Ғулом Аҳмад (алайҳиссалом)нинг 5-Халифаси Ҳазрат Мирзо Масрур Аҳмаднинг (Аллоҳ таоло у зотга Ёрдамчи бўлсин) қўлларига Байъат (аҳд) қилишди. Иштирок этганлар Халифагача одамлардан иборат занжирни тузиб, аҳд сўзларини бирга такрорлашди.
Тадбир бошида у киши ўтган бир йил ичида ер юзидан 600,000дан зиёд одам Аҳмадия Мусулмон Жамоатига аъзо бўлиб кирди, деб билдирдилар. У киши ҳозир Аҳмадия Мусулмон Жамоати дунёдаги 210 мамлакатда тузилган, деб ҳам эълон қилдилар.
Ўзининг хулосаловчи мурожаатларида Ҳазрат Мирзо Масрур Аҳмад дунёдаги кўпчилик жойларда Ислом дини тўғрисида тарқалаётган нотўғри маълумотларнинг сабаблари ва Аҳмадия Мусулмон Жамоати ўша ёлғон бўҳтонларга қандай жавоб қайтараётгани ҳақида сўз юритдилар.
Ҳазрат Мирзо Масрур Аҳмад шундай дедилар:
“Дунё бўйича биз – Аҳмадий мусулмонлар олдига чиқиб, Ислом динининг ҳақиқий тинчлик хабарини айтаётганимизда, улар лол қолишади. Одамлар Ислом ҳақиқатда нимани тавсия қилишини билганда, жуда ҳам лол қолишади, чунки илгари улар биргина оммавий ахборот воситалари орқалигина маълумот олиб келишган. Бахтга қарши, ахборот воситаларининг кўпчилиги экстремистларнинг бир кичик озчилиги амалга оширган ишларигагина диққат қилиб, Худо сақласин, Исломни қандайдир бир зўравонлик дини сифатида тасвирлаб, натижада Африканинг то олис ҳудудларида яшаганларгина эмас, Америка сингари ривожланган давлатларда яшаганлар ҳам Ислом тўғрисида нотўғри ўй-фикрларни билдиришади”.
Ҳазрат Мирзо Масрур Аҳмад шундай деб давом этдилар:
“Ҳақиқатда, ҳар доим Ислом таълимотлари дунёдаги тинчликнинг ҳақиқий кафолати бўлади. “Ислом” сўзма-сўз “тинчлик” ва “хавфсизлик” деган маънони билдиради, шунинг учун мусулмонларга ҳаётнинг барча жабҳаларидаги одамларга тинчликни ифодаловчи таълими ўргатилади. Ислом дини эътиқодга, миллатга ёки ирққа асосланган барча тафовутларни қоралайди ва барча одамларга қаерда туғилганига қарамай, тенг ҳуқуқли бўлиб туғилишлари ҳақида айтади. Ҳақиқатда, Севимли Пайғамбаримиз Муҳаммад (саллаллоҳу алайҳи ва саллам) кескин турда ҳеч бир араб ажамдан устун эмас ва ҳеч қандай ирқ ёки миллатлар ўртасида фарқ йўқ, деб эълон қилганлар”.
Ҳазрат Мирзо Масрур Аҳмад шундай деб қўшимчаладилар:
“Ислом дини бўйича Аллоҳ таоло ҳар бир қавмга пайғамбарларни юборган ва мусулмонлар Аллоҳ таолонинг барча пайғамбарларига ишонишади. Бу долзарб нарса Исломнинг дин эркинлиги ва сабрлиликка бўлган бурчлари билан ҳеч бир бошқа дин беллаша олмаслигини кўрсатади. Бахтга қарши, бошқа диндаги одамлар Севимли Пайғамбаримиз Муҳаммад (саллаллоҳу алайҳи ва саллам)га қарши сўзлашлари мумкин, бироқ мусулмон киши ҳар доим бошқа барча динларнинг асосчилари ва пайғамбарларини ҳурмат қилишга ва уларга иймон келтиришга масъул ва ҳеч қачон уларга қарши сўзлай олмайди. Бошқа одамлар Севимли Пайғамбаримиз Муҳаммад (саллаллоҳу алайҳи ва саллам)га қарши ёмон сўзлар айтаётган бир пайтда мусулмонлар бошқа динларнинг пайғамбарлари ва асосчиларига тинчлик саломларини йўллаётган бўлишади. Бу – ҳақиқий Ислом дини”.
Ислом динининг диний сабрлилик ҳақидаги таълимотларини яна изоҳлаётиб, Ҳазрат Қуръони Каримнинг 6-сураси 109-оятини келтирдилар:
“Улар Аллоҳни қўйиб, ўрнига илтижо қиладиганларни сўкманглар. Акс ҳолда, улар адоват йўли билан жаҳолатларидан Аллоҳни сўкадилар. Биз ҳар бир қавмга амалларини чиройли қилиб кўрсатиб қўйганмиз. Сўнгра уларнинг қайтиши ўзларининг Парвардигоригагинадир. Шунда У уларни ўзлари қилиб юрган амлларидан огоҳ қилади”.
Ислом дини номи билан амалга оширилган ўзларининг нафратомуз террористик қилмишларини оқлашга ҳаракат қилганларни йўққа чиқариб, Ҳазрат шундай дедилар: Қуръони Карим кескин равишда динда қандайдир бир зўравонлик йўқ деб айтган. У киши шундай дедилар: Аллоҳ таоло Севимли Пайғамбаримиз Муҳаммад (саллаллоҳу алайҳи ва саллам)га қарши Ислом динини ёйиш учун ўзгача бир куч ёки зўравонлик кўрсатишни ман этгандан сўнг Муҳаммад Пайғамбар (саллаллоҳу алайҳи ва саллам)га берилмаган рухсат қандайдир мусулмонга берилиши мумкинми?
Ўз мурожаатларида Ҳазрат қурол-яроғ сотиш савдосини танқид қилиб шундай дедилар: Ғарб кучлари баъзи бир мусулмон давлатларига қурол сотиш ёки баъзи бир исёнчи гуруҳларни қурол-яроғ билан таъминлаш билан мусулмон дунёсида урушларни оловлантирмоқда.
Ҳазрат шундай дедилар: мусулмон давлатлари ўз ерини яксон қилувчи оғир қурол-яроғларни ишлаб чиқариш салоҳиятига эга эмас, улар чет давлатлардан ташилмоқда. Бундай қурол-яроғлар террористлар ва экстремистларнинг қўлига ўтиб, талон-тарож билан вайронага олиб келмоқда.
Ҳазрат нима учун дастлабки даврдаги мусулмонлар жангларга қатнашган деб савол берганларга ҳам атрофлича жавоб қайтардилар. Ҳазрат шундай деб тушундирдилар: Севимли Пайғамбаримиз Муҳаммад (саллаллоҳу алайҳи ва саллам) ва у зот (саллаллоҳу алайҳи ва саллам)нинг тўрт Халифалари даврида қилинган барча жанглар дунёдаги дин эркинлиги усулларини ҳимоялаш учун қилинган жанглар бўлган.
Ҳазрат Мирзо Масрур Аҳмад шундай дедилар:
“Ислом дунё тинчлигини яксон қилувчи дин ёки у бошқа динларнинг ибодатхоналарини яксон қилмоқда деб айтиш ҳар томонлама нотўғри. Бундай нопок ишлар билан шуғулланганлар, масалан, черковлар ёки маълум тарихий диний муассасаларни яксон қилаётганлар бутунлай Ислом таълимотларига қарши амалларни қилишмоқда. Мен очиқдан-очиқ айтиб қўяй: Аллоҳ таоло уларни жаннат билан мукофотламайди, унинг ўрнига бундай ёмон ишлар билан шуғулланганларни дўзахга солади”.
Ўз мурожаатларини якунлаб, Ҳазрат шундай дедилар: фақат Ислом динигина дунё муаммоларини ҳал қилиш йўл-йўриқларини кўрсатган.
Ҳазрат Мирзо Масрур Аҳмад шундай дедилар:
“Дунё ер юзида тинчлик ўрнатиш учун барча дунё харажатлари ва схемаларини фойдаланиб бўлган, бироқ, бахтга қарши, бу иш-чораларнинг барчаси натижасиз бўлиб чиқди. Аксинча, биз бебошлик, нафрат ва тўс-тўполон кучайиб бораётганини кўрмоқдамиз. Ҳақиқатда, дунё жамоатчиликдаги барча даражаларда Ислом динининг меҳрибонлик ва адолатлилик деган ҳақиқий усулларини тутмагунча тинчликка эриша олмайди. Тинчлик ўрнатишнинг йўл-йўриқлари – бу Аллоҳ таолони таниш ва инсониятга хизмат қилиш”.
Жалса Солона Ҳазрат қўл кўтариб, олиб борган дуо билан ниҳоясига етди.
Уч кунлик йиғилиш оралиғида Ҳазрат беш марта мурожаат уюштирдилар ва бир гуруҳ бошқа уламолар Ислом динининг ҳақиқий таълимотларини тушунтирувчи мурожаатларни амалга оширишди.
Якуни
Қўшимча маълумот учун: press@ahmadiyya.org.uk
Манзил: 22 Deer Park Road, London, SW19 3TL UK
Tel/Fax: 020 8544 7613 Mob: 077954 90682
Email: press@ahmadiyya.org.uk
Press Secretary AMJ International
(Халқаро Аҳмадия Мусулмон Жамоати редакцияси котиби)