Ваъда қилинган Масийҳ ва Маҳдий Ҳазрат Мирзо Ғулом Аҳмад Қодиёний (алайҳиссалом)нинг набиралари ва тўртинчи халифаси Ҳазрат Мирзо Тоҳир Аҳмад (раҳимаҳуллоҳ) 1928 йил 18-декабрь куни Қодиёнда (Ҳиндистон) таваллуд топганлар. Оталари исмлари Ҳазрат Мирзо Башируддин Маҳмуд Аҳмад (разияллоҳу анҳу) ва оналари исмлари Ҳазрат Саййида Марям Бегам хоним эди.

1949 йили Жомия Аҳмадияга ўқишга кириб, 1953 йили «шоҳид» деган  дипломга эга бўлдилар. 1955 йили қўшимча ўқиш учун Лондонга бориб, 1957 йили Покистонга қайтиб келиб, диний хизматлар билан банд бўлдилар.

Ул зот Ҳазрат Ҳофиз Мирзо Носир Аҳмад (раҳимаҳуллоҳ) вафотларидан кейин 1982 йил 10 июнда Ваъда қилинган Масийҳ ва Маҳдий Ҳазрат Мирзо Ғулом Аҳмад (алайҳиссалом)нинг тўртинчи халифаси бўлиб сайландилар.

У зот ёзган баъзи китоблари қуйидагидир: «Дин номидан қон тўкиш?», «Ибн Марям вафотлари», «Исломнинг замонавий муоммаларга муносабати», «Исломнинг ўзига хос баъзи бир хусусиятлари», «Ваҳий-илҳом, Ақл, Билим ва Ҳақиқат», «Қуръони Карим таржимаси» ва ҳ.к.

Покистон ҳукумати томонидан Аҳмадия Мусулмон Жамоатига қарши чиқарилган баъзи золимона қонунлар туфайли ул зот 1984 йил 30-апрель куни Покистондан Лондонга ҳижрат қилдилар. Бу киши 1982 йили халифа бўлиб сайланганларида, Аҳмадия Мусулмон Жамоати ер юзининг 80 мамлакатида ташкил топган эди ва у зот 2003 йил 19-апрелда вафот этганларида Аҳмадия Мусулмон Жамоати Аллоҳ таолонинг ўзига хос нусратлари ила дунёдаги 175 давлатда қоим бўлиб қолган эди.