АЛЛОҲНИНГ РАҲМАТИДАН УМИДИНГИЗНИ УЗМАНГЛАР, АЛЛОҲ ТАОЛО БАРЧА ГУНОҲЛАРНИ КЕЧИРИБ ЮБОРАДИ

Ваъда қилинган Масийҳ ва Маҳдий Ҳазрат Мирзо Ғулом Аҳмад (алайҳиссалом) шундай деб марҳамат қиладилар:قُلۡ یٰعِبَادِیَ الَّذِیۡنَ اَسۡرَفُوۡا عَلٰۤی اَنۡفُسِہِمۡ لَا تَقۡنَطُوۡا مِنۡ رَّحۡمَۃِ اللّٰہِ ؕ اِنَّ اللّٰہَ یَغۡفِرُ الذُّنُوۡبَ جَمِیۡعًاАйт: «Эй, ўзларингизга ноҳақлик қилган бандаларим, сизлар Аллоҳнинг раҳматидан ноумид бўлманглар. Албатта, Аллоҳ барча гуноҳларингизни кечириб юборади». («Аз-Зумар» сураси, 54-оят)

Энди бу оятда таржимаси «Айт: «Эй, Аллоҳнинг бандалари!» бўлган  قُلْ يٰعِبَادِاللّٰہِ  деган сўзлар ўрнига, маъноси «Айт: «Эй, бандаларим!» бўлган قُلْ يٰعِبَادِى деган сўзларни ишлатди. Бундай тарзда сўзлашда сир шуки, бу оят Аллоҳ таоло чексиз раҳматлар хушхабарини бериши ва гуноҳларнинг кўплигидан қалблари эзилганларга таскин ато этиши учун нозил бўлган. Бас, Аллоҳ таоло ушбу оятда Ўз раҳматлари намунасини тақдим этишини ва бандасига Ўзининг содиқ бандаларига қанчаллик алоҳида ажр-мукофотлар ато этишини кўрсатмоқчи. Шунинг учун У «Қул ё иъбодий» (айт: эй, бандаларим) калимаси билан шуни ифодалади: «Қаранг! Мана бу суюкли Пайғамбарим. Қаранг! Бу танланган бандам, у комил итоат туфайли қай даражага эришдики, энди Меники бўлган нарсаларнинг барчаси уникидир. Нажот топишни истаган инсон у зотга қул бўлиб қолсин. Яъни, у зотнинг гўё қули бўлганидек, у зот итоатига шунчалик берилиб кетсин. Шунда у илгари қанчалик гуноҳкор бўлмасин, кечириб юборилади».

(«Ойна Камолоти Ислом», «Руҳоний Хазоин», 5-жилд, 189-190-бетлар)