АРАБ ДАВЛАТЛАРИ ҲАЛИ ҲАМ КЎЗЛАРИНИ ОЧИБ, БИРДАМЛИКНИ ЎРНАТИШГА ҲАРАКАТ ҚИЛИШЛАРИ КЕРАК, АКС ҲОЛДА НАФАҚАТ ФАЛАСТИН, БАЛКИ БОШҚА АРАБ ДАВЛАТЛАРИ ҲАМ ОҒИР ҚИЙИНЧИЛИКЛАРГА ДУЧ КЕЛАДИ

Ҳазрат Имом Маҳдий (алайҳиссалом)нинг 5-халифаси, Ҳазрат Мирзо Масрур Аҳмад (аййадаҳуллоҳу таоло би-насриҳил азиз) 2025-йил 7-феврал куни ўқиган жума хутбалари охирида дуо қилишга даъват этиб, шундай дедилар:

«Мен дунёдаги вазият учун дуо қилишга чорлаб тураман. Мусулмонлар учун, хусусан, фаластинликлар учун ва умуман мусулмон дунёси ҳақига кўп-кўп дуо қилинг. Одамлар: «Ўт очиш тўхтаб қолди, энди вазият яхшиланса керак», – деб ўйлаб хурсанд бўлмоқдалар гўё. Лекин (вазият) кундан-кунга ёмонлашмоқда. Американинг янги президентининг сиёсати ва иш-режалари зулмнинг яна бир чўққисига етди. Аввалроқ америкаликлар бу (киши) бизнинг давлатимиз учун хавфли, ташқи дунёга аралашмайди, дейишган бўлса, энди бу (киши) бутун дунё учун хавфли бўлиб қолди. Аллоҳ таоло фаластинликларга раҳм қилсин, дунёга (ҳам) раҳм қилсин ва (барчаси) бундан сақланиб турсин. Араб давлатлари ҳали ҳам кўзларини очиб, бирлик яратишга ҳаракат қилишлари керак. Бундан ўзга чора йўқ. Акс ҳолда нафақат Фаластин, балки бошқа араб давлатлари ҳам оғир қийинчиликларга дуч келади.

Тўғри, ҳозир баъзи ғайримусулмонлар томонидан ҳам фаластинликларга бўлаётган зулмга қарши овозлар кўтарила бошлади. Аммо қудратли эса ҳозирда ўз кучи билан бутунлай маст бўлиб, ҳеч кимни тинглашни хоҳламайди. Бас, мусулмонлар жуда кўп диққат-эътибор беришлари керак ва биз улар учун дуо қилишимиз керак. Бизда бошқа ҳеч қандай куч йўқ.

Шунингдек, Покистондаги Аҳмадийлар учун ҳам дуо қилинг, уларнинг вазияти ҳам баъзи кунларда мухолифат туфайли жуда оғирлашиб кетади.

Бангладешдаги Аҳмадийлар учун ҳам дуо қилинг. Аллоҳ таоло уларни ҳар хил қаршиликлар ва ҳужумлардан асрасин.

Бошқа жойлардаги мазлумлар учун ҳам дуо қилинг, мазлум Аҳмадийлар учун (ҳам) дуо қилинг. Аллоҳ таоло барчаларини ўз паноҳида асрасин, дунёга ақл-фаросат берсин ва барчаларини тинчлик ўрнатишга йўналтирсин. Аллоҳ таоло бизларга (ҳам) дуо қилиш тавфиқини берсин. (Омин)