1. ЭНГ ЕТУК ВА МУКАММАЛ ДУО – «АЛ-ФОТИҲА» СУРАСИ

Расулуллоҳ саллаллоҳу алайҳи ва саллам «Ал-Фотиҳа» сураси Қуръони Каримнинг энг афзали эканлигини айтдилар. (Ҳоким: «Ал-Мустадрак». 1-жилд, 747-бет)

Расулуллоҳ саллаллоҳу алайҳи ва салламга ваҳий орқали маълум қилинганки, олдин ҳеч бир пайғамбарга ато этилмаган энг комил дуо «Фотиҳа» ва «Бақара» сурасининг охирги оятларидир. Кимки бу дуолар орқали Аллоҳ таолодан сўраса, унинг дуоси ижобат бўлади. («Саҳиҳ Муслим», Китобу салотил-мусофирийна ва қасриҳо, Бобу фазлил-Фотиҳа)

Бир ҳадиси қудсийда Аллоҳ таоло марҳамат қилади: «Мен намозни Ўзим билан бандам ўртасида тақсимладим. Менинг бандам учун ушбу дуода сўралганнинг барчаси унга, албатта, берилади». («Саҳиҳ Муслим», Китобус-Салот, Бобу вужуби қиратил-Фотиҳа)بِسۡمِ اللّٰہِ الرَّحۡمٰنِ الرَّحِیۡمِ ﴿۱﴾ اَلۡحَمۡدُ لِلّٰہِ رَبِّ الۡعٰلَمِیۡنَ ۙ﴿۲﴾  الرَّحۡمٰنِ الرَّحِیۡمِ ۙ﴿۳﴾ مٰلِکِ یَوۡمِ الدِّیۡنِ ؕ﴿۴﴾ اِیَّاکَ نَعۡبُدُ وَاِیَّاکَ نَسۡتَعِیۡنُ ؕ﴿۵﴾  اِہۡدِنَا الصِّرَاطَ الۡمُسۡتَقِیۡمَ ۙ﴿۶﴾ صِرَاطَ الَّذِیۡنَ اَنۡعَمۡتَ عَلَیۡہِمۡ ۬ۙ غَیۡرِ الۡمَغۡضُوۡبِ عَلَیۡہِمۡ وَلَا الضَّآلِّیۡنَ ﴿٪۷Таржимаси:

Беқиёс раҳм қилгувчи, сўрамасдан бергувчи (ва) қайта-қайта раҳм қилгувчи Аллоҳ номи билан. Барча ҳамду санолар бутун оламлар Парвардигори бўлмиш Аллоҳ учундир. Беқиёс раҳм қилгувчи, сўрамасдан бергувчи (ва) қайта-қайта раҳм қилгувчидир. Жазою мукофот кунининг Хожасидир. Фақат Сенгагина ибодат қиламиз ва Сендангина мадад сўраймиз. Бизни тўғри йўлга бошлагин — Сен инъом қилган, ғазабга дучор қилинмаган ҳамда адашмаган зотларнинг йўлига.