{"id":18810,"date":"2022-12-05T08:25:35","date_gmt":"2022-12-05T08:25:35","guid":{"rendered":"https:\/\/www.ahmadiyya-islam.org\/al\/?post_type=articles&p=18810"},"modified":"2022-12-05T08:32:02","modified_gmt":"2022-12-05T08:32:02","slug":"bota-eshte-burg-per-besimtarin-dhe-parajse-per-jobesimtarin","status":"publish","type":"articles","link":"https:\/\/www.ahmadiyya-islam.org\/al\/artikuj\/bota-eshte-burg-per-besimtarin-dhe-parajse-per-jobesimtarin\/","title":{"rendered":"Bota \u00ebsht\u00eb burg p\u00ebr besimtarin dhe parajs\u00eb p\u00ebr jobesimtarin!"},"content":{"rendered":"

[Nj\u00eb musliman nga Kanadaja e pyeti Hazret Kalifin e V t\u00eb Xhematit Musliman Ahmedia (Allahu e ndihmoft\u00eb fuqimisht), se cil\u00ebt vuajn\u00eb n\u00eb k\u00ebt\u00eb bot\u00eb, jo-besimtar\u00ebt apo besimtar\u00ebt. Kalifi i nderuar dha p\u00ebrgjigjen e m\u00ebposhtme]<\/em><\/p>\n

Prij\u00ebsi dhe M\u00ebsuesi yn\u00eb, Profeti i Shenjt\u00eb Muhamedi s.a.v.s, e shpjegoi k\u00ebt\u00eb tem\u00eb me urt\u00ebsi t\u00eb plot\u00eb me fjal\u00ebt e m\u00ebposhtme:<\/p>\n

\u201cBota \u00ebsht\u00eb burg p\u00ebr besimtarin dhe parajs\u00eb p\u00ebr jobesimtarin\u201d. <\/b>(Sahihu i Muslimit)<\/i><\/p><\/blockquote>\n

\u201cMe k\u00ebto fjal\u00eb gjith\u00ebp\u00ebrfshir\u00ebse, Profeti i Shenjt\u00eb a.s na ka shpjeguar se besimtari heq dor\u00eb nga d\u00ebshirat e k\u00ebsaj bote, d\u00ebshira t\u00eb cilat Allahu i ka shpallur t\u00eb ndaluara ose t\u00eb pad\u00ebshiruara. P\u00ebr t\u00eb arritur p\u00eblqimin e Allahut t\u00eb Lart\u00ebsuar dhe p\u00ebr t\u00eb treguar bindje ndaj Tij, besimtari p\u00ebrpiqet shum\u00eb dhe i duron v\u00ebshtir\u00ebsit\u00eb. N\u00eb k\u00ebt\u00eb kuptim, kjo bot\u00eb duket sikur b\u00ebhet nj\u00eb burg p\u00ebr t\u00eb.<\/p>\n

Mir\u00ebpo, kur ai vdes, si rezultat i sakrific\u00ebs s\u00eb tij t\u00eb p\u00ebrkohshme, atij i jepet leht\u00ebsim i p\u00ebrhersh\u00ebm nga k\u00ebto vuajtje e v\u00ebshtir\u00ebsi n\u00eb jet\u00ebn e p\u00ebrhershme t\u00eb bot\u00ebs tjet\u00ebr dhe shpallet trash\u00ebgimtar i bekimeve t\u00eb p\u00ebrjetshme q\u00eb i kishte premtuar Zoti i Madh\u00ebrish\u00ebm.<\/p>\n

N\u00eb an\u00ebn tjet\u00ebr, jobesimtari i shp\u00ebrfill urdh\u00ebrat e Zotit t\u00eb Madh\u00ebrish\u00ebm dhe p\u00ebrfiton nga dispozitat e p\u00ebrkohshme t\u00eb k\u00ebsaj bote, pavar\u00ebsisht n\u00ebse jan\u00eb t\u00eb lejuara apo t\u00eb ndaluara, dhe e shikon k\u00ebt\u00eb bot\u00eb si parajs\u00ebn. Rrjedhimisht, kur t\u00eb vdes\u00eb, ai mund t\u00eb p\u00ebrballet me nd\u00ebshkimin hyjnor n\u00eb jet\u00ebn e p\u00ebrhershme t\u00eb ahiretit p\u00ebr veprat e tij t\u00eb k\u00ebqija q\u00eb ka b\u00ebr\u00eb n\u00eb k\u00ebt\u00eb bot\u00eb.<\/p>\n

Prandaj, \u00ebsht\u00eb e nevojshme q\u00eb nj\u00eb besimtar i v\u00ebrtet\u00eb t\u00eb kujtoj\u00eb gjithmon\u00eb se jeta e k\u00ebsaj bote \u00ebsht\u00eb n\u00eb fakt kalimtare dhe po ashtu edhe vuajtja e saj. Allahu i Lart\u00ebsuar ua largon vuajtjet e jet\u00ebs s\u00eb p\u00ebrhershme t\u00eb ahiretit atyre q\u00eb vuajn\u00eb n\u00eb k\u00ebt\u00eb jet\u00eb t\u00eb p\u00ebrkohshme.<\/p>\n

Prandaj, n\u00eb nj\u00eb hadith p\u00ebrmendet se \u00e7far\u00ebdo shqet\u00ebsimi q\u00eb vuan nj\u00eb besimtar n\u00eb k\u00ebt\u00eb bot\u00eb, qoft\u00eb edhe nj\u00eb gjemb q\u00eb e shpon gjat\u00eb ecjes, Allahu i Lart\u00ebsuar ia sh\u00ebnon atij si shp\u00ebrblim ose i fal m\u00ebkatet. (Sahihu i\u00a0 Muslimit)<\/p>\n

Allahu i Lart\u00ebsuar i sprovon m\u00eb s\u00eb shumti t\u00eb dashurit e Tij me v\u00ebshtir\u00ebsit\u00eb e k\u00ebsaj bote. Prandaj, Profeti i Shenjt\u00eb s.a.v.s ka th\u00ebn\u00eb se n\u00eb mesin e njer\u00ebzve m\u00eb s\u00eb shumti u sprovuan Profet\u00ebt, e m\u00eb pas, sipas grad\u00ebs s\u00eb tyre, u sprovuan edhe pjesa tjet\u00ebr e njer\u00ebzve.<\/p>\n

Hazret Aishja r.a thot\u00eb:<\/p>\n

\u201cKurr\u00eb nuk kam par\u00eb dik\u00eb t\u00eb vuaj\u00eb m\u00eb shum\u00eb se i D\u00ebrguari i Allahut.\u201d (Sahihu i Buhariut)<\/p><\/blockquote>\n

K\u00ebshtu, ne e dim\u00eb se shum\u00eb nga f\u00ebmij\u00ebt e tij vdiq\u00ebn, edhe pse humbja e nj\u00eb f\u00ebmije mund t\u00eb jet\u00eb shkak p\u00ebr pik\u00ebllim t\u00eb madh.<\/p>\n

Mesihu i Premtuar a.s thot\u00eb:<\/p>\n

\u201cN\u00eb Kuranin e Shenjt\u00eb, jan\u00eb k\u00ebto vargje:<\/p>\n

\u00a0\u201c<\/b>\u00c7dokush nga ju, do t\u00eb bjer\u00eb n\u00eb zjarr. Zoti yt k\u00ebt\u00eb e ka marr\u00eb p\u00ebrsip\u00ebr si vendim t\u00eb prer\u00eb. Pastaj do t\u00eb shp\u00ebtojm\u00eb ata q\u00eb pat\u00ebn druajtje, kurse keqb\u00ebr\u00ebsit do t\u2019i l\u00ebm\u00eb t\u00eb gjunj\u00ebzuar n\u00eb t\u00eb\u201d<\/b>.(Kurani 19:72-73)<\/p><\/blockquote>\n

N\u00eb fakt, k\u00ebto ajete i referohen edhe atributit t\u00eb lart\u00ebsuar t\u00eb zulumijetit (d.m.th. mosp\u00ebrfillja e pasojave t\u00eb p\u00ebrmbushjes s\u00eb misionit t\u00eb dikujt). Kuptimi i k\u00ebtyre vargjeve \u00ebsht\u00eb si vijon:<\/p>\n

\u201cNuk ka asnj\u00eb njeri prej jush q\u00eb nuk do t\u00eb hyj\u00eb n\u00eb zjarr. Ky \u00ebsht\u00eb nj\u00eb premtim q\u00eb Zoti yt ia ka b\u00ebr\u00eb obligim Vetes q\u00eb ta p\u00ebrmbush\u00eb. Pastaj thot\u00eb, pasi i hedhim n\u00eb at\u00eb zjarr, Ne i shp\u00ebtojm\u00eb t\u00eb drejt\u00ebt dhe i l\u00ebm\u00eb keqb\u00ebr\u00ebsit (d.m.th., ata q\u00eb jan\u00eb idhujtar\u00eb dhe rebel\u00eb), n\u00eb xhehenem\u201d.<\/p>\n

N\u00eb k\u00ebto ajete, \u00ebsht\u00eb th\u00ebn\u00eb se as t\u00eb drejt\u00ebt nuk jan\u00eb t\u00eb p\u00ebrjashtuar nga prekja e nj\u00eb zjarri t\u00eb caktuar (nar<\/em>). Kjo th\u00ebnie n\u00ebnkupton se t\u00eb drejt\u00ebt, me trim\u00ebri t\u00eb madhe, hidhen n\u00eb zjarr n\u00eb m\u00ebnyra t\u00eb ndryshme pik\u00ebrisht n\u00eb k\u00ebt\u00eb bot\u00eb, e cila \u00ebsht\u00eb nj\u00eb vend sprove. Ata hidhen n\u00eb k\u00ebt\u00eb zjarr flak\u00ebrues p\u00ebr hir t\u00eb Zotit. T\u00eb gjitha llojet e sprovave i godasin n\u00eb form\u00ebn e zjarrit; ata jan\u00eb t\u00eb persekutuar dhe u \u00ebsht\u00eb shkaktuar dhimbje dhe i kan\u00eb goditur tronditje aq t\u00eb m\u00ebdha sa askush p\u00ebrve\u00e7 tyre nuk mund t’i p\u00ebrballoj\u00eb tronditje t\u00eb tilla.<\/p>\n

P\u00ebr m\u00eb tep\u00ebr, p\u00ebrmendet edhe n\u00eb nj\u00eb hadith autentik se edhe ethet nga t\u00eb cilat vuan nj\u00eb besimtar jan\u00eb nga zjarri i xhehenemit. Besimtari, p\u00ebr shkak t\u00eb etheve dhe mundimeve t\u00eb tjera, vuan nj\u00eb pjes\u00eb t\u00eb atij zjarri pik\u00ebrisht n\u00eb k\u00ebt\u00eb bot\u00eb. M\u00eb pas, n\u00eb nj\u00eb hadith tjet\u00ebr thuhet se p\u00ebr besimtarin xheneti n\u00eb k\u00ebt\u00eb bot\u00eb shfaqet n\u00eb ngjashm\u00ebri me xhehenemin, v\u00ebshtir\u00ebsit\u00eb e skajshme n\u00eb rrug\u00ebn e Zotit t\u00eb Madh\u00ebruar i b\u00ebhen t\u00eb dukshme n\u00eb form\u00ebn e xhehenemit. K\u00ebshtu, kur ai hidhet n\u00eb \u201ck\u00ebt\u00eb\u201d ferr me k\u00ebnaq\u00ebsi, befas e gjen veten n\u00eb parajs\u00eb.<\/p>\n

Sprovat q\u00eb vijn\u00eb prej Zotit mbartin urt\u00ebsi aq t\u00eb shumta e t\u00eb thella, t\u00eb cilat ndonj\u00ebher\u00eb nuk jan\u00eb t\u00eb arritshme p\u00ebr intelektin njer\u00ebzor. K\u00ebshtu, njeriu duhet t\u00eb p\u00ebrpiqet t’i duroj\u00eb ato me durim dhe lutje. Mesihu i Premtuar a.s thot\u00eb:<\/p>\n

\u201cDisa her\u00eb urt\u00ebsia e Zotit nuk lejon q\u00eb njeriu t\u00eb arrij\u00eb disa nga q\u00ebllimet e caktuara n\u00eb k\u00ebt\u00eb bot\u00eb, dhe n\u00eb k\u00ebto raste, ai detyrohet t\u00eb p\u00ebrballet me lloj-lloj v\u00ebshtir\u00ebsish, disfatash, mundimesh, s\u00ebmundjesh e sprovash, por ai nuk duhet t\u00eb dekurajohet prej tyre.\u201d<\/p><\/blockquote>\n

LEXONI EDHE:<\/h2>\n