1) Fjala “zbukuruam” nuk do të thotë se Vetë Zoti bën që veprimet e liga të njeriut t’i duken të drejta, por do të thotë vetëm se Zoti e ka krijuar në mënyrë të tillë natyrën njerëzore që kur njeriu këmbëngul në kryerjen e një veprimi të caktuar, ai fiton një dëshirë për të dhe veprimi i tij fillon t’i duket i bukur në sytë e tij. Në fakt, në këtë ligj të Zotit qëndron edhe sekreti i përparimit të gjithanshëm të njeriut, të atij që e përdor në mënyrë të drejtë. Kështu që, në përputhje me këtë ligj të përgjithshëm, edhe idhujtarëve që këmbëngulin në idhujtari, fillon t’u pëlqejë adhurimi i idhujve.

2) Sipas mësimeve të Kuranit të Shenjtë, idhujt pavarësisht se nuk gëzojnë asnjë pozitë shpirtërore, Zoti e edukon muslimanin të frenojë gjuhën, të mos i shajë idhujt dhe të këshillojë me butësi idhujtarët, sepse mundet që edhe idhujtarët të nxehen dhe të fillojnë të shajnë Zotin dhe në këtë rast, do të ishte muslimani shkak i gjuhës së lig të idhujtarëve.