Pra, Zoti thotë – ata që janë larg Meje, si t’ua dëgjoj lutjen?! Me një fjalë, Zoti na mësoi një të vërtetë shpirtërore me një ligj të përgjithshëm të natyrës. Jo sepse Zoti nuk mund të dëgjojë. Përkundrazi, Ai na di edhe dëshirat tona më të fshehta, madje edhe ato që ende nuk kanë lindur, por këtu ky ajet, na tërheq vëmendjen për të qenë më afër Zotit, sepse zërat nga larg nuk dëgjohen qartë. Në këtë mënyrë, ai që është në shkujdesje dhe që mbetet i përfshirë në mosbindje e në veprime të pamoralshme, i largohet Zotit aq shumë, saqë mes tij e Zotit largësia vetëm shtohet, rrjedhimisht vetë gjendja e tij ia pamundëson pranimin e lutjeve të tij.