Gjëja e parë që na tërheq vëmendjen ky ajet është që askush nga njerëzit nuk ka monopol fjalën “muslim” a “musliman” (lexoni edhe shpjegimin te 49:12). Edhe para se të vinte feja Islame, Allahu i Madhërishëm kishte quajtur “muslimanë” Ibrahimin dhe popullin e tij. Pas kësaj, thotë se Hazret Profeti Muhammed ^s.a.v.s. është dëshmitar ose mbikëqyrës mbi të gjithë muslimanët dhe se muslimanët janë dëshmitarë mbi të gjithë njerëzit. Ashtu siç i Dërguari i Allahut ^s.a.v.s. kreu detyrën e të qenit dëshmitar gjatë jetës së tij, edhe muslimanët, duke e ndjekur atë, janë dëshmitarë për të tjerët. Pra, të jeni dëshmitarë, nuk do të thotë të bëni të tjerët muslimanë me zor si ta mendoni ju, sepse i Dërguari i Allahut ^s.a.v.s., si një dëshmitar, asnjëherë nuk bëri luftë për këtë synim dhe as nuk bëri me zor musliman dikë tjetër.