Ky ajet tregon se nuk është në praktikën e Zotit të ringjallë që në këtë botë dikë që ka vdekur. Edhe në hadith përmendet që kur Hazret Xhabiri ^r.a. ishte i pikëlluar për shkak të vdekjes së babait të tij, Profeti Muhammed ^s.a.v.s. i tha: “A të njoftoj ty se çfarë gjeti babai yt kur e takoi Allahun?” “Patjetër që po, o i Dërguari i Allahut”, iu përgjigj Xhabiri ^r.a.. Profeti ^s.a.v.s. i tregoi: Allahu e pyeti babanë tënd – Më kërko çfarë të duash se do ta jap! – Më ringjall, o Zot, që të vritem edhe një herë në rrugën Tënde” i kërkoi babai yt. Por Allahu i Madhërishëm i tha – Jo, Unë e kam dekretuar që “ata (pasi të vdesin) nuk do të kthehen më!” (Tirmidhi, 3010). Në këtë hadith, i referohet pikërisht këtij ajeti të Kuranit. Prandaj, edhe ky ajet tregon se Hazret Isai ^a.s. i ringjallte të vdekurit shpirtërorë dhe jo ata që kishin ndërruar jetë, njësoj siç thuhet edhe për Profetin Muhammed ^s.a.v.s. në 8:25.