(Масиҳи Мавъуд ва Имом Маҳдий(ас)нинг 5-халифаси ва Аҳмадия Мусулмон Жамоатининг раҳбари

Таништириш

Ҳазрат Мирзо Масрур Аҳмад(аба) (Аллоҳ таоло унга Мададкор бўлсин) Аҳмадия Мусулмон Жамоатининг бешинчи халифаси (ўринбосари). У киши 2003 йилнинг 22 апрелида ҳаётининг охиригача ушбу вазифага сайланганлар. У киши дунёнинг 200 та давлатларига ёйилган, миллионлаб аъзолари бор халқаро диний жамоатнинг руҳоний ва маъмурий раҳбари сифатида хизмат қилиб келмоқда.

Тинчлик йўлида босган қадамлари

У киши дунёда тинчлик ва динлар ўртасида уйғунликни ривожлантириб келаётган машҳур инсон. Ўз хутбалари, мурожаатлари, китоблари ва ўз ташрифлари билан у киши тинимсиз Аллоҳ таолонинг ибодатига чорламоқда ва инсониятга хизмат кўрсатмоқда. У киши халқаро инсон ҳуқуқларини тикламоқда, жамиятда адолатни барқарор қилишига ва динни сиёсатдан ажратишга ҳам тинимсиз даъват қилиб келмоқда.

Халифа бўлиб сайланганидан бошлаб, у киши оммавий ахборот воситасида Исломнинг тинчлик хабарини етказишда халқаро хамжамиятни бошқариб келмоқда. Унинг раҳбарлигида Аҳмадия Мусулмон Жамоатининг турли давлатларда жойлашган марказлари Исломнинг соф ва тинчликпарвар таълимотларини акс эттириш йўлга қўйилган. Аҳмадий мусулмонлар дунё бўйлаб миллионлаб “тинчлик” варақаларини улашиши учун жон-жаҳди билан ҳаракат қилмоқдалар, динлар ўртасида конференциялар ва тинчлик симпозиумларини ўтказмоқдалар, шунингдек, Қуръони карим кўргазмаларини уюштиришиб, унинг ҳақиқий ва қимматбаҳо хабарларини етказмоқдалар. Ушбу ҳамжамиятлар халқаро оммавий ахборот воситаларидан жой олган ва Ислом дини тинчлик учун, инсониятнинг ўзи яшаётган давлатига нисбатан ҳақгўй бўлиши учун ва инсонларнинг бир-бирларига хизмат қилиши учун курашиши кераклигини овоза қилмоқда.

2004 йили у киши Миллий Тинчлик Конференциясини йўлга қўйди, унда ҳаётдаги турли тармоқ вакиллари тинчлик ва уйғунликни ривожлантириш мақсадида ўз фикр-мулоҳазаларини билдириш учун тўпланадилар. Мазкур мажлис ҳар йили кўплаб министрларни, депутатларни, сиёсатчиларни, диний раҳнамоларни ва бошқаларни ўзига жалб этмоқда. 2009 йили у киши “Тинчликни ривожлантириш учун Аҳмадия Мусулмон мукофоти” номли йиллик мукофотни жорий қилди. Бу тинчлик ва инсонпарварликка берилган ва хизмат қилган инсонларга ва гуруҳларга бериладиган халқаро мукофотдир.

Инсониятга хизмат қилиш

У киши инсониятга хизмат қилиш ишини ривожлантириш ва уларга қулайликларни яратиш мақсадида турли давлатларга сафар қилади. У киши тинимсиз президентлар, премьер-министрлар ва бошқа ҳукумат раҳбарлари, шунингдек, депутатлар ва давлат элчилари билан учрашувлар ўтказади.

У киши энди ривожланиб келаётган жамиятнинг муаммоларини енгиллаштириш, у давлатларнинг қишлоқ хўжалигини ривожлантириш, шунингдек, озиқ-овқат, тоза сув ва электр энергияси билан таъминланишига ёрдам беришга жуда ҳам қизиқади. У киши Аҳмадий архитекторлар ва муҳандис(инженер)ларнинг Халқаро Жамияти (IAAAE) бажараётган ишларини назорат қилади. Бу жамият дунёдаги қишлоқ жойларида олиб борилувчи турли гуманитар ва ривожлантирувчи лойиҳалар билан машғул. У кишининг раҳбарлигида ушбу ташкилотнинг таъсир доираси шиддат билан кенгайиб бормоқда. Яна у киши «Humanity First»

(Инсонпарварлик биринчи) номли жамғармага ҳам ёрдам кўрсатмоқда. Бу жамғарма офатлардан сақлаб-қутқарувчи ва ривожлантириш ишларини бажарувчи бепул ишлайдиган халқаро ташкилотдир.

У кишининг раҳбарлиги остида Аҳмадия Мусулмон Жамоати бир гуруҳ мактаблар ва шифохоналарни қурган. Улар қишлоқ ҳудудларининг яшаш шароитини яхшилаш йўлида муҳтожликларини қондиради. Аҳмадия Мусулмон Жамоати томонидан бошланган турли дастурлар орқали у киши ер юзида молиявий жиҳатдан қийналган талабаларга – улар қайси дин вакиллари бўлишидан қатъий назар, ўқиш ва қўшимча ўқиш бўйича моддий ёрдам кўрсатиб келади.

Аҳмадий Мусулмонлар билан алоқа-муносабатлар

У кишига ҳар куни ер юзидаги Аҳмадий мусулмонлар томонидан унинг раҳбарлиги ва дуолари сўралган минглаб мактублар келади. Шу хатларнинг барчасига жавоб қайтариш билан бирга у киши ҳар куни Жамоатнинг аъзолари билан ҳам учрашади.

Ҳар ҳафта у киши жума хутбасини ўқиб, унда ер юзидаги Аҳмадия Мусулмон Жамоатининг барча аъзоларига мурожаат қилади. У хутба МТА Интернейшнал орқали бутун дунёга тўғридан-тўғри эфир орқали кўрсатилади. МТА – бу Аҳмадия Мусулмон Жамоатининг спутник телевидениеси, у 1994 йили очилган ва турли тилларда олиб борилади. У киши турли мазмундаги масалалар бўйича Аҳмадий мусулмонларни тарбиялашда ўз хутбаларидан фойдаланади.

Босимларга жавоб қайтариш

2003 йили у киши сайлангандан кейин ўзининг Она Юрти Покистондан чиқиб кетишга мажбур бўлган. Покистон Конституцияси ва қонуни Аҳмадия Мусулмон Жамоатининг Ислом динига риоя қилишга ва ўзларини мусулмон деб айтишига қаршилик қилади. Бу диктаторлик қонунлар натижасида жарима солинади, қамоққа олинади ва ўлим жазосига ҳукм қилинади. Натижада қонун у кишини Жамоат раҳбари сифатида ўз бурчларини бажаришига қаршилик қилади ва шунинг учун ҳам у киши Покистонга қайтиб бора олмайди.

Ҳозирда Аҳмадий мусулмонлар диний жиҳатдан мусулмонларнинг сони кўп бўлган давлатларда сиқувга олинмоқда, шунга қарамай у киши турли қўзғолонларни олдини олган. Масалан, 2010 йилнинг 28 май куни Аҳмадия Мусулмон Жамоатига қарши чиққан террористлар Покистоннинг Лоҳўр шаҳридаги уларнинг икки масжидига ҳужум қилишган. Жума намоз вақтида 86 Аҳмадий мусулмон шаҳид бўлган, йигирмадан ортиқ одам жароҳат олган. Инсониятга қарши аввалдан режалаштирилган ҳамда раҳм- шавқатсизликка тўла ушбу қилмишга қарамай у киши ер юзидаги Аҳмадий мусулмонларга дуолар ўқиш ва бутунлай тинчлик йўли билан жавоб қайтаришни насиҳат қилган.

Шахсий ҳаёт йўли

У киши 1950 йилнинг 15 сетябрида Покистоннинг Рабваҳ шаҳрида Мирзо Мансур Аҳмад марҳум ва Носира Бегам Аҳмад марҳумалардан дунёга келган. У киши Покистоннинг Файсалобод шаҳридаги Аграр Университети магистратурасини 1977 йили битирган ва расмий тарзда ўз ҳаётини Исломга хизмат қилишга бағишлаган. 1977 йилдан бошлаб 1985 йилгача у киши Гана Республикасида хизмат қилиб, ижтимоий, ўқиш ва агрономия соҳасидаги ўсиб-ривожланиш дастурлари билан шуғулланган. Гана тарихида биринчи марта буғдойни муваффақият билан ўстириш мукофоти ҳам у кишига мансуб. У киши 1985 йили Покистонга қайтиб, кейинги 18 йил ичида Жамоатнинг турли юқори лавозимларида ишлаган. Бу давр мобайнида 1997 йилдан халифа бўлиб сайлангунига қадар Покистондаги Аҳмадия Мусулмон Жамоатининг раҳнамоси сифатида ҳам ишлаб келган.

У киши Англиянинг Лондон шаҳрида ўз рафиқаси Амт ул-Субуҳ Аҳмад билан биргаликда яшайди. Унинг икки фарзанди ва уч набираси бор.

У киши боғбонлик, ўқиш, суратга олиш ва пиёда юришга қизиқади.

Аҳмадия Мусулмон Жамоати ҳақида

Аҳмадия Мусулмон Жамоати мусулмонларнинг жуда тез ўсиб-ривожланувчи, Исломни қайтадан жонлантирувчи халқаро ҳаракати. Ҳиндистоннинг Қодиён деган қишлоғидан Ҳазрат Мирзо Ғулом Аҳмад(ас) 1889 йили мазкур Жамоатга асос солган. Аҳмадий мусулмонлар у(ас)ни кўпдан кутилган, Севимли Пайғамбаримиз Муҳаммад(сав) келишини башорат қилган Масиҳи Мавъуд ва Имом Маҳдий деб қабул қилганлар. Жамоатнинг ҳозирги маркази Ҳазрат Мирзо Масрур Аҳмад(аба) яшаётган Англиянинг Лондон шаҳрида жойлашган.

Аҳмадия Мусулмон Жамоати игна-ипигача ўз-ўзини таъминлайдиган диний уюшма, шунингдек унинг ҳеч қандай сиёсий мақсадлари ва манфаатлари йўқ.

Халифат ул-Масиҳ (Масиҳи Мавъуднинг Халифаси) Ҳақида

Қуръони Каримни тўғридан-тўғри Аллоҳнинг Каломи деб ишониб унга иймон келтириб, тақво йўлида юрувчи мусулмонларга “халифалик” деган инъоми билан мукофотланишига Аллоҳ таоло томонидан ваъда берилган. “Халифа” (руҳоний ўринбосар) пайғамбарининг ишини давом эттириш учун Аллоҳ таоло томонидан тайинланади.

Бугунги кунда Аҳмадия Мусулмон Жамоати “халифа” деб номланувчи ёлғиз раҳбар қўлида бирикккан дунёдаги яккаю ягона мусулмон Жамоат. “Халифат ул-Масиҳ” Масиҳи Мавъуд Ҳазрат Мирзо Ғулом Аҳмад(ас)га халифа (ўринбосар) бўлади. 1908 йили Ҳазрат Мирзо Ғулом Аҳмад(ас) вафот этгандан кейин, 1908 йилнинг 27 майида ислом динида “халифалик” бошқармаси қайта тикланган. 2008 йили Аҳмадия Мусулмон Жамоати халифаликнинг юз йиллик байрамини нишонлаган.

“Халифалик” институти (бошқармаси) Жамоатнинг ҳамжиҳатлигига, барқарорлигига, тартиблилигига, ўсиб-ривожланишига қурол бўлувчи тинчликка алоҳида урғу беради.

Ҳазрат Мирзо Масрур Аҳмад(аба) Аҳмадия Мусулмон Жамоатининг 5-халифаси. “Халифалик” ҳеч қандай авлоддан-авлодга ўтувчи институт бўлмаса ҳам, Ҳазрат Мирзо Масрур Аҳмад(аба) Аҳмадия Мусулмон Жамоатининг асосчиси – Ҳазрат Мирзо Ғулом Аҳмад(ас)нинг чевараси номи билан ҳам ўзгача ҳурмат қилинади.