Ҳазрат Мирзо Масрур Аҳмад Канаданинг Ллойдминстер шаҳрида янги масжид очди
Аҳмадия Мусулмон Жамоати жуда катта қувонч билан қуйидагиларни билдиради: 2016-йилнинг 5-ноябрида Аҳмадия Мусулмон Жамоатининг Бутун дунё Раҳнамоси, Масийҳи Мавъуд ва Имом Маҳдий – Ҳазрат Мирзо Ғулом Аҳмад (алайҳиссалом)нинг 5-Халифаси Ҳазрат Мирзо Масрур Аҳмад (Аллоҳ таоло унга Ёрдамчи бўлсин) Канаданинг Саскачеван вилоятига қарашли Ллойдминстер шаҳрида “Байтул-Омон” масжидини очди.
Муҳтарам Халифа масжидга келиб, унинг очилишини нишонлаш мақсадида эсдалик тахтасини очди, шундан сўнг дуо қилди. Сўнгра у Ҳазрат янги масжидда шом ва хуфтон намозларига имомлик қилди.
Эртаси куни 2016-йил 6-ноябрда янги масжиднинг очилишини нишонлаш мақсадида уюштирилган махсус кечада Ҳазрат Мирзо Масрур Аҳмад тарихий мурожаат қилди.
Ўз мурожаатида у Ҳазрат масжидларнинг ҳақиқий мақсад-муддаоси ҳақида сўзлади, шунингдек, янги масжид фақат Аллоҳ таолога ибодат қилувчи жой бўлмасдан, ўзининг барча инсонларга хизмат қилиш ва уларни ҳимоя қилиш қуроли эканлигини исботлайди, деб айтди.
У Ҳазрат шундай деди: Ислом динининг хавотирлари кенг тарқалган бир пайтда ташриф буюрган меҳмонларнинг ўзгача бир Ислом тадбирига қатнашганлари очиқ кўнгилликнинг аломати бўлган“ўзгача довюраклик”дир.
Шундан сўнг у Ҳазрат масжидларни қуришнинг мақсад-муддаоларини батафсил изоҳлаб берди.
Ҳазрат Мирзо Масрур Аҳмад шундай деди:
“Масжид учун араб тилидаги “масжид” сўзи қўлланилиб, сўзма-сўз ўгирганда у сўз Аллоҳ таолонинг ибодати учун инсонлар бутунлай мўминлик ва ихлос билан жамланиш учун жой маъносини билдиради. Ушбу мўминлик руҳи билан ўзини паст деб ҳисоблаб, масжидга кирадиган одам бошқаларга ҳеч қандай зарарни истамайди, шунингдек, қандайдир бир фитна-фасод ёки низоларга сабабчи бўлиши мумкин эмас”.
Ҳазрат Мирзо Масрур Аҳмад шундай деб давом этди:
“Мўминлик билан ўз ибодатларини адо этадиган мусулмон меҳрибон, ғамхўр ва жонкуяр инсон бўлади, шунингдек, у зинолардан, ноқонуний ишлардан ва турли хил ёмонликлардан холи бўлишни хоҳлайди. Фитна-фасод ёки ихтилоф-низоларни ривожлантиришнинг ўрнига масжидлар мўминлик билан Яратганга ибодат қилиш учун одамларни бир-биригаяқинлаштириш воситаси бўлиб ҳисобланади”.
У Ҳазрат Қуръони Каримнинг 5-сураси 3-оятини мисол сифатида келтирди:
“Ва бирор қавмнинг сизларни Масжид-ул-Ҳаромдан ман этганликлари сабабли уларга нисбатан душманлигингиз сизларни ноҳақликка ундамасин”.
Ушбу оятни тафсирлаб, Ҳазрат Мирзо Масрур Аҳмад шундай деди:
“Бу жойда Аллоҳ таоло аёвсиз таъқибларга олинган дастлабки мусулмонларга, ҳаттоки, уларни Исломдаги жуда Муқаддас жой бўлган Муқаддас Каъба, Масжид-ул-Ҳаромга киришдан қайтаришган бўлса ҳам, ўзларининг мухолифларига нисбатан ноҳақлик ёки зулм билан жавоб қайтаришга ман этган”.
Ҳазрат Мирзо Масрур Аҳмад шундай деб давом этди:
“Демак, Муқаддас Қуръон мусулмонларга итоат учун сабрлилик, адолат ва қаноатнинг муқобили йўқ ўлчовларини айтиб ўтган, унда ҳаққонийлик, меҳрибонлик ва холислик билан амал қилиш уларнинг бурчи бўлиб ҳисобланади, ҳаттоки, уларнинг диний эркинлигини рад этганларга ҳам яхши муомала қилишлари лозим… Демак, айтиб қўяйки, ҳақиқий масжидлардан хавфсирашнинг ҳожати йўқ, чунки улар ўч олиш ёки нафрат қилиш идоралари эмас, аксинча, улар Аллоҳ таолонинг ибодати учун солинган тинчликнинг, уйғунликнинг ҳамда бирдамликнинг марказларидир”.
У Ҳазрат мусулмонларни“ота-оналарга, қон-қариндошларга, етимларга, муҳтожларга, яқин қўшниларга, нотаниш қўшниларга ва сизлар билан яқин бўлганларга”меҳрибон бўлишга чорлайдиган Муқаддас Қуръондаги 4-суранинг 37-оятини мисол сифатида келтирди.
Ушбу оятни тафсирлаб, Улуғ Муҳтарам Халифа шундай деди: у мусулмонлардан барча инсониятга уларнинг ирқи, миллати ёки ақида-эътиқодларидан қатъий назар, меҳрибонлик билан хизмат қилишни талаб қилади.
У Ҳазрат шундай деди: Аҳмадия Мусулмон Жамоатининг масжидлари Қуръони Каримнинг меҳрибонлик каби руҳини ифодалайди, шунингдек, Аллоҳ таолонинг ҳақ-ҳуқуқлари ва бандаларнинг ҳақ-ҳуқуқларини адо этиш каби қўшалоқ мақсадлар билан солинади.
Ҳазрат Мирзо Масрур Аҳмад шундай деди:
“Бизнинг масжидларимиз инсонларни бирлаштириш ва қўшниларимиз билан маҳаллий жамоатчиликка хизмат қилиш мақсади билан қурилади. Бизнинг масжидларимиз ёруғлик минораси бўлиб, тинчлик, севги ва инсонийликни тарқатади. Биз қаерда масжид солмайлик ёки Аҳмадий Жамоатларни тузмайлик, биз маҳаллий одамларнинг мушкулотларини бартараф қилишга ҳаракат қиламиз, чунки Аллоҳ таоло Ўзининг ҳақ-ҳуқуқларини адо этилишини бандаларининг ҳақ-ҳуқуқларини адо этилишига боғлиқ қилиб қўйган. Бизнинг иймонимиз бизга қуйидагиларни ўргатади: агар биз атроф-муҳитимизда турган одамларга севги, дастак ва мадад кўрсата олмасак, у ҳолда ибодатимиз ва намозларимиз беҳуда кетади”.
У Ҳазрат Африкадаги хайрия ишларини мисол келтирди, у ерда Аҳмадия Мусулмон Жамоати дунёнинг баъзи бир жуда ҳам ночор минтақаларида сув иншоотлари, шифохоналар ва мактабларни қуриб, тоза ичимлик суви, соғлиқни сақлаш ва илм-фан билан таъминламоқда.
Аҳмадия Мусулмон Жамоатининг инсонпарварлик ҳаракатларининг ижобий таъсирини тушунтириб, Ҳазрат Мирзо Масрур Аҳмад шундай деди:
“Соатлар мобайнида бошларида сопол идишларни кўтаришнинг ўрнига бу болалар ҳозир бизнинг жамоатимиз очган мактабларда билим олишмоқда. Биз уларни қашшоқлик қуллигидан озод қилиб, ўз оёқларига туришга ёрдам беришни, натижада улар ўз оила аъзоларигагина ёрдам бермасдан, ўз миллатига ҳам ёрдам бера оладиган бўлишларини хоҳлаймиз”.
Ҳазрат Мирзо Масрур Аҳмад шундай деб давом этди:
“Биз мана шундай камбағал одамларнинг елкаларини босиб олган оғир юкни олиб ташлашни ўзимизнинг яхши бойлигимиз ва бахтлилигимиз деб ҳисоблаймиз. Бу ҳақиқий Ислом дини, унда Аллоҳ таолога ибодат қилишдан ташқари мўмин-мусулмонлар бошқаларга осойишталикларни яратиш учун тиришқоқлик билан ҳаракат қилишади”.
Ўз мурожаатининг ниҳоясида Ҳазрат Мирзо Масрур Аҳмад шундай деди: ушбу масжидга яқин яшаган маҳаллий одамлар тез орада бу янги масжид ўзининг“барча инсонлар учун тинчлик маркази”эканини исботлаб кўрсатишига гувоҳ бўлишади.
Ҳазрат Мирзо Масрур Аҳмад шундай деб дуо қилди:
“Албатта, бизнинг қўшниларимиз ва жамиятнинг барча аъзолари ўзлари учун маҳаллий Аҳмадий мусулмонлар томонидан меҳрибонликнинг, дастакларнинг ва эътибор беришнинг энг аъло даражадаги меъёрига гувоҳ бўлишади, деб дуо қиламан. Биз ҳеч қачон ўзга бировга зарар келтиришга ёки уни хавотирга солишга сабабчи бўлмайлик, деб дуо қиламан. Мен маҳаллий Аҳмадий мусулмонлар бунга амал қилишади, шунингдек, мўминлик ва очиқ кўнгиллик билан инсониятга хизмат қилишга ҳаракат қилишади, деб қаттиқ ишонаман”.
Унинг тарихий мурожаатидан олдин Канададаги Аҳмадия Мусулмон Жамоатининг Миллий Президенти Лол Хон Малик томонидан табрик сўзлари айтилди, шундан сўнг Ҳазрат Мирзо Масрур Аҳмадни шаҳарга қабул қилган Ллойдминстер шаҳрининг мэри жаноб Жерар Алберс ўз ўй-фикрларини билдирди. Шундан сўнг бир гуруҳ меҳмонлар ҳам ўз ўй-фикрларини айтишди.
Саскачеван вилоятининг қонунчилик ассамблеяси аъзоси жаноб Коллин Янг шундай деди:
“Сиз, Ҳазратнинг раҳбарлигингиз остида вилоятимизда, округимда ва шаҳримизда Аҳмадия Мусулмон Жамоати инсониятга хизмат қилишга қандай машғул бўлаётганини кўрмоқдамиз ва сезмоқдамиз… Канада ва Саскачеванда биз “муҳаббат барчага, нафрат ҳеч кимга” деган мафкурангизни баҳам кўрмоқдамиз”.
Собиқ мудофаа ва интеграция вазири Жейсон Кенни шундай деди:
“Канададаги Аҳмадия Мусулмон Жамоати ўз эътиқоди ва очиқлигини таъминлаш учун интеграция учун ўзгача бир намуна бўлган, Канаданинг кўп миллатлилик намунаси бўлган жамоат. Бутунлай мусулмон ва бутунлай канадалик бўлган жамоат, шундан келиб чиқиб, ер юзидан келувчи янги мигрантларга ўзгача бир гўзал мисол бўлиб ҳисобланади”.
Собиқ сиёсатчи ва айни дамда машҳур радио сўзлашувларни олиб борувчи жаноб Жон Гормлей шундай деди:
“Жамият билан ишлаш бўйича фуқаровий қатнашиш жиҳатидан олганда, яхшироқ Канада қуриш бўйича, Аҳмадия Мусулмон Жамоатининг миллий фаровонлиги биз учун албатта, ўзгача бир намуна бўлиб ҳисобланади”.
Тадбирдан олдин ҳам, ундан кейин ҳам у Ҳазрат яккама-якка бир гуруҳ меҳмонлар билан учрашди ва маҳаллий медиа вакиллари билан маълумотлар мажлисини ҳам ўтказди.