Ҳазрат Мирзо Масрур Аҳмад Байтул-Эҳсон масжидини очдилар
Аҳмадия Мусулмон Жамоати жуда катта қувонч билан қуйидагиларни билдиради: 2017-йилнинг 7-январида Аҳмадия Мусулмон Жамоатининг Бутун дунё Раҳнамоси, Масийҳи Мавъуд ва Имом Маҳдий – Ҳазрат Мирзо Ғулом Аҳмад (алайҳиссалом)нинг 5-Халифаси Ҳазрат Мирзо Масрур Аҳмад (Аллоҳ таоло у зотга Ёрдамчи бўлсин) Лондонга қарашли Митчем районида “Байтул-Эҳсон” масжидини очдилар.
Халифа жаноблари келиб, расмий турда эсдалик тахтаси билан масжидни очдилар ва Аллоҳ таолога миннатдорчилик билдириб, дуо қилдилар.
Шундан сўнг у Ҳазрат тадбирга келган маҳаллий Аҳмадий мусулмонларга мурожаат қилдилар.
Масжиднинг ҳақиқий мақсад-муддаолари ҳақида сўз юритиб, Ҳазрат Мирзо Масрур Аҳмад шундай дедилар:
“Масжиднинг мақсад-муддаоси – бу Ёлғиз Аллоҳга ибодат қилиш, шунинг учун бу масжидга ибодат учун келадиган одамлар унинг мақсад-муддаоларини адо этишга ҳаракат қилишлари лозим. Демак, Аҳмадий мусулмонлар ҳар доим ибодат қилишга ва Аллоҳ таолонинг ҳақ-ҳуқуқларини адо этишга бутунлай эътибор қаратишлари лозим”.
У Ҳазрат шундай деб давом этдилар:
“Бу масжидни қуриш натидасида маҳаллий жамоатчилик Аҳмадия Мусулмон Жамоати ҳақида кўпроқ маълумотга эга бўлади. Шунинг учун маҳаллий Аҳмадий мусулмонлар ўз қўшниларининг ҳақ-ҳуқуқларини адо этишлари керак ва маҳаллий инсонларни Ислом динининг ҳақиқий ва тинчлик таълимотларидан огоҳ қилишлари зарур, натижада уларда Ислом дини ҳақида бўлган турли хил хавфлар ёки тушунмовчиликлар барҳам топсин. Аллоҳ таоло барчага шундай қилишга куч-қувват берсин”.
Шундан сўнг у Ҳазрат мазкур масжидда пешин ва аср намозларига имомлик қилиб, масжиднинг бошқа бўлимларини кўздан кечириб чиқдилар.
Намоз саройларига қўшимча мазкур беш қаватли бинода анжуман саройлари, идоралар ва ҳоказо, турли хил бўлимлар мавжуд.
Якуни
Қўшимча маълумот учун: press@ahmadiyya.org.uk
Манзил: 22 Deer Park Road, London, SW19 3TL UK
Email: press@ahmadiyya.org.uk
Press Secretary AMJ International
(Халқаро Аҳмадия Мусулмон Жамоати редакцияси котиби)