Ҳазрат Мирзо Масрур Аҳмад дунё ўта хавфли даврдан ўтмоқда, деб айтдилар
Аҳмадия Мусулмон Жамоати жуда катта қувонч билан қуйидагиларни билдиради: 2017-йилнинг 18-апрелида Аҳмадия Мусулмон Жамоатининг Бутун дунё Раҳнамоси, Масийҳи Мавъуд ва Имом Маҳдий – Ҳазрат Мирзо Ғулом Аҳмад (алайҳиссалом)нинг 5-Халифаси Ҳазрат Мирзо Масрур Аҳмад (Аллоҳ таоло у зотга Ёрдамчи бўлсин) Германиянинг Раунҳайм номли шаҳрида биринчи Аҳмадия Мусулмон масжидига тамал тошини қўйдилар.
135га яқин меҳмонлар, улар орасида Раунҳайм шаҳри Мэри Муҳтарам Томас Жухе тадбирда иштирок этдилар.
Асосий мурожаат Ҳазрат Мирзо Масрур Аҳмад томонидан уюштирилиб, унда у киши масжидларнинг ҳақиқий мақсад-муддаоларини айтиб бердилар, долзарб бўлиб бораётган глобал беқарор вазият борасида ўз хавотирларидан баҳс юритдилар, шунингдек, Ислом дини диний эркинлик ва демократияни қандай олқишлашини изоҳлаб бердилар.
Дунёда қандайдир бир уруш бўлиш эҳтимолидан сўз юритиб, Ҳазрат Мирзо Масрур Аҳмад шундай дедилар:
“Биз ўта хавфли даврдан ўтмоқдамиз. Баъзи бир номигагина мусулмон аталувчи мусулмон экстремисттик ташкилотлар томонидан улкан хавф юзага келган, шунингдек, биз ҳам баъзи бир давлатлар ўртасида зудлик билан ўсиб бораётган низоларга гувоҳ бўлмоқдамиз, мана шу ҳолат бизни қандайдир бир хавфли йўлга йўналтирмоқда. Хоҳ Европа, Корея, Ироқ Шарқининг бошқа минтақаларида ёки Америкада тўс-тўполон бўлсин, уруш чиқиб кетиш имкони бўлган бир нечта жиҳатлари мавжуд”.
Ҳазрат Мирзо Масрур Аҳмад шундай деб давом этдилар:
“Бу менинг истагим ва дуом: инсониятни қадрлайдиган барча одамлар инсониятни ўзаро бирлаштириб, дунёда ҳақиқий тинчликни ривожлантиришлари лозим. Албатта, таъсир доираси кенг сиёсатчилар ва одамлар ўз ҳукуматларини: “Улар беқарорликни алангалатиб, бизни ҳам жарга томон олиб боришнинг ўрнига, тинчликни ўрнатиш ҳаракатларига эътиборни қаратишлари лозим”, – деб ишонтиришга ҳаракат қилишлари зарур. Айни дамда, дунё аҳилликка ва одамларни бир-бирига яқинлаштиришга эътиборни тортишлари керак”.
Ҳазрат шундай дедилар: мусулмон ва ғайримусулмон дунёда ҳам Ислом номи билан уюштирилган зўрлик-зўравонлик ва қон тўкиш Ислом динининг покиза таълимотларига бутунлай зиддир. У киши “Ислом” сўзининг ҳақиқий маъноси “тинчлик” эканини билдириб, унинг таълимотларида диний эркинлик мавжуд эканини айтиб, мусулмонларнинг ғайримусулмонлар билан тинчлик билан яшашга чақирдилар.
Ҳазрат бунга қадар Аҳмадий мусулмонлар уларнинг жамиятга қўшган ижобий ҳиссаси ва тинчликни ривожлантириш учун амалга оширган ҳаракатларини қадрлаган маҳаллий меҳмонларга миннатдорчилигини ҳам билдирдилар.
Ҳазрат Мирзо Масрур Аҳмад шундай дедилар:
“Аввалида сўзлаган одамларда Аҳмадия Мусулмон Жамоатининг қандайдир бир яхши қиёфаси бор ва улар Аҳмадий мусулмонлар Германиядаги жамоатчиликка яхши аралашиб кетишди деб ўйлашади, буни эшитиб, мен жуда хурсандман. Бизнинг аралашиб кетганлигимизнинг сабаби, биз Ислом динининг ҳақиқий таълимотларига эргашамиз ва ушбу масжид қурилиб битгандан сўнг сизлар Жамоатимиз аъзолари томонидан яна кўпроқ яхшиликлар ва аъло даражадаги одоб-ахлоқли ишлар амалга оширилишининг гувоҳи бўласизлар. Сизлар келиб кўрасизлар, нафратни ёйиш ва бўлиб-парчалаш уруғларини сепишнинг ўрнига ушбу масжиднинг миноралари тинчлик, бирдамлик, севги ва меҳрибонлик рамзи бўлади”.
Ҳазрат Ислом динида қўни-қўшниларнинг ҳақ-ҳуқуқларини адо этишга бўлган зўр таъкид ҳақида сўз юритдилар. У киши Севимли Пайғамбаримиз Муҳаммад (саллаллоҳу алайҳи ва саллам) айтган қуйидаги сўзларни мисол сифатида келтирдилар: “Аллоҳ таоло қўшниларнинг ҳақ-ҳуқуқларини адо этишга шунчалик урғу бериб айтди: мен улар кимдир бировнинг мол-мулкига меросхўр бўлиб қолиши мумкин деб ўйладим”.
Ислом динида қўшнилар доирасини изоҳлаб, Ҳазрат Мирзо Масрур Аҳмад шундай дедилар:
“Ислом дини бўйича кимгадир қўшни бўла оладиган одамларнинг тоифаси жуда ҳам кенг. Биргаликда йўл юрганлар, биргаликда ишлаганлар ва атроф-муҳитингизда яшаган ҳар бир инсон бунга киради”.
Ҳазрат Мирзо Масрур Аҳмад шундай деб давом этдилар:
“Бу жиҳатдан олганда, шаҳарнинг бутун халқи Аҳмадий мусулмонлар ва бизнинг масжидларимизга қўшни бўлиб ҳисобланади. Шунинг учун ўз қўшниларининг ҳақ-ҳуқуқларини адо этиш ибодат қилиш мақсадида мазкур масжидга келадиган барча одамларнинг вазифаси бўлиб ҳисобланади, шунингдек, улар: “Биз уларга (қўшниларимизга) ҳеч қандай зиён етказмаймиз ёки қандайдир қийинчиликларни яратмаймиз”, – деб ишонтиришлари лозим. Аксинча, улар уларга меҳрибон бўлишлари зарур, уларга ғамхўр бўлишлари лозим ва уларга хизмат қилишлари лозим”.
Ўз мурожаатларида, Ҳазрат Ислом дини давлат қонунларига бўйсуниш амалини устун қўйганлиги аҳамиятини таъкидлаб ўтдилар. Ҳазрат Севимли Пайғамбаримиз Муҳаммад (саллаллоҳу алайҳи ва саллам)нинг “ўз ватанини севиш – бу иймондан” деган машҳур ҳадисини мисол сифатида келтирдилар.
Ҳазрат Мирзо Масрур Аҳмад шундай дедилар:
“Ҳар бир давлат қонунлари одамларни адолатсизликлардан ҳимоя қилиш ва осойишталикларни яратиш учун чиқарилади. Давлат қонунларига бўйсуниш ҳар бир ҳақиқий мусулмоннинг вазифаси, шунинг учун агар кимдир биров қўрқса ёки хавотирланса, у Ислом дини мусулмонларга ноҳақлик қилишга ёки нифоқ солишга рухсат бермайди, деб билиши лозим. Бу усулга қарши иш тутадиган ҳар бир мусулмон ҳақиқий Ислом таълимотларини бузди деган айб билан қораланади ва ноҳақлик билан Ислом дини номини ёмонлаган бўлади”.
Шундан сўнг Ҳазрат шундай дедилар: диний эркинлик – бу Ислом динининг асосий усули, Муқаддас Қуръон амалда барча одамларга ўз эътиқодларига эргашиб, уларга яраша амал қилиш ҳуқуқини таъминлаган.
Ҳазрат диний эркинлик ҳар бир муваффақиятли ва тинч жамиятнинг зарур қисми бўлиб ҳисобланади, деб айтдилар.
Ҳазрат Мирзо Масрур Аҳмад шундай дедилар:
“Ҳақиқатда, фақат диний эркинлик жамиятда тинчликни ярата олади. Биз, ҳар бир йирик дин Аллоҳ таоло юборган Пайғамбар орқали асосланган ва берилган деб ишонамиз, шунинг учун бошқаларнинг диний эркинлигини инкор этиш ёки уларга қандайдир бир зиён етказиш бизга мумкин эмас”.
Ҳазрат Мирзо Масрур Аҳмад шундай деб давом этдилар:
“Дастлабки мусулмонларга узоққа чўзилган энг оғир зулмлардан сўнг мудофаа мақсадида жанг қилиш учун рухсат берилганлигининг сабаби, Ислом динининг душманлари дин институтини қириб ташламоқчи бўлган. Муқаддас Қуръон очиқ-ойдин шундай деб айтган: агар уларнинг йўли тўсилмаганда, унда ҳеч қандай яҳудийлар ибодатхонаси, черков, ибодатхона, масжид ёки қандайдир бир бошқа ибодат қилиш уйи омон қолмасди. Шунинг учун Ислом динининг бошланғич даврида мудофаа мақсадидаги жангга берилган рухсат барча динларни қўриқлаш ва барча одамларга диний эркинлик усулларини бирваракайига мустаҳкамлаш учунгина бўлган”.
Ҳазрат шундай деб айтдилар: Ислом дини демократияга қарши эмас, балки адолат ва ишончга асосланган ҳақиқий демократияни ёқлайди.
Ҳазрат шундай дедилар: одамлар ўз иттифоқдошлари ёки дўстлари учун овоз беришнинг ўрнига улар ўта тажрибали, илғор дунёқарашга эга бўлган ва сиёсати кучли одам учун овоз бериши лозим.
Ҳазрат Мирзо Масрур Аҳмад шундай дедилар:
“Ислом дини демократик эркинлик бўлиши зарур деб таъкидлайди, шунингдек, лидерлар тайинланаётганда, ишонч билан ўз бурчларини ишончли бажара оладиган инсонлар танланиб олинсин деб ўргатади. Бу улардан халқ ва давлатнинг фаровонлиги учун хизмат қилишларини, шунингдек, кўпроқ фойда учун ўз шахсий манфаатларидан воз кечишларини талаб қилади. Ислом дини лидерни танлаб олишда, унинг қайси партияга мансублиги таъсир кўрсатмаслиги лозим, балки халққа ёрдам берадиган ёки давлатни ундан-да ўстириб-ривожлантирадиган одамлар сайланиши керак деб ўргатади”.
Ўз мурожаатининг ниҳоясида Ҳазрат Мирзо Масрур Аҳмад шундай дедилар:
“Мен ушбу масжид қурилиб битгандан кейин Худо хоҳласа, маҳаллий Аҳмадий мусулмонлар маҳаллий аҳоли ва бу миллатга хизмат қилиб, ўз диний бурчларини адо этишади, шунингдек, ўз юриш-туришлари орқали илгаригисидан ҳам кўпроқ Ислом динининг ҳақиқий ва тинчлик таълимотларини юксалтиришади деган умиддаман”.
Бунга қадар Германиядаги Аҳмадия Мусулмон Жамоатининг Миллий Президенти (Амири) – жаноб Абдулла Вагишаузер меҳмонларга “табрик” сўзини ўқиди, шундан сўнг келган меҳмонлар ўз мулоҳазаларини айтишди.
Раунҳайм шаҳрининг мэри Тхомас Жухе шундай деди:
“Аҳмадий мусулмонлар Раунҳайм шаҳрида бошқалар учун ўзгача бир ўрнак бўлишган ва улар ҳар жиҳатдан ўзларининг жуда ҳам сокин ва яхши одамлар эканини далиллаб кўрсатишган”.
Вилоят Ассамблеясининг депутати Сабин Бахле-Шойтс шундай деди:
“Улуғ Муҳтарам Ҳазрат Мирзо Масрур Аҳмад билан учрашувимиз ва бизнинг шаҳримизга уюштирган ташрифи – бу биз учун жуда катта ифтихор. Аҳмадий мусулмонлар тинчликни ёқлаган ва қонунни ҳурмат қилган бизнинг демократиямизга эҳтиром кўрсатган одамлар. Шунинг учун мен ушбу масжид – тинчлик ва ўзаро алоқаларнинг рамзи эканини далиллаб кўрсатади деб ишонаман”.
Унинг мурожаати тугагандан сўнг Ҳазрат Мирзо Масрур Аҳмад янги масжидга тамал тошини қўйдилар.
Ҳазратнинг улуғ муҳтарама рафиқаси Ҳазрат Аматул Субуҳ Бегам ҳам мазкур масжидга тош қўйдилар, шундан сўнг мэр, бошқа ҳурматли меҳмонлар ва бир талай Марказий, Миллий ва Маҳаллий Аҳмадий мусулмон ходимлар ҳам тошларни қўйишди.
Расмий сессия Ҳазрат олиб борган дуо билан якунланиб, шундан сўнг меҳмонларга таом тортилди.
Якуни
Қўшимча маълумот учун: press@ahmadiyya.org.uk
Манзил: 22 Deer Park Road, London, SW19 3TL UK
Tel/Fax: 020 8544 7613 Mob: 077954 90682
Email: press@ahmadiyya.org.uk
Press Secretary AMJ International
(Халқаро Аҳмадия Мусулмон Жамоати редакцияси котиби)