Mijëra besimtarë morën pjesë në përurimin e xhamisë së re të Xhematit Musliman Ahmedia në Venkuver të Kanadasë
Me emrin e Allahut, të Gjithëmëshirshmit, Mëshirëbërësit.
Nuk ka të adhurueshëm tjetër përveç Allahut, Muhammedi është i Dërguari i Allahut.
Muslimanët që besojnë se Hazret Mirza Ghulam Ahmedi a.s.,
është Imam Mehdiu dhe Mesihu i Premtuar.

Mijëra besimtarë morën pjesë në përurimin e xhamisë së re të Xhematit Musliman Ahmedia në Venkuver të Kanadasë

Hazret Mirza Masrur Ahmedi përuroi xhaminë Bejtur Rahman, me fjalimin e tij të xhumasë

Udhëheqësi botëror i Xhematit Musliman Ahmedia, Kalifi i Pestë i Mesihut të Premtuar Hazret Mirza Masrur Ahmedi përuroi xhaminë Bejtur Rahman në Venkuver, më 17 maj të vitit 2013, duke mbajtur në të, fjalimin javor të ditës së premte.
Vancouver-PR-1

Xhamia që është më e madhja e Xhematit Musliman Ahmedia në Kolumbinë Britanike, ishte ngjeshur me më shumë 3.000 muslimanë ahmedianë, burra, gra dhe fëmijë, të cilët erdhën nga mbarë Kanadaja për të marrë pjesë në ceremoninë e inaugurimit. Pjesëmarrja ishte edhe nga Shtetet e Bashkuara dhe nga vende të tjera të botës.
Vancouver-PR-3
Vancouver-PR-6

Duke folur për rëndësinë e xhamisë së re, Hazret Mirza Masrur Ahmedi tha:

“Me bekimin e Allahut të Lartësuar, sot, Xhemati Musliman Ahmedia përuron një xhami të re në provincën kanadeze të Kolumbisë Britanike. Xhamia sjell një efekt të veçantë, edhe te muslimanët, edhe te jo-muslimanët. Kur ndërtohet një xhami e re, hapen rrugë të reja të përhapjes së mesazhit të Islamit dhe për këtë arsye themeluesi i Xhematit Musliman Ahmedia vazhdimisht u ka tërhequr vëmendjen anëtarëve të tij për rëndësinë e ndërtimit të xhamive”.

Vancouver-PR-5

Hazret Mirza Masrur Ahmedi tha që inaugurimi i xhamisë Bejtur Rahman, i ngarkon muslimanët ahmedianë vendas me përgjegjësi të mëdha. Ai tha që është e domosdoshme që ata të provojnë se praktikojnë atë që predikojnë dhe se nuk ka asnjë mospërputhje midis fjalës dhe veprës së tyre. Muslimani ahmedian duhet të përhapë mesazhin e vërtetë të Islamit, të paqes, jo vetëm me fjalët e tij, por edhe me sjelljen dhe modelin e tij.

Vancouver-PR-4

Hazret Mirza Masrur Ahmedi gjithashtu tha:

“Provoni para atyre që vijnë për të vizituar këtë xhami, që çdo vepër e një muslimani ahmedian realizohet për t’u sjellë dobi dhe ndihmë të tjerëve. Është për shkak të mësimeve të Islamit e të Kuranit Famëlartë që ne mendojmë vetëm për t’u sjellim dobi të tjerëve, në vend që të favorizojmë veten e vet. Padyshim, ne jo vetëm mendojmë të ndihmojmë të tjerët, por përmes veprave tona, punojnë në këtë drejtim. Inshallah, me hapjen e kësaj xhamie, njerëzit vetë do ta dëshmojnë këtë realitet”.

Vancouver-PR-7
Vancouver-PR-8
Vancouver-PR-9

 

Shpërndaje
Na kontaktoni ne Whatsapp :)
Shtypni këtu ju lutemWhatsApp